Koreeg nà moog‑e29
1Aneenda Yagobo e mag e leeŋ é teed iinin e adaga é aldan é jaga nà é wag ná tel bəə̂ní.2Ti e tur biir man, moragg é əəriig ozo e nəə̌níigǐ dë beɲj teerma é kora mədə̌n moragg é əəriigə é biir niin‑i. Miidə ná naa é fol é biir muu‑i madǎn.3Miəgə ẽ malda kay‑e, kasag é miəgə e kurənd miidə tui fol‑muu ẽ məddə əəriigə. Aneenda e tənd miidə fol muu é wag ná nəə̌nǐ.4Yagob e tisə kasag é miəgə: “Ug liin da, ä awleeg?” Eg pəd kor: “Ag leen é Araan.”5E bii'ĩgən: “Ug ɲel Laban, məi é Nauur a?” Eg pəd kor: “Aw de ag ɲel.”6Aneenda Yagobo e tisiigə: “Segar wa wa?” Eg bee: “Aw segar. Tur, ɲen iinin Ra'eel een ná leeŋ è miəgi naade.”7Yagob e bii'ĩgən: “Tel bur naam əndəg, wag bur ná ũ muddu miəg é mumul‑i. Məddə miəgə u pədiigə leeleeg.”8Eg bèe: “Agâ pədə wa ləŋ miəg eg malda kay ag kurund miidə tui fol‑muu. Aneenda gar ag məddə əəriigə.”9É gara bur kurəǐ èg deg‑e Ra'eel e badaga è miəg é faan, Ra'eel taǎn kasa é miəg‑i.10É gara Yagobo tursǐ Ra'eel ɲen dë abeenen Laban, èg miəg inəgini, e waj e kurund miidə tuu é fol biir‑muu e məd əəriig é abeenen.11Aneenda Yagobo e fər Ra'eel dë kund e ko taw əndəg.12E kor Ra'eelan ná ega biləsǐigi é faa é Ra'eel‑e ná een təzǐ jaa é Rifgə‑i. Aneenda Ra'eel e gal e kor faan.13É gara Laban fiŋəssǐ kor é Yagob jaa dë yaazznen, e mer ẽ muddi diiŋ. E fərin dë kund e bəgə̌ni teyag dë maade. É garanda Yagobo e kurí ĩnə é jisig nee kay.14Aneenda Laban e bii'ĩnə: “É aya, oon jaa ladaga dəəŋ afad‑eelg dä maada.” Yagob e jəld Liya èg Ra'eel
É gara əssǐ èg Labane turin kay‑e,15Laban e bii'ĩnə: “Ma u taa jaa əənd‑i, weedân ũ kəəmə̃n torom‑e wa. Rimdə̃n jin ná u ɲəmí ã gəfũn.”16Gəl Laban belagǎn ɲalg dhaag. Ná faan‑e e bel Liya, ná ɲaan‑e e bel Ra'eel.17Liya ë idigə buugə̌n, gəl Ra'eel weedǎn o kayaarǎn əndəg.18Yagob ɲamagǎn Ra'eel e bee: “Â kaam ũnun duugu idig dhaag gar ũ jəldə̃n Ra'eel ɲen uun ná ɲaan‑e.”19Laban e bii'ĩnə: “Weedân a gəfũni ná a gafen jen fuuin man ná dhaan‑e. Ana èg daane te.”20Enna Yagob kəəmsí duugu idig dhaag ẽ warda Ra'eel‑e, gəl təə̌nǐ naaga faraj é kora ɲamǎn ɲen‑i.21Aneenda Yagob e bee Labanan: “Gəfə̃n od əənə de naag ənəg ceessa. A ɲam ã naga èg deene.”22Enna Laban məlǐ jag kay nà é wag na nee e jissĩgən namees e mada.23Gəl é gara wag əssǐ jiig‑i, e bəgə̌ní ĩnə ɲen iinin ná bel Liya e lee gəfin Yagoban. Yagob e nəgǐ èg deene.24Laban e gaf Silfa ɲen ná kaama ĩn‑in e gəfin Liyan ɲen iinin ẽ kəmdĩn dhəmdi.25É gara wag fəissǐ, Yagob e gəmsəgə od e taa Liya‑e! Yagob e bee Labanan: “Ɲiin ni u jissə̃n taa aneen‑e? A kəmsũn é kor é Ra'eel wa wa? Ɲiin u bəsərsǐ aan?”26Laban e bii'ĩnə: “É gəizm əyən â gafân ɲalg nà ɲalgeeg‑e é war é golg nà faŋg‑e muug wa.27Cində naag é Liyan nà é war nà idig dhaag‑e. Aneenda â gəfũn Ra'eel jo di, u kəəmə̃n taan duugu biig idig dhaag taan.”28Yagob e jis ana. E ciind naag nà idig dhaag‑e é Liyan‑i. Aneenda Laban e gəfĩnə ɲen iinin Ra'eela ẽ adda od iinin‑i.29Laban e gaf Bila ɲen iini ná dhəm‑i Ra'eelan ẽ kəəmdí dhəmdi.30Yagob e nag èg Ra'eele jo di, e ɲaw Ra'eel əndəg e gal Liyan tuu. E kaam Labanan taan duugu biig idig dhaag.31É gara Məi Tel tursǐ Yagob ɲəmǐ Liya wa‑e, e bijin ẽ warda. Ra'eel taǎn jiwiri.32Liyan e wars e koo jaa ná fuui. E nəgin Rawbin e bee: “Məi Tel tursǐ ná ɲamá aan wa‑e. É see bare ä jidə ê ɲawna.”33E puuj taan. É gara kussǐ jaan ná fuui e bee: “É kora Məi Tel fiŋəssǐ kora ɲam aan wa‑e, enna gəwsǐ ə̃nə jaa ná fuui taan.” E nəgin Samoon.34Taan eelg e puuj. É gara kussǐ jaan‑e e bee: “Bare ä jidə ê baa əəŋ taw é kora a kossě ĩnə jaalgeen ozo‑e.” Enna nəgsin Lawi‑i.35Taan eelg e puuj. É gara kussǐ jaan‑e e bee: “É naanda niinə â maân Məi Tela.” E nəgin Yəusə. Aneenda e bij jaalgeen é kongo.
É gara əssǐ èg Labane turin kay‑e,15Laban e bii'ĩnə: “Ma u taa jaa əənd‑i, weedân ũ kəəmə̃n torom‑e wa. Rimdə̃n jin ná u ɲəmí ã gəfũn.”16Gəl Laban belagǎn ɲalg dhaag. Ná faan‑e e bel Liya, ná ɲaan‑e e bel Ra'eel.17Liya ë idigə buugə̌n, gəl Ra'eel weedǎn o kayaarǎn əndəg.18Yagob ɲamagǎn Ra'eel e bee: “Â kaam ũnun duugu idig dhaag gar ũ jəldə̃n Ra'eel ɲen uun ná ɲaan‑e.”19Laban e bii'ĩnə: “Weedân a gəfũni ná a gafen jen fuuin man ná dhaan‑e. Ana èg daane te.”20Enna Yagob kəəmsí duugu idig dhaag ẽ warda Ra'eel‑e, gəl təə̌nǐ naaga faraj é kora ɲamǎn ɲen‑i.21Aneenda Yagob e bee Labanan: “Gəfə̃n od əənə de naag ənəg ceessa. A ɲam ã naga èg deene.”22Enna Laban məlǐ jag kay nà é wag na nee e jissĩgən namees e mada.23Gəl é gara wag əssǐ jiig‑i, e bəgə̌ní ĩnə ɲen iinin ná bel Liya e lee gəfin Yagoban. Yagob e nəgǐ èg deene.24Laban e gaf Silfa ɲen ná kaama ĩn‑in e gəfin Liyan ɲen iinin ẽ kəmdĩn dhəmdi.25É gara wag fəissǐ, Yagob e gəmsəgə od e taa Liya‑e! Yagob e bee Labanan: “Ɲiin ni u jissə̃n taa aneen‑e? A kəmsũn é kor é Ra'eel wa wa? Ɲiin u bəsərsǐ aan?”26Laban e bii'ĩnə: “É gəizm əyən â gafân ɲalg nà ɲalgeeg‑e é war é golg nà faŋg‑e muug wa.27Cində naag é Liyan nà é war nà idig dhaag‑e. Aneenda â gəfũn Ra'eel jo di, u kəəmə̃n taan duugu biig idig dhaag taan.”28Yagob e jis ana. E ciind naag nà idig dhaag‑e é Liyan‑i. Aneenda Laban e gəfĩnə ɲen iinin Ra'eela ẽ adda od iinin‑i.29Laban e gaf Bila ɲen iini ná dhəm‑i Ra'eelan ẽ kəəmdí dhəmdi.30Yagob e nag èg Ra'eele jo di, e ɲaw Ra'eel əndəg e gal Liyan tuu. E kaam Labanan taan duugu biig idig dhaag.31É gara Məi Tel tursǐ Yagob ɲəmǐ Liya wa‑e, e bijin ẽ warda. Ra'eel taǎn jiwiri.32Liyan e wars e koo jaa ná fuui. E nəgin Rawbin e bee: “Məi Tel tursǐ ná ɲamá aan wa‑e. É see bare ä jidə ê ɲawna.”33E puuj taan. É gara kussǐ jaan ná fuui e bee: “É kora Məi Tel fiŋəssǐ kora ɲam aan wa‑e, enna gəwsǐ ə̃nə jaa ná fuui taan.” E nəgin Samoon.34Taan eelg e puuj. É gara kussǐ jaan‑e e bee: “Bare ä jidə ê baa əəŋ taw é kora a kossě ĩnə jaalgeen ozo‑e.” Enna nəgsin Lawi‑i.35Taan eelg e puuj. É gara kussǐ jaan‑e e bee: “É naanda niinə â maân Məi Tela.” E nəgin Yəusə. Aneenda e bij jaalgeen é kongo.
Pioneer Bible Translators