Koreeg nà moog‑e23
1Sara e az duug 127.2Saran e tir é Garyat Arba, (een ná bel Abron‑e) é alda é Kanaan. Gəl Ibrəimə e ab é od iini iiŋ ẽ adda uní kumur‑iilg.3Aneenda Ibrəim e doos taw é od iini ná tirsí iiŋə e kor Esseegan. E bee:4“Aan siində o wəənə duulg te. Mərdə̃n wag eem ná dura wag gar ã dursí jen əən ni tirsə ni.”5Esseega eg pəd kor Ibrəimən e bèe:6“Seen, fiŋənə aga te. Oon seen ná faana dəlg te‑e. Dur jen uun ná tirsǐ é fuulg əyəgə nee man ná weeda əndəg golg‑iilg ö bon rəgsǐ. Jaam man dəlg te ná e dəlũn fol iini ná û durí jen uun ná tirsí wa.”7Aneenda Ibrəim e doos e gurum tad Esseegan, jag é gaama.8E bii'ĩgən: “U guɲsî a dur jen əən ná tirsí‑ni, aneenda fiŋan, məɲdə̃n Afron jaan é Soar‑e9ẽ mərdə̃n baal é Makfiilan ná tall é gafa iini ɲiid‑i. Kurĩn ẽ mərdi ə̃nə ë mamar eel kay dü muug te ẽ əddə̃n wag ẽ durí.”10Afron ná Essi‑i anǎn jag‑iilg dë maade e pəd kor Ibrəimən. Esseega kay nà lii gaam muu dë maad‑e e fiŋə.11E bee: “Wa, seen əən. Fiŋəna. Â gəfũn gafa na èg baal ná deelgee‑ne. Â gəfũn niin é jag ənəg muug. Dur jen uunu.”12Taan Ibrəim e gurum tad é jag é gaam muug.13E bee Afronan é jag muug: “Fiŋan te, oon ná guɲî. Â gaf mamar é gafan. Guɲiigə gar əənə gar ã dursí jen əən ná tirsə niin ti.”14Afron e pəd kor Ibrəimən e bee:15“Fiŋənan te seen əən. Aldan taa é lolomsəgə é kursug 400, gəl ɲiin e rag däg muug aan èg oon‑e? Dur jen uun ná tirsí.”16Ibrəim e guɲ koreeg é Afrona e wərí ĩnə kursugu nà kursí ĩnə é jag Esseeg‑muug‑i: lolomg é kursug 400, ar ná təjirgə məərə̂níigi‑ni.17Een ná gafan é Afrona ná é Makfiila den wag dumuun é Mamara, gafan èg baale ná dë eelgee‑ne, guldug kay nà eeg‑uulg tawsé wag é ceeg‑e18e àd kaaŋa é Ibrəimə kay é jag Esseeg‑muug nà əzíigi gaam muu‑i.19Aneenda Ibrəim e dur od iinin Saran é baal é Makfiilan ná den wag dumuun é Mamara‑e (ná Abron‑e) é aldan é Kanaan.20Ibrəim e war gafa na èg baal ná dë eelgee‑ne gar é Esseega ẽ əddin eende wag é durí.
Pioneer Bible Translators