Luke9
1พระเยซูเอิ้นลูกศิษย์ทั้งสิบสองคนมารวมกันแล้วเฮ็ดให้พวกลูกศิษย์เป็นผู้วิเศษมีฤทธิ์หลายกว่าผีสู่โตแล้วก่ารักษาโรคภัยไข้เจ็บดั่ยสู่โรค2พระเยซูบอกให้พวกลูกศิษย์ออกไปประกาศข่าวดีเรื่องแผ่นดินของพระเจ้ากับรักษาคนที่บ่ซำบายให้หายดี3พระเยซูเว้ากับลูกศิษย์ว่า"อย่าเอามะหยังไปหลาย"4คันถ้าไปอยู่เฮียนหลังดัยก่าให้อยู่เฮียนหลังนั้นจนกว่าอี๊ไปบ่งอื่น5ถ้าผู้ดัยบ่อยากให้อยู่นำก่อนอี๊ออกจากเมียงนั้นให้เสล็ดขี้ดินออกจากตีนก่อนออกจากเมียงนั้น เฮ็ดแบบนี้เพี่ยให้พวกเขาฮู้จักฮอดความผิดของพวกเขา"6พวกลูกศิษย์ก่าออกไปนำหมู่บ้านประกาศข่าวดีเรื่องแผ่นดินของพระเจ้าแล้วก่ารักษาคนบ่ซำบายให้หาย7ยามที่เฮโรดผู้เป็นเจ้าเมียงดั่ยยินเรียงราวทั้งเบิดที่ของพระเยซูเฮ็ดก่าคึดว่าคนๆนี้เป็นไผ เพราะว่าบางคนก่าว่าเป็นยอห์นฟื้นขี้นมาจากที่ตายไปแล้ว8บางคนก่าว่าเป็นเอรียาห์มาเฮ็ดให้เห็น บางคนก่าว่าเป็นผู้รับใซ้ของพระเจ้าที่ตายแล้วตั้งแต่เฮิ้งฟื้นขึ้นมาจากความตาย9เฮโรดก่าเลยเว้าว่า"ยอห์นนั้นฆ่าตายไปแล้วนี๊ แต่คนที่เฮาคนเว้าฮอดนี้เป็นไผ"แล้วเฮโรดก่าเลยหาทางไปพ้อพระเยซู10ยามที่ลูกศิษย์ของพระเยซูกลับมาหาพระเยซูต่างพากันบอกพระเยซูฮอดเรี่ยงที่พวกเฮ็ดหลังจากนั้นพระเยซูพาแต่พวกลูกศิษย์ของเลาไปเมียงเบธไซดา11แต่ชาวบ้านซาวเมียงฮู้เรียงนี้ก่าเลยพากันไปนำพระเยซู พระเยซูก่ายอมให้ซาวบ้านซาวเมียงไปนำแล้วก่าสอนพวกเขาให้ฮู้เรื่องแผ่นดินของพระเจ้าแล้วก่ารักษาคนบ่ซำบายให้หาย12ก่อนอี๊คำ่มื้อนั้นพวกลูกศิษย์สิบสองคนของพระเยซูมาบอกพระเยซูว่า"ขอพระเยซูบอกซาวบ้านซาวเมียงที่มานำพวกเลาไปอยู่นำซาวบ้านที่อยู่ม่อๆบ่งนั้น เพราะว่าบ่งที่พวกเลาอยู่นั้นมันบ่มีคนอยู่แล้วก่าเป็นตาย้าน"13แต่พระเยซูเว้ากับพวกลูกศิษย์ของเลาว่า"ให้พวกเจ้านั้นแนะเป็นคนหาข้าวหาน้ำให้ซาวบ้านซาวเมียงกิน"แต่พวกลูกศิษย์ของพระเยซูบอกพระเยซูว่า"พวกเฮามีของกินบ่หลาย มีแค่ข้าวห้าแอบกับปลาสองโต นอกจากว่าพวกเฮาอี๊ไปซื้อของกินมาอี๊ตึ่มเพี่ยให้พอกันดั่ยกินกันเบิ๊ดสู่คน"14เพราะว่าซาวบ้านซาวเมียงที่นำพระเยซูมานั้นมีหลายคนนับแต่เฉพาะผู้ซายดั่ยประมาณห้าพันคน พระเยซูก่าเลยบอกกับพวกลูกศิษย์ของเลาว่า"ไปบอกให้ซาวบ้านซาวเมียงที่นำเลามานั่งลงเป็นจุ๊ๆจุ๊ละห้าสิบคน"15พวกลูกศิษย์ของพระเยซูก่าเฮ็ดคือสังที่พระเยซูบอก คือให้ซาวบ้านซาวเมียงนั่งลงเป็นจุ๊ๆ จุ๊ละห้าสิบคน16หลังจากพระเยซูฮับข้าวห้าแอบกับปลาห้าโตมาจากพวกลูกศิษย์แล้วพระเยซูก่าแหงนหน้าขี้นเทิงฟ้า หลังจากขอพรจากพระเจ้าเรียบร้อยแล้วพระเยซูก่าเอาข้าวห้าแอบกับปลาสองโตให้พวกลูกศิษย์เอาไปให้พวกซาวบ้าวซาวเมืองที่มานำพวกเลานั้นไปปันกันกิน17พวกซาวบ้านซางเมียงดั่ยกินอิ่มกันสู่คน ปานนั้นพวกลูกศิษย์ของพระเยซูยังเก็บข้าวกับปลาที่เหลียกินดั่ยอีกตั้งสิบสองอี๊ซ้า18ยามที่พระเยซูเว้ากับพระเจ้าอยู่ผู้เดวแต่มีพวกลูกศิษย์ของเลานั่งอยู่ม่อๆพระเยซูก่าเลยถามพวกลูกศิษย์ว่า"พวกเขาคึดว่าเฮาเป็นไผ"19พวกลูกศิษย์พากันตอบว่า"บางคนคึดว่าอาจารย์เป็นยอห์นผู้เฮ็ดพิธีจุ่มน้ำ(บัพติศมา)บางคนก่าคึดว่าอาจารย์เป็นเอลียาห์ แต่ก่ามีบางคนคึดว่าเป็นอาจารย์เป็นคนรับใซ้ของพระเจ้าในสมัยโบราณที่ตายไปแล้วฟื้นขึ้นมาใหม่"20หลังจากนั้นพระเยซูก่าเลยถามพวกลูกศิษย์ของเลาต่ออีกว่า"แล้วพวกเจ้าคึดว่าเฮาเป็นไผ"เปโตรตอบว่า"เป็นพระคริสต์ลูกของพระเจ้า"21พระเยซูบอกพวกลูกศิษย์ว่าอย่าเว้าเรียงนี้ให้ไผฟังเด้อ22แล้วก่าบอกอี๊ตึ่มว่า"ลูกของพระเจ้าอี๊ทุกข์ยากสารพัดพวกผู้เป็นใหญ่เป็นโต พวกหัวหน้าปุโรหิตแล้าก่าพวกธรรมาจารย์อี๊บ่ยอมฮับ สุดท้ายแล้วก่าอี๊ถึกฆ่า แต่หลังจากนั้นอีกสามมื้อพระเจ้าอี๊เฮ็ดให้เลาฟื้นขึ้นมาใหม่"23แล้วพระเยเว้ากับพวกลูกศิษย์ของเลาสู่คนว่า"ถ้าผู้ดัยอยากนำเฮามา ให้ผู้นั้นเอาชนะโตเองแล้วแบกกางเขนของโตเองสู่มื้อแล้วนำเฮามา24เพราะว่าผู้ดั่ยบ่อยากตายผู้นั้นก่าอี๊ตาย แต่ถ้าผู้ดัยยอมตายเพราะเฮา ผู้นั้นอี๊บ่ตาย25เพราะว่าถ้าผู้ดัยดั่ยเป็นเจ้าของสู่สิ่งสู่เซี้ยในโลกนี้แต่บ่ดัยเป็นโตของโตเองมันก่าอี่มีประโยชน์มะหยั่ง26แล้วก่าถ้าผู้ดัยอายเพราะเฮาหรือว่าคำสอนของเฮา ลูกของพระเจ้าก่าอี๊อายเพราะเขาคือกันถ้าเจ้ามาย้อนแฮงของเจ้าเอง แฮงของพระเจ้าและแฮงของซุมเทวดาผู้รับใซ้ของพระเจ้า27แต่เฮาอี๊บอกกับพวกเจ้าเด้อว่ามีบางคนที่ยืนอยู่บ่งนี้อี๊บ่ตาย จนกว่าเขาอี๊ดั่ยเฮ็นแผ่นดินของพระเจ้า"28พระเยซูดั่ยเว้าสังซี้อยู่ประมาณแปดมื้อก่อนอี๊พาเปโตร ยอห์น และยากอบขึ้นไปโคกแล้วก่าเว้ากับพระเจ้า29ตอนที่พระเยซูกำลังเว้ากับพระเจ้าอยู่นั้นหน้าของพระเยซูก่าเปลี่ยนไปบ่คือเก่า เสื้อผ้าก่าขาวขึ้นจนแสบตา30นอกจากนี้ยังมีคนมาเว้ากับพระเยซูอีกสองคนคือ โมเสสกับเอลียาห์31ที่มีแสงแจ้งจ่างป่างนำโตจนแสบตาพร้อมกับเว้าถึงเรี่ยงที่พระเยซูอี๊ตายซึ่งม่ออีีเกิดขึ้นแล้วในเมียงเยรูซาเล็ม32ส่วนเปโตร ยอห์นแล้วก่ายากอบที่กำลังอยากหลับอยากนอนอยู่นั้นหลังจากที่พวกเขาเซาอยากหลับอยากนอนพวกเขาก่าเห็นพระเยซู โมเสสแล้วก่าเอลียาห์มีแสงแจ้งจ่างป่างนำโตยืนเว้ากัน33ก่อนที่โมเสสกับเอลียาห์อี๊ไปจากพระเยซูเปโตรก่าเว้ากับพระเยซูว่า"อาจารย์ ดีแท้แท๊ที่เฮาดั่ยมาอยู่บ่งนี่ ให้พวกข่อยเฮ็ดตูบอีกจักสามหลังบ่ ให้เจ้า โมเสสแล้วก่าเอลียาห์คนละหลัง"เปโตรบ่ฮู้ว่าโตเองเว้ามะหยั่ง34ตอนที่พวกเค้ากำลังเว้ากันอยู่นั้น ก่ามีก้อนขี้ฝ้ามาปกมาคลุมพวกเขาไว้ ตอนที่พวกเขาอยู่ในก้อนขี้ฝ้าพวกเขาก่าย้านขนาด35แล้วก่ามีเสียงออกมาจากก้อนขี้ฝ้า" คนๆนี้เป็นลูกของเฮา เป็นผู้ที่เฮาเลือกไว้ ให้เชื่อฟังเลา "36เมื่อบ่มีเสียงเว้าแล้ว พระเยซูก่าอยู่แต่ผู้เดียว บ่มีไผอยู่นำ พวกเขาทั้งสามคนก่าบ่บอกเรื่องที่เขาได้เห็นนั้นกับไผ37พอมื้อเช้า หลังจากที่พระเยซูกับลูกศิษย์ทั้งสามคนลงมาจากโคกแล้วชาวบ้านชาวเมืองก่ามาหาพระเยซู38หลังจากนั้นมีผู้ชายคนหนึ่ง ในหมู่บ้านนั้นฮ้องว่า " อาจารย์ซ่อยลูกชายของข่อยแด่ เพราะว่าข่อยมีลูกผู้เดว39เวลามันถืกผีเข้ามันก่าอี๊ฮ้องขึ้น ผีมันเฮ็ดให้ลูกข่อยซัก จนน้ำลายเป็นโป๊เต็มปาก บางเถี่ยก่าเฮ็ดให้โตมีแต่ฮอยช้ำ ผีบ่ออกจากมันจักเถี่ย40ข่อยขอให้ลูกศิษย์ ของเจ้าไล่มันออกแล้ว แต่พวกเขาไล่ผีออกบ่ได๋"41พระเยซูเว้ากับเขาว่า " โอ คนสมัยยนี้มันขาดความเชื่อและเป็นผีบ้า เฮาอีต้องอยู่กับพวกเจ้าเถิงซ่ำได๋แล้วอีต้องอดทนเพราะพวกเจ้าเถิงส่ำได๋? เจ้าไปพาลูกของเจ้ามา"42ตอนที่ลูกชายของผู้ที่มาขอให้พระเยซูซ่อยไล่ผีกำลังย้างมาหาพระเยซู ผีก่าเฮ็ดให้ล้มลงแล้วก่าซัก แล้วพระเยซูก่าไล่ผีโตนั้นออก แล้วรักษาก่าให้หายเป็นปกติ แล้วก่าเอาคืนให้กับพ่อของเขา43ชาวบ้านชาวเมืองก่าพากันเป็นตางึดในความยิ่งใหญ่ของพระเจ้า ระหว่างที่ชาวบ้านชาวเมืองเป็นตางึดในความยิ่งใหญ่ของพระเจ้านั้น พระเยซูก่าเว้ากับพวกลูกศิษย์ของเลาว่า44" ให้พวกเจ้าสู่คนจำคำๆนี้ไว้ให้ดีๆ ลูกของพระเจ้าจะต้องถูกมอบไว้ในมือมนุษย์"45แต่พวกลูกศิษย์บ่เข้าใจเรื่องที่พระเยซูเว้านี้ เพราะว่าความหมายที่แท้จริงถืกเสี่ยงไว้เพื่อว่าบ่ให้พวกเขาเข้าใจ แล้วพวกลูกศิษย์ก่าบ่กล้าถามพระเยซูถึงความหมายของคำเว้านั้น46แล้วพวกลูกศิษย์ของพระเยซูก่าเถียงกันว่าซุ่มเฮ้านี้ไผใหญ่ที่สุด47พระเยซูฮู้จักความคิดในใจของพวกลูกศิษย์ ก่าเลยให้เด็กน้อยคนหนึ่งมาอยู่หม่อๆเลา48แล้วเว้ากับพวกลูกศิษย์ว่า " ถ้าผู้ได๋ยอมฮับเด็กน้อยคนนี้ ในนามของเฮา คนผู้นั้นก่ายอมฮับเฮาและผู้ได๋ยอมฮับเฮาก่ายอมฮับผู้ที่ใช้เฮามา เพราะว่าในพวกเจ้าทั้งหลายผู้ได๋เป็นคนเล็กน้อยที่สุดคือคนที่ยิ่งใหญ่ที่สุด"49ยอห์นเว้ากับพระเยซูว่า " อาจารย์พวกข่อยเห็นคนหนึ่งไล่ผีออกในนามของเจ้าและข่อยห้ามเขาไว้ เพราะเขาบ่ได๋มานำพวกเฮา "50พระเยซูก่าเลยเว้ากับยอห์นว่า " อย่าห้ามเขา เพราะว่าผู้ได๋บ่ได๋ผิดกับเจ้าก่าเป็นพวกเดวกับเจ้า "51พอหม่อเวลาที่พระเยซูอีถืกฮับขึ้นไปสวรรค์ พระเยซูตั้งใจว่าอีไปเมืองเยรูซาเล็ม52แล้วพระเยซูก่าส่งคนของเลาไปบอกคนในเมืองเยรูซาเล็มก่อนที่เลาอีเข้าไป แล้วคนของพระเยซูก่าเข้าไปหมู่บ้านแห่งหนึ่งของชาวสะมาเรีย เพื่อจัดเตรียมสิ่งของไว้ให้พระเยซู53แต่ชาวบ้านพวกนั้นบ่ต้อนฮับพระเยซู เพราะว่าพระเยซูอีไปเมืองเยรูซาเล็ม54เมื่อลูกศิษย์ของพระเยซูที่ชื่อ ยากรอบและยอห์น เห็นสังซันก่าบอกพระเยซูว่า " อาจารย์เจ้าพอใจอีให้ข่อยขอไฟลงมาจากสวรรค์เผาพวกเขาถิ่มบ่? "55แต่พระเยซูเลี้ยวมาห้ามพวกเขา56แล้วพระเยซูกับพวกลูกศิษย์ก่าย้างเลยไปอีกหมู่บ้านหนึ่ง57เมื่อพระเยซูกับลูกศิษย์กำลังย้างไป มีคนๆหนึ่งถามพระเยซูว่า " อาจารย์เจ้าไปทางได๋ ข่อยก่าอีกไปนำเจ้า"58พระเยซูเว้ากับเขาว่า " หมาโจ่ก่ายังมีโกนอยู่ ด่กก่ายังมีฮัง แต่ลูกของพระเจ้าบ่มีบ่งวางหัว"59แล้วพระเยซูก่าเว้ากับอีกคนหนึ่งว่า"นำเฮามา" แต่คนนั้นบอกว่า "อาจารย์ขอให้ข่อยไปฝังศพพ่อข่อยก่อน"60พระเยซูก่าเลยเว้ากับเขาว่า " ปล่อยให้คนตายฝังคนตายของเขาเอง แต่ว่าให้เจ้าไปประกาศแผ่นดินของเจ้า"61แล้วมีอีกคนหนึ่งเว้าว่า " อาจารย์ ข่อยอีนำเจ้าไป แต่ขอให้ข่อยไปบอกคนที่บ้านของข่อยก่อน"62พระเยซูก่าเลยเว้ากับเขาว่า" ผู้ได๋เอามือจับคันไถแล้ว หันกลับคืน ผู้นั้นก่าบ่สมกับแผ่นดินของพระเจ้า"
Son Light Foundation