Wadaddiit Luúkaam14
1Diib Iighuniya Bulis wa Barnaaba kim lamadom maqbadda Yahud ataw wa ib atkarot tahaagaw. Ka jameq waaseq minna Yahud wa la umammiyiin amna.2Minnaata la Yahud la amiin abaw la umammiyiin haarasaw diidda emnat wa ibbi asoraw ittom.3Ka Bulis wa Barnaaba ken wakkadaw ib ghiloq ib niqimat Molaay inde bashshiro wa hitu liíkatom ayada ib xiilat hiibatom mistinkiraat wa qajaayib igil laájru.4Wa shaqabba madiinat tkaffala; galehom baakka Yahud txazzabaw wa galehom baakka luúkaam.5Wa la umammiyiin wa la Yahud missilla merxatom didda luúkaam madrarot qaghdaw igil laátqayurom wa igil lirjomom.6Ka kashfaw ibbom wa asik madiinat Listara wa Darba la diib mandtighat Liikaúniya litrakkaba wa la baakaatan harbaw.7Wa diiban bashsharot attalaalaw.8Wa diib madiinat Listara inaas kirsuy wa min mawalladu xankiish wa min niíshu killu killu la iitaakaba nabbir qala.9Wa higya Bulis laáttanse qala ka Bulis fazzayu wa kim litshaffe emaan raá ittu.10Ka adhayu, “Kib de, bidtaarka gibá,” belayu. Ka la inaas kartaf wada wa heraar astabda.11Ka la maxaabir widiit Bulis xiin raáw ib Liikaúniyat hatfaw, “La aalihat it hayát bashar asikna tkarret!” inliblo.12Barnaaba Zafsa samawu wa Bulis Harmas jalliib hitu mathaagyaay riknaay qala. (Zafsa wa Harmas aalihat qalaw.)13Wa kaahin Zafsa, la maqbadu itta mifgaarra madiinat qala, qabqirat wa akaaliil zuhur itta maáteyya madiinat amtstsá ajil hitu wa la maxaabir karaamaat igil lighaddimo ilom xazaw.14Laakiin dolat la luúkaam ibbilli samqaw, libbaasom sharaadtadtaw iikabte igil laárú wa jahatta maxaabir ashshaafagaw inlidtdtaarxo,15“Yahaw sab, jalla mi illi twaddu hallekum? Xina ma, bashar kimsalekum xina. Bishaarat naámatstsí ikkum igil min illa sinaq maaytat igil taqaghbilo asik Rabbi la xiyaay, Kalghaay midir wa sama wa baxar wa killu la halla diiban.16Itta ghadaamiit killa umam it makayida tarka ila.17Wa misil illi imbal shaahid la asku laxabbirrom iitarkayom; hitu min sinnu zilaam wa ittey it iinaatom razghekkum. Hitu nabarriit razghekkum wa albaabkum lawagh malá.”18Wa xagho illi ma, min karramot iglom ib ghaliil igil likriqiwom iighadraw.19Wa xare gale Yahud min Andtaakya wa Iighuniya matsaẃ wa la maxaabir askom dallaw. Wa Bulis rajmaw wa asik kadan saxabawu jalla mota maslayom.20Wa xagho la darasa tkallalawu, ghantsa wa asikka madiinat qaghbala. Wa amqil xaariit hitu wa Barnaaba asik Darba saafaraw.21Wa sabá bashsharaw wa bizxaam emnat kasbaw. Wa xaghohu asik Listara wa Iighuniya wa Andtaakya la diib Bisiidya qaghbalaw.22Wa la darasa sando wa laádaffó qalaw la emaan igil laxadtidto wa, “Mamlakat Rabbi igil niíte ib bizox igil nixilaf bina,” belawom.23Wa Bulis wa Barnaaba igil ayi kaniisatka sab gats qayyanaw wa ib daqa wa som Molaay la ittu tankabaw ammanawom.24Wa xagho ib Bisiidya xalfaw Bamfiiliya batsxaw.25Wa diib Barja ib zaqat Rabbi basharaw wa xare asik Attaaliya saafaraw.26Wa min Attaaliya asik Andtaakya abxaraw la diiba ghadam illa, igil niqimat Rabbi tkarrasaw ajilla waghey la aze asfawu.27Ken kim batsxaw la kaniisat gats xid jamqaw wa ib killu la Rabbi ib gabeyom wadayu ballaghaw wa kafo kim baab emaan kasta igilla umammiyiin.28Wa ken gorra darasa bizox kaláw.
Summer Institute of Linguistics Ethiopia