Luke15
1มื้อหนึ่งชุมคนเก็บภาษีขี้โกงกับคนบาปเข้ามาม่อพระเยซูเพี่ยอี๊ฟังพระเยซูเว้า2ซุมผู้ตรวจสอบการเอ็ดงานของผู้สอนศาสนาคนอิสราเอลกับซุมผู้มีความฮู้ในกฎข้อบังคับของศาสนาของคนอิสราเอลเห็นพระเยซูอยู่กับซุมคนเก็บภาษีขี้โกงและคนบาปก่าเลยพากันจ่มแล้วกว่าให้พระเยซูว่า"พระเยซูกินอยู่กับซุมคนบาป"3พระเยซูก่าเลยเว้าเป็นคำเปียบเทียบให้ซุมนั้นฟังว่า4"สมมุติว่าผู้ใดผู้หนึ่งในซูมเจ่ามีแกะร้อยโตแล้วแกะโตหนึ่งของเจ่าเหี่ยไปซุมเจ้าอี๊บ่ถิ่มแกะเก้าสิบเก้าโตไว้กลางท่งหย้าแล้วก่าออกไปนำหาแกะโตที่เหี่ยไปจนพ้อฮั้นหนือ"5แล้วถ่าคนในซุมเจ่าที่เฮ็ดแกะเหี่ยพ้อแกะที่เหี่ยไปแล้วเลาก่าอี๊บ่แบกแกะโตที่เหี่ยมาบ้านย้อนว่าดีใจหลายหงือ6พอมาฮอดบ้านแล้วเลาก่าอี๊บ่บอกหมู่กับพี่น้องมาซุมกันแล้วเว้ากับหมู่แล้วก่าพี่น้องว่า"ดีใจกับข่อยแด่ ข่อยหาแกะที่เหี่ยไปนั้นพ้อแล้ว"7หลังจากนั้นพระเยซุเว้าต่อว่า"ข่อยอี๊บอกซุมเจ้าเด้อว่า อี๊มีความสุขหลายในสวรรค์ในเรี่ยงที่คนบาปคนเดวกับใจใหม่เชื่อฟังพระเยซูหลายกว่าเรี่ยงคนดีเก้าสิบเก้าคนที่บ่ยอมกับใจใหม่คือเชื่อว่าพระเยซูเป็นพระเจ้า8แม่ยิงผู้ใดมีเหรียนเงินสิบเหรียนแล้วมีเหรียนเงินเหรียนหนึ่งเหี่ยไปเลาอี๊บ่ติดตะเคียงกวดเฮียนหาสู่แจ่งสู่แจจนพ้อหงือ9คันถ่าพ้อเหรียนเงินที่เหี่ยไปแล้วเลาก่าอี๊บ่ชวนหมู่กับพี่น้องมาซุมกันสู่คนแล้วเว้ากับซุมนั้นว่า"มาดีใจนำกันกับข่อยแด่เพราะว่าข่อยหาเหรียนเงินที่ข่อยเฮ็ดเหี่ยนั้นพ้อแล้ว"10ในทำนองเดวกันอี๊มีความสุขหลายในพวกเทวดาของพระเจ้าเรี่ยงคนบาปคนเดวที่กลับใจใหม่คือเชื่อว่าพระเยซูเป็นพระเจ้า11พระเยซูเว้าต่ออีกว่า"มีผู้ชายคนหนื่งมีลูกสองคน12ลูกผู้หล้าเว้ากับพ่อว่า"แบ่งมูนที่เป็นส่วนของข่อยให้แด่อี๊พ่อ"พ่อก่าเลยแบ่งมูนให้ลูกชายทั้งสองคน13หลังจากฮั้นมาบ่จักมื้อลูกชายหล้าก่าขนเอามูลทั้งเบิดที่พ่อแบ่งให้ย้ายไปอยู่บ่งใหม่ที่อยู่ไกลจากบ่งเก่าแล้วก่าใซ้มูลที่พ่อให้มาแบบบ่คึด14หลังจากใซ้มูนที่พ่อให้มาเบิดสู่อย่างแล้วก่าเกิดบ่มีหยังกินไปทั่วเมียงที่เลานั้นอยู่ แล้วเลาก่าเริ่มมีหยังกินหยังใซ้15เลาก่าเลยไปอยู่กับคนเลี้ยงหมูแล้วคนเลี้ยงหมูก่าใซ้ให้เลาไปเลี้ยงหมูอยุ่ท่งนา16เลาอยากกินหมากถั่วที่หมูกินให้อิ่มแต่ก่าบ่มีไผให้เลากินหยังจักอย่าง17บาดเลาคึดได้แล้วเลาเลยเว้ากับโตเองว่า"คนงานของอี๊พ่อเถิงอี๊มีหลายคนแต่ก่ามีของกินให้กินจนเหลีย แต่เฮาอี๊มาอึดตายบ่งนี้บ๊อ18เฮาน่าอี๊กลับไปหาอี๊พ่อแล้วเว้ากับเลาว่า"อี๊พ่อ ข่อยได้เฮ็ดผิดต่อสวรรค์แล้วก่าเฮ็ดผิดต่อเจ้านำ19ข่อยบ่สมควรคึดว่าโตเองเป็นลูกของเจ้าอีกต่อไป ขอให้เจ้าคึดว่าข่อยนี้เป็นคนงานคนหนึ่งได้บ่20คึดได้สังซันเลาก่าไปหาพ่อ ยามเลาอยู่แต่ไกลๆยังบ่ทันฮอดเฮียนของพ่อ ผู้เป็นพ่อก่าเห็นลูกซายหล้าแล้วก่าดีโตนฟ้าวปบไปกอดคอหอมแก้ม21ผู้เป็นลูกซายหล้าเว้ากับผู้เป็นพ่อว่า"อี๊พ่อ ข่อยได้เฮ็ดผิดต่อสวรรค์แล้วก่าเฮ็ดผิดต่อเจ้า ข่อยบ่สมควรคึดว่าโตเองเป็นลูกของเจ้าอีกต่อไป22แต่ผู้เป็นพ่อสั่งคนใซ้ว่า"ฟ้าวไปเอาเสี้ยผ้าที่ดีที่สุดมาให้เลาใส่ พร้อมกับเอาแหวนมาใส่นิ้วมือ แล้วก่าเอาเกิบมาให้เลาใส่23แล้วก่าบอกให้ลูกจ้างไปเอางัวมาฆ่าสู่กันกิน24เพราะว่าลูกชายของเฮาที่ตายไปแล้วได้ฟื้นขึ้นมา เหี่ยไปแล้วแต่ได้กลับคืน คนที่มาฮ่วมงานก่าพากันม่วนซื่น25ส่วนลูกกกที่ไปเฮ็ดเวียกอยู่ท่งนากลับมายังบ่ทันฮอดเฮียนก่าได้ยินเสียงคนฮ้องเพลงแล้วก่าเต้นกัน26ลูกซายคนกกก่าเลยเอิ้นคนใซ้มาถามว่า "เขาเฮ็ดหยังกัน"27คนใซ้เลยบอกเลาว่า"น้องซายเจ้ากลับมาเฮียนแล้ว พ่อของเจ้าก่าเลยให้ฆ่างัวโตอ้วนๆเลี้ยงฉลองที่ลูกซายหล้ากลับมาบ้าน28ผู้เป็นอ้ายก่าเคียดให้พ่อบ่ยอมเข้าไปในเฮียนผู้เป็นพ่อก่าเลยมาซวนลูกซายกกเข้าไปในเฮียน29แต่ผู้ลูกซายกลับเว้ากับผู้เป็นพ่อว่า"เบิ่งแม๊อี๊พ่อ ข่อยเบิ่งเจ้ามาตั้งจักปีแล้ว แต่เจ้าบ่เคยให้แม้แต่ลูกแกะกับข่อยจักโตเพี่ยกินเลี้ยงกับหมู่30แต่กับกับลูกซายหล้าที่ผานมูลของเจ้าเอาไปให้กระหรี่ เจ้ากลับฆ่างัวโตอ้วนๆเพี่ยกินเลี้ยงให้มัน31ผู้เป็นพ่อก่าเลยเว้ากับผู้เป็นลูกซายว่า"บ้าน้อยเอย โตอยู่กับพ่อสู่มื้อสู๋เวนมูลของพ่อก่าเป็นของโตอยู่แล้ว32แต่เรี่ยงนี้เป็นเรี่ยงที่สมควรดีใจหลายบ่แม่นติ เพราะว่าน้องโตที่คือสังตายไปแล้วได้กลับมาอยู่นำกันอีก เหี่ยไปแล้วแต่ยังได้พ้อกันอีก
Son Light Foundation