Luke14
1เมื่อพระเยซูเข้าไปในบ้านผู้นำคนหนึ่งของพวกฟาริสีในวันสะบาโต เพื่อร่วมโต๊ะอาหารพวกเขาก่าท่าเบิ่งพระเยซู2มีคนหนึ่งเป็นโรคบวมน้ำมาอยู่ต่อหน้าพระเยซู3พระเยซูจึงถามพวกผู้เชี่ยวชาญบัญญัติและพวกฟาริสีว่า " ถ้าอีรักษาคนบ่ส่ำบายในวันสะบาโตผิดบัญญัติบ่"4พวกเขาก่าอยู่สื่อๆ พระเยซูก่าดึงโตคนนั้นมารักษาเขาให้หายแล้วก่าให้เขาไป5พระเยซูถามพวกเขา่า "ไผในพวกเจ้ามีลูกหรืองั่วตกบ่ออีบ่ฟ้าวดึงขึ้นมาในวันสะบาโตฮั่นหนึอ?6และพวกเขาทั้งหลายก่าตอบข้อนี้บ่ได๋7เมื่อพระเยซูเบิ่งเห็นบรรดาคนที่ได๋ฮับเชิญนั้นเอาแต่บ่งนั่งอันมีเกียรติ พระเยซูจึงเว้าเรื่องเปรียบเทียบแก่พวกเขาว่า8" เมื่อเจ้าได๋ฮับเชิญในงานแต่ง อย่านั่งในที่นั่งอันมรเกียรติหย้านว่าเขาอิเชิญคนที่มียศศักดิ์หลายกว่าเจ้ามานำ9และเจ้าภาพคนที่เชิญเจ้าทั้งสองฝ่ายมานั้น อิมาเว้ากับเจ้าว่าขอบ่งนั่งบ่งนี้ให้กับท่านผู้นี้เถิด แล้วเจ้าก่าอิขายหน้าย้ายลงมานั่งในที่บ่มีเกียรติ10ฉะนั้นเมื่อเจ้าได๋รับเชิญ จงไปนั่งที่ต่ำก่อน เพื่อที่ว่าเมื่อเจ้าภาพมาเว้ากับเจ้าว่า หมู่เอ๋ย เชิญไปนั่งที่มีเกียรติเถอะ เมื่อนั้นเจ้าอิได๋ฮับเกียรติต่อหน้าสู่คนที่นั่งร่วมโต๊ะนั้น11เพราะว่าทุกคนที่ยกโตขึ้นอิต้องถืกเหยียดลง และคนที่ถ่อมโตลงอิได้ฮับการยกขึ้น"12แล้งพระเยซูก่าเว้ากับคนที่เชิญพระองค์มาว่า " เมื่อเจ้าอิจัดงานเลี้ยงเพราะว่าอิเป็นมื้อเวนหรือว่าอิเป็นมื้อแลงก่าตามอย่าเชิญเฉพาะหมู่ หรือพี่น้องหรือญาติหรือบรรดาเพื่อนบ้านที่มั่งมี ย้อนว่าพวกเขาก่าอิเชิญพวกเจ้ากลับและเจ้าอิได๋ฮับการตอบแทน13แต่เมื่อเจ้าจัดงานเลี้ยง จงเชิญคนจน คนพิการ คนง่อย และคนตาบอด14แล้วเจ้าอิเป็นสุข เพราะว่าเขาบ่มีมะหยังตอบแทนเจ้า ด้วยว่าเจ้าอิได้ฮับตอบแทนเมื่อคนชอบธรรมเป็นขึ้นมาจากความตาย"15ฝ่ายคนหนึ่งที่ร่วมโต๊ะร่วมกันเมื่อได้ยินคำเหล่านั้นจึงเว้ากับพระเยซูว่า" ผู้ที่อิได๋กินอาหารในแผ่นดินของพระเจ้าก่าเป็นสุข"16พระเยซูเว้ากับเขาว่า " มีคนหนึ่งจัดงานเลี้ยงใหญ่และเชิญแขกมาจำนวนมาก17เมื่อถึงเวลางานเลี้ยง เขาก่าใช้คนรับใช้ไปบอกพวกที่ได๋รับเชิญว่า เชิญมาเถิด เพราะสิ่งสารพัดเตรียมไว้พร้อมแล้ว18บรรดาคนเหล่านั้นก่าพากันขอโต ข่อยได๋วื้อนาไว้และอิต้องไปเบิ่งนานั้น ข่อยขอโตเด้อ19อีกคนหนึ่งว่า ข่อยซื้องั่วไว้ห้าคู่และอิต้องไปเบิ่งงั่ว ข่อยขอโตเด้อ20อีกคนหนึ่งก่าบอกว่า ข่อยสั่งหาแต่งงานใหม่ เพราะฉะนั้นข่อยไปบ่ได๋21คนรับใช้ของคนนั้นจึงกลับมารายงานสิ่งเหล่านั้นให้เจ้านายฟัง เจ้านายก่าเคียด จึงสั่งคนรับใช้ว่า จงออกไปให้ไว ไปนำหนทางใหญ่และตรอกเล็กซอยน้อยในเมือง พาคนยากจน คนพิการ คนตาบอดและคนง่อยเข้ามาบ่งนี้22แล้วคนรับใช้ก่ามาบอกเจ้านายว่า เจ้านายข่อยได๋เฮ็ดตามที่เจ้าสั่งแล้วแต่ก่ายังมีบ่งว่างอยู่23เจ้านายจึงสั่งคนรับใช้คนนั้นว่า จงออกไปนำหนทาง ตามซอกตามซอย บังคับให้พวกเขาเข้ามาเพื่อให้เฮือนของเฮามีแขกเต็ม24เราบอกเจ้าทั้งหลายว่าในพวกคนที่ได้รับเชิญนั้น อีบ่มีไผสักคนได๋กินอาหารของเฮาเลย25มีมหาชนไปกับพระเยซู พระองค์จึงเหลียวหลังเว้ากับพวกเขาว่า26" ถ้าไผมาหาเฮาและบ่ซังพ่อแม่ลูกเมียและพี่น้องชายหญิง หรือแม้แต่ชีวิตของโตเอง คนนั้นอิเป็นลูกศิษย์ของเฮาบ่ได๋27และไผก่าตามที่บ่ได๋แบกกางเขนของโตเองนำเฮามา คนนั้นอิเป็นลูกศิษย์ของเฮาบ่ได๋28ในพวกเจ้ามีไผแด่เมื่ออยากอีสร้างตึกอีบ่นั่งลงคิดราคาเบิ่งก่อนว่า อิมีพอที่อีเฮ็ดให้แล้วหรือบ่แล้ว?29ย้านว่าเมื่อลงรากฐานแล้ว และเฮ็ดบ่สำเร็จ ทุกคนที่เห็นก่าอีเยาะเย้ยเขา30ว่า คนนี้เริ่มต้นสร้าง แต่เฮ็ดให้สำเร็จบ่ได๋31หรือมีกษัตริย์คนใด เมื่ออียกทัพไปเฮ็ดสงครามดับกษัตริย์อีกคนหนึ่งนั้น อิบ่นั่งลงคึดเบิ่งก่อนว่าตนมีพลทหารหนึ่งหมื่นที่สู้กับกองทัพที่ยกมารบสองหมื่นนั้นได๋บ่32ถ้าสู้บ่ได๋อิก่าใช้ทูตไปเจรจาผูกไมตรีกันในระหว่างที่อีกฝ่ายยังอยู่แต่ไกล33สังซั้นน่ะ ทุกคนในพวกเจ้าที่บ่ได๋สละสิ่งสารพัดที่มีอยู่อิเป็นลูกศิษย์ของเฮาบ่ได๋34"เกลือเป็นสิ่งที่ดี แต่ถ้าเกลือหมดความเค็มไปแล้วก่าอิเฮ็ดให้กลับมาเค็มอีกได๋สะได๋35อิใช้เป็นปุ๋ยใส่ดินก่าบ่ได๋ อิหมักไว้กับขี้งั่วขี้ควายเฮ็ดปุ๋ยก่าบ่ได๋ แต่เขาอีเอาถิ่มท่อนั้น ไผมีหูก่าฟังเอา"
Son Light Foundation