Koreeg nà moog‑e31
1Yagob e fiŋə jaalgeen é Labana e kùrəs: “Yagob warsa jega kay nà é faa əyən, mussu kaaŋan nii kay é jeg ná äg baawn bilə̌nǐ.”2Yagob e tur asam ná Laban jissǐ een maŋ ar ná moogee‑ne wa‑e.3Aneenda Məi Tel e bee Yagoban: “Way taana gaam‑aaŋ maa dö baawaad maa jag unug. De â raa èg doone.”4Enna Yagob cugsǐ é Ra'eel iiŋ èg Liyane ẽ àddě door‑eelg é wag ná miəg inəgin təə̌nǐigi.5E bii'ĩgən: “A den ü baawn bur jisə̂na maŋ ar ná moogee‑ne wa, gəl Tel ná dä baawn tallǎn èg daane.6Ug ɲil asam ná a kaamsě ög baawn é guurd əən kay‑e,7bare üg baawn basarsan e mee jin ná wala ə̃n‑i é kazaam əən‑i garga əsəgdi. Gəl Tel bijjin ẽ jəddə̃n jeem ná əən‑i wa.8Laban beessê ‘lewdag nà iiŋg buuzg‑i ẽ wəldũn‑i,’ aneenda miəg kossě ɲalg nà buuzg, e beessê ‘lewdag nà iiŋg taa é faazg‑e ẽ wəldũn‑i,’ aneenda miəg kay kosso ɲalgen nà taa é faazg.9Enna Tel wərsǐ lewdag nà dög baawn o gəwsiigə ə̃n‑i.10É mun ná miəg mulə̌nǐig‑i caalga namsé aan a tur kaarga kay nà iiŋg taa é faazg, buuzg èg baalg‑e eg gawřn miəgə.11Fəər é Tela e kurə̃n caalg‑iilg e bii'ə̃n ‘Yagob,’ a pəd kor ‘aan niin te.’12E bii'ə̃n ‘wiinə wag ũ tur ná kaarg kay gawr̂nǐigə miəg nà iiŋg taa é faazg, buuzg èg nà baalg‑e, de aan a tursu jisən kay ná Laban jisə̌nǐ ũn‑i.13Aan Tel é Bet‑El, wag ná u təldǐ miidə taw u ugsǐ əyəg deel‑e, é gara u billdǐ ü aasa tad ə̃n‑i. Bare bii gaam ni, taana é gaam uunu.’ ”14Aneenda Ra'eel èg Liyane eg pəd kor: “Ag bel jeem é jeg dä baawn a?15Bijaaga aneenda wəənigi wa wa? Mərsaaga o namsa daga kaaŋa.16É see kaaŋan kay ná Tel wərsǐ tui gar dä baawe əyən èg jaalge əyəg‑i. Aneenda jis jisə ná Tel kursǐ ũn‑i.”17Yagob e əwd jaalge inəgin èg ozoog inəgini kəmdəlig‑uulg.18E kaj lewdag inəgin kay dë muu, èg jega kay nà een mussǐ é Baw é Aram‑e, e waj dumuun ë baawne Esaag iiŋ é Kanaan.19É gara Labana wəjjǐ ẽ sawdě əəriig inəgin iiŋgə tui door‑eelg‑e, Ra'eel e gəs teleeg é faa iinin nà teyag‑e.20Yagob basarsa Laban ná Aram‑e ná ẽ kurrí ĩnə een wajja tui.21Aneenda e gal è jeg inəgin nà bilə̌nǐ kay e baa deel Foraat‑eel taw, e waj dumuun é gaam Jilaad.22É naanda ná ədə golgo ozo‑e e koró Labanan de Yagob galda.23E war jag inəgin èg deene, e daw Yagob tad naaga idig dhaag e ada gəmsə̌ni é gaam Jilaad.24Aneenda Tel e adaga é Laban ná Aram‑e iiŋ é kaay caalg‑iilg e bii'ĩnə: “Baa uugu taw ar u kurǐ kor man dum é Yagob iiŋ wa, ma e been ná weedân‑e war ná ənii‑i.”25Yagob belldě kumur iinin tad é gaam ná bel Jilaad‑e é gara Laban gəmsinǐ, Laban èg jag inəgin e bèll kumurg iyəgi ta di.26Aneenda Laban e bee Yagoban: “Ɲiin u jissǐ anaan‑e? U bəsərsǐ aan, u kurjjǐ ɲalg ənəgə ar jog nà bəə̂nə́ gar é mas‑e.27Ɲiin u gəlǐ é gəzgi u bəsəra? Ɲiin u kursǐ ə̃nə wa, gar â talân oon cucu â 'kuunsí ũnu saag è jiŋərg èg ná kuur wa wa?28War u bij aan ã dhawasa ä məyədə èg ä ɲalge wa. U jissə jisə é dafarg.29A bel guurd ã dafě oon. Gəl é kaay ná koyjě Tel ná dö baawn korsě ə̃nə: ‘Baa uugu taw ar u kurǐ kor man dum é Yagob iiŋ wa, ma e been ná weedân‑e war ná ənii‑i.’30Gəl u wəy é kora ö eelg jildǐ maag é dö baawn‑e. Gəl ɲiin u gəssǐ teleeg ənəgə?”31Yagob e pəd kor Labanan: “Kojon naamǎna. A korǎn û bəə ɲalg unugu daana é guurd.32Gəl u gəmsî teleeg unug í gar é jaam‑e, jen na ar e dii wag wa. Loor wag é jag muug, u gəmsî jeem uun te u wəri.” War Yagob e ɲelda é gara Ra'eel gəssǐ teleeg‑e wa.33Enna Laban wəjjǐ kumur‑iilg maa Yagob‑e e bad èg kumur é Liya ləŋ é kumur é dhəmgə nà dhaag‑e, war gəl gəmsǐ jeem tu wa. É gara əzzǐ tuu é kumur é Liyan‑e e bad é kumur é Ra'eel.34Gəl Ra'eel warsě teleeg é teyaga ẽ dərdiigə poorg‑iilg maa kəmdəl e əbǐ diilg. Laban e loor jeg‑iilgə kay kumur‑iilg war gəmsǐ jeem wa.35Ra'eel e kor faan: “Ar rayn e bəzǐ oon wa, ma ã ragsa taw dü muu wa‑e, de turin dawsa.” Laban e ɲer gəl war gəmsǐ teleeg é teyaga wa.36Yagob e bagê rayne e məld Laban. E tisi e bii'ĩnə: “Ɲiin a jissũn ənii? U dəwə̂nǐ aan tad‑e?37Bare u ɲirsə jeg ənəg‑iilg kay, ɲiinə u gəmsǐ tu é maag unug‑i? Naa'en te é jag unug muug èg ənəgi u bijiigə ẽ turdu jen ná ber‑e o jen ná jissə jam‑e.38A assa èg doone duugu jaa dui əəŋ. Əəriig unugu èg miəg unugi man tu ná dhussǐ wa, war a naamsa əər man ná fuui‑i golg‑iilg dö maada wa.39A wərǐ ũnu əər man ná namsê əəl‑i wa. Əər man e namsê é əəl‑i a pədi ũnu é ənəg. U kurəgə̃n ã pədũn jeem ná gəzsə́nə é telee war é kaay.40Aan ni: É telee tel dəəŋ é kaay əildə dəəŋ, naag e gàl dä idigə.41Duugu nà a assé èg doone jaa dui əəŋ‑i nee. A kəmsũn duugu əsəgdi èg nà yəəsə é kor é ɲalg unug nà tàa dhaag‑e, duugu thəldig a nəəmdə lewdag unug, u miyə̌n jeg ənəg nà u təldə̃nǐ wag əsəgdi.42E beesán Tel ná dä baawn, Tel é Ibrəim, Tel ná Esaag fii'ǐ, taǎn èg daane wa‑e, o taldě aan dəsəg fuul. Gəl Tel tursu dawrg ənəgə èg kaam ná dəsəg‑i, enna thussǐ oon é kaay ná koyjjě.”43Laban e pəd kor Yagoban: “Ozoogo ɲalg ənəgə, jaalgeen jaalgeeg ənəgə, lewdaga lewdag ənəgə. Jeg nà u din nee kay ənəgə. O bare jin ná â jis ɲalg ənəgən‑i ɲiin‑i, èg jaalge nà kussǐigə nee‑ne?44Bare lee ã jiddə aol é miid ẽ rimdə meed ná ag tifə̂n a dage.”45Enna Yagob wərsǐ miidə e təlin taw ar tilŋəni.46E kor jag inəgin: “Muddu miidəg biig.” Aneenda e wàr miidəgə e mə̀líig é aole. Eg naam é aol na beɲj.47Laban èg Yagob e nag aol naan Aol ná Rimdəgə̂n, jaam é kor iini.48Laban e bee: “Aol ni rimdə̂n meed ná ag tiwsə.” Aneenda een ná nagsa een Aol ná Rimdəgə̂n‑i.49Belǎn Aol ná Denag‑e jo di é kora Laban biissǐ: “Bii Məi Tel ẽ dendaaga ag ləssə əəlg‑i aan èg oone.50U jisî ɲalg ənəgə jaame o warsa golgo biig diiŋg‑i ma jaam ẽ tadda tu wa‑e, u ɲil de Telan denaaga aan èg doone.”51Laban e bee Yagoban jo di: “Tur aol ni èg tilŋə ná a talda taw‑e ẽ dendaaga aan èg doone.52Aol ni èg tilŋə e rimdə ná â baně iilgə taw dum duuŋ‑i ã jisũn karaabe wa‑e, ná oon û bənǐ iilgə taw dum dəəŋ ũ jisə̃n karaabe wa‑e.53Bii Tel é Ibrəim èg Nauuri, Tel ná dë baawn‑e, e miraaga tees.” Enna Yagob billdǐ ë aas tad é Tel ná faa Esaag fii'ǐ.54Yagob e wir hay gaam‑ool e ko é jag inəgin ẽ naamda. É gara nəmsǐig‑i e nàg ta.55Laban e doos bimsəg‑uul e fər ë məyədi èg ɲalg inəgin e əild iiŋgə. Aneenda een e waj é teyag dë maade.
Pioneer Bible Translators