Koreeg nà moog‑e35
1Aneenda Tel e bee Yagoban: “Way ləŋ é Bet‑El ũ əb tu, û kuu wə Tel ná gossě iiŋ tu ũnu é gara u gəlíigǐ é dö awl Issu iiŋ‑i.”2Aneenda Yagob e bee jag é maag inəgin èg jag nà taa èg deene: “Gəddə teleeg nà dhaanaag‑e tuu u əddə og berg u cigdə goog nà dhaanaag.3Aneenda əddú, ag wayda é Bet‑El, é wag ná â kuu'ǎ wə é Tel ná fiŋəssǐ kor əənə é gara a dawrán‑e, o ná ragsa èg daane é wageeg kay nà a assé.”4Eg gàf teleeg nà dhaanaag‑e kay nà bilə̌níigǐ èg tiwiig nà dë windig‑i Yagoban. Yagob e durdiigə tad é guldu é gaay‑bəl é Səkiim.5Aneenda eg məŋə. Tel e pəd jaga kojo nà anaa é gaamg nà teerma diiŋg‑i war jaam dəwsí iiɲjəgə wa.6Yagob èg jag nà leeŋa èg deen‑e e càgga wag é Luus (ná Bet‑El) é aldan é Kanaanga.7É wag na e kuu wə e nag wag na El‑Bet‑El, é kora Tel rimsǐ ĩnə iiŋ tu é gara gəlíigǐ tuu é awlane iiŋ‑i.8Gəl Dabora daa é Rifgən e tir e durin gaay‑bəl é Bet‑El. Enna nagsána wag Gaay é Ung‑i.9É gara Yagob mərrǐ liinǐ é Baw é Aram‑e, Tel e ŋulĩnə iiŋ taan e əild iiŋ.10Tel e bii'ĩnə: “Ö saaga bel Yagob, gəl e tarb oon Yagob ta wa, gəl ö saaga e bel Isrəil.” Aneenda Tel e mərí ë saaga Isrəil.11Tel e bii'ĩnə: “Aan Tel ná Segar‑en. Kuddu əddə og talg. Kaŋ o maldag é kaŋeega e làdân duuŋ, o məligiig làdân duuŋ.12Alda ná a gawsě Ibrəimən èg Esaag‑e â gəfũn di, o â gaf ü məyədən nà ê adaga dö aaɲj‑e.”13Aneenda Tel e wəjjǐ tui diiŋ é wag ná kurəgə̌nǐ èg deene.14Yagob e tal miidə taw é wag ná Tel kursǐ èg deene. E ug saa é hay èg əyəgi dë ool.15Yagob e nag wag ná Tel kursǐ èg deen‑e Bet‑El.16Aneenda e dòos e məŋə é Bet‑Ela. Bara eg caggda wag é Afraata, Ra'eel e ɲəm ẽ koddo o jaan e naame əndəg.17É gara jaan nəəmsǐ een əndəg‑i, yoo ná kundugǐ e bii'ĩnə: “Ar u bədí uuŋ kojo wa de jaa ni ná fuuin taan.”18É gara ada tir‑i e nag jaan Ben‑oni. Gəl faan e nəgi Benyamin.19Aneenda Ra'eel e tir e durin teed‑eelg é Afraata (ná Bet‑Laam‑e).20Yagob e tal miid fol‑ool maa Ra'eel. Ləŋ bare miid na tall fol‑ool maa Ra'eel.21Isrəil e məŋə taan e bell kumur iini tad é wee ná jaar aaɲ é Idir.22É gara Isrəil ənə̌nǐ é gaam naadin‑i, Rawbin e nag è Bila od é faa iinin ná dhəm‑i, Isrəil e fiŋə kor.
Yagobo belǎn jaalgeen əsəgdi èg nà dhaag.23Jaalgeen é Liyan: Rawbin jaa é moogo é Yagobo, Samoon, Lawi, Yəusə, Yasaakar èg Sabulun.24Jaalgeen é Ra'eel: Yusif è Benyamin.25Jaalgeen é Bila dhəm é Ra'eel: Dan èg Naftali.26Jaalgeen é Silfan dhəm é Liyan: Jaad èg Aciiri. Jaalgeen é Yagob nee nà bildǐ e an baw‑eelg é Aram‑e.27Yagob e mərə teyag maa faa Esaag é Mamara, teerma é Garyat Arba (ná Abron‑e), é wag ná Ibrəim èg Esaaga ənə̌nǐigi.28Duug é Esaaga nà əssǐ taǎn 180.29Aneenda e tir eg duríigin, ë kuuzəgə e waj èg dë məəzəədii‑ni, məissí o duug inəgin assé eg talg. Jaalge inəgin Issun èg Yagobe eg duríigi.
Yagobo belǎn jaalgeen əsəgdi èg nà dhaag.23Jaalgeen é Liyan: Rawbin jaa é moogo é Yagobo, Samoon, Lawi, Yəusə, Yasaakar èg Sabulun.24Jaalgeen é Ra'eel: Yusif è Benyamin.25Jaalgeen é Bila dhəm é Ra'eel: Dan èg Naftali.26Jaalgeen é Silfan dhəm é Liyan: Jaad èg Aciiri. Jaalgeen é Yagob nee nà bildǐ e an baw‑eelg é Aram‑e.27Yagob e mərə teyag maa faa Esaag é Mamara, teerma é Garyat Arba (ná Abron‑e), é wag ná Ibrəim èg Esaaga ənə̌nǐigi.28Duug é Esaaga nà əssǐ taǎn 180.29Aneenda e tir eg duríigin, ë kuuzəgə e waj èg dë məəzəədii‑ni, məissí o duug inəgin assé eg talg. Jaalge inəgin Issun èg Yagobe eg duríigi.
Pioneer Bible Translators