Koreeg nà moog‑e36
1Koren rimdə̂n jaalgeen é Issun (eena Adoom‑e).2Issun wərí ozoog inəgin é Kanaan: Aada ɲen é Elon ná Esse, Awlibama ɲen é Anaa məi é Sibuun ná Iwwi,3Basma jo di ɲaa é Isməilə yaazz é Nabayot.4Aadan e koo Alifaas Issun, Basman e koo Rəuil,5Awlibaman e koo Yauc èg Yalam è Goora. Jaalgeen é Issun nee nà kussə́nǐ é Kanaan‑e.6Issun e war ozoog èg jaalgeen inəgini èg ɲalge èg jag é maag inəgini, èg lewdag‑e, èg jeg kay‑e nà jissǐ e an é Kanaan‑e, e məŋə tui é awlane Yagob iiŋə e baa dhugud é alda ná dhaan‑e.7Kaaŋa iyənin assé é mada əndəg ná ẽ əddǐigi gar taman‑e, é kora alda ná ənə̌nǐig‑i əssí e ɲaan ná lewdag ẽ təlldǐigi gar taman‑e.8Enna Issun (ná Adoom‑e) e ab é gaamg ɲalge nà é Saiir.9Jaalgeen é Issun nee, baaw é Adoomeega é gaamg ɲalge nà é Saiir.10Jaalgeen é Issun ë səyəg nee: Alifaas, jaa é od é Issu Aada, è Rəuil jaan é Basman od é Issun.11Jaalgeen é Alifaasa: Teman, Omar, Safoo, Jasaam èg Ganaas.12Jaan é Issun Alifaas belǎn od man ná dhəm‑i bel Temna, een ná kussǐ Amaleg‑e. Jag nee məyəd é Aada od é Issun.13Jaalgeen é Rəuil: Naas, Saara, Samma èg Messa. Jag nee məyəd é Basma od é Issun.14Jaalgeen nee məyəd é Awlibama od é Issu ɲaa Anaa məi é Sibuun, nà kussǐ Issun‑i: Yauc èg Yalam èg Goora.15Nee rimdə seenaag é wisəg muug é jaalgeen é Issun: Jaalgeen é Alifaas jaa é Issun ná faan‑e: seen Teman, seen Omar, seen Safoo, seen Ganaas,16seen Goora, seen Jasaam èg seen Amaleg. Seenaag nee nà ləzzǐ é Alifaas iiŋ é gaam Adoom‑e. Taǎn məyəd é Aada.17Jaalgeen é Rəuil jaan é Issu: seen Naas, seen Saara, seen Samma èg seen Messa. Seenaag nee nà ləzzǐ é Rəuil iiŋ é gaam Adoom‑e. Taǎn məyədə é Basma od é Issun.18Jaalgeen é Awlibama od é Issun: seen Yauc, seen Yalam èg seen Goora. Seenaaga nee nà ləzzǐ é Awlibama iiŋ od é Issu ɲaa é Anaa.19Jaalgeen nee é Issun (ná Adoom‑e), èg seenaag iyəgini egan nee.20Jaalgeen nee é Saiir jen é Orii, nà ana é gaam naan‑e: Lootaan, Sobal, Sibuun, Anaa,21Dicun, Esar èg Dican. Egan seenaag é Orii jaalge é Saiir nà ana é aldan é Adoom‑e.22Jaalgeen é Lootaan: Orii è Umaam. Temna yaazz é Lootaan.23Jaalgeen é Sobal: Alwaan, Manaa, Ebal, Cafoo èg Onam.24Jaalgeen é Sibuun: Ayya èg Anaa. Anaa nii ná waa eed ná gəmsǐ feg lusug‑i é gara nəəmdə̌nǐ cooleeg é faa Sibuun wəl‑uul‑i.25Jaalgeen é Anaa: Dicun èg Awlibama ɲaa iinin.26Jaalgeen é Dicun: Amdan, Acban, Yacran èg Karaan.27Jaalgeen é Esar: Balaan, Sawaan èg Agaan.28Jaalgeen é Dican: Uus èg Araan.29Seenaag é Oriig nee: seen Lootaan, seen Sobal, seen Sibuun, seen Anaa,30seen Dicun, seen Esar èg seen Dican. Seenaag é Oriig nee ar ná ənǐigi é maldag iyəgin, é alda é Saiir.31Məligiig nee ná gona wag é Adoom bara məlig man ẽ bagda wag é Isrəilə.32Baala jaa é Bəur taǎn seene é Adoom. Gaam iinin belǎn Dinaba.33É gara Baalan tirsǐ, Yubaba jaan é Saaran ná lee é Busrə‑i e bəgi é wag iinin seende.34É gara Yubaba tirsǐ, Ucaam ná lee é alda é Temang‑e e bəgi é wag iinin seende.35É gara Ucaam tirsǐ, Adad jaa é Badad ná dawsé Medyanga é gaam Mowab‑e e bəgi é wag iinin seende. Gaam iinin belǎn Aweet.36É gara Adad tirsǐ, Samla ná lee é Masriga‑e e bəgi é wag iinin seende.37É gara Samla tirsǐ, Caa'ul ná lee é Rawboot é deel Forat e bəgi é wag iinin seende.38É gara Caa'ul tirsǐ, Baal‑Anan jaan é Akburu e bəgi é wag iinin seende.39É gara Baal‑Anan jaan é Akbur tirsǐ, Adad e bəgi é wag iinin seende. Gaam iinin belǎn Faw, od iinin belǎn Matabil ɲaa é Matred, ɲaa é Ma‑Zaab.40Seenaag nà ləzzǐ é Issu iiŋ‑i nee, é wisəg muug ar ná təzíigǐ é gaamg iyəgin: seen Temna, seen Alwa, seen Yatit,41seen Awlibama, seen Ayla, seen Finun,42seen Ganaas, seen Teman, seen Mibsar,43seen Majdil èg seen Eraam. Seenaag é Adoom nee, é wag nà əssǐigi é gaamg iyəgin nà ənə̌nǐigi. Jen nii Issun baaw é Adoomeega.
Pioneer Bible Translators