Luke13
1ขณะนั้นบางคนซึ่งอยู่บ่งนั้นเล่าเรื่องชาวกาลิลีที่ปีลาตเอาเลือดและเครื่องบูชาของพวกเขามาคละเคล้านำกันให้พระเยซูฟัง2พระเยซูจึงเว้ากับพวกเขาว่า " เจ้าทั้งหลายคึดว่า ชาวกาลิลีเหล่านั้นเป็นคนบาปยิ่งกว่าชาวกาลิลีอื่น ๆ ทั้งเบิ่ด เพราะพวกเขาต้องทนทุกข์ทรมานสังซั่นฮั่นหนึอ?3เฮาบอกพวกเจ้าว่า บ่แม่น แต่ถ้าเจ้าทั้งหลายบ่ได๋กลับใจใหม่ก่าต้องพินาศคือกัน4สิบแปดคนนั้นที่ถืกหอรบสิโลอัมโปดลงมาทับตาย เจ้าคึดว่าพวกเขาทำผิดหลายกว่าคนที่อาศัยอยู่ในกรุงเยรูซาเล็มฮั่นหนึอ?5เฮาบอกพวกเจ้าว่า บ่แม่น แต่ถ้าเจ้าทุกคนบ่กลับใจใหม่ก่าอิต้องพินาศคือกัน6พระเยซูเว้าคำอุปมาต่อไปนี้ว่า "ชายคนหนึ่งมีต้นมะเดื่อต้นหนึ่งไว้ในสวนองุ่นของโตเอง และเขามาหาผลมะเดื่อที่ต้นก่าบ่พ้อ7เขาจึงว่าคนที่รักษาเถาองุ่นว่า เฮามาหาผลที่ต้นมะเดื่อนี้สามปีแล้วแต่บ่พ้อ จงตัดมันถิ่มง่า อิไห้ขี้ดินจืดไปซื่อ ๆ เฮ็ดหยัง?8แต่ผู้รักษาเถาองุ่นตอบเขาว่า เจ้านายขอเก็บเอาไว้อีกจักปีก่อนลองให้ข่อยพรวนดินใส่ปุ๋ยเบิ่งก่อน9ถ้าปีหน้ามันเกิดผลก่าดีไป แต่ถ้าบ่ เจ้าอิตัดมันถิ่มก่าได๋10ขณะที่พระเยซูสั่งสอนที่ธรรมศาลาแห่งหนึ่งในวันสะบาโต11มีผู้ญิงคนหนึ่งที่มีผีเข้าสิงซึ่งเฮ็ดให้นางเป็นโรคมาสิบเเปดปีแล้วอยู่บ่งฮั่นนำ หลังของนางก่าโกง ยืดโตขึ้นบ่ได๋เลย12เมื่อพระเยซูเบิ่งเห็นจึงเอิ้นและเว้ากับนางว่า " หญิงเอ๋ย โตเจ้าหายพ้นจากโรคของเจ้าแล้ว"13เมื่อพระเยซูวางมือบนโตนาง ทันใดนั้นนางก่ายืดโตตรงได๋ และสรรเสริญพระเจ้า14แต่นายธรรมศาลาบ่พอใจเพราะพระเยซูรักษาโรคในวันสะบาโตจึงเว้ากับฝูงชนว่า " มีหกมื้อที่ควรอีกเฮ็ดงานในหกมื้อนั้นจงมารักษาโรคเถิดแต่ในวันสะบาโตนั้นอย่าเฮ็ดเลย"15แต่พระเยซูเว้ากับเขาว่า " โอ คนหน้าซื่อใจคดพวกเจ้าทุกคนก่าปล่อยงั่วปล่อยลาออกจากคอกของมันพาไปกินน้ำในวันสะบาโตบ่แม่นหนึอ?16ผู้หญิงคนนี้เป็นลูกาวของอับราฮัมซึ่งถืกซาตานผูกมัดไว้ถึงสิบแปดปีแล้ว บ่ควรฮั่นหนึอที่อิให้นางหลุดพ้นจากเครื่องจองจำนี้ในวันสะบาโต?"17เมื่อพระเยซูเว้าสังซั่นแล้วด้วยที่เป็นศัตรูกับพระองค์ก่าได๋ฮับความอับอาย แต่ฝูงชนทั้งเบิ่ดชื่นชมยินดีกับคุณความดีทุกประการที่พระเยซูเฮ็ด18พระเยซูเว้าว่า " แผ่นดินของพระเจ้าคือกับมะหยัง? และเฮาอิเปรียบแผ่นดินนั้นกับมะหยังดี19ก่าคือกับเม็ดมัสตาร์ดที่คนหนึ่งเอาไปปลูกในสวน มันก่างอกขึ้นเป็นต้นใหญ่และนกในอากาศก่าเฮ็ดฮังอยู่นำง่าของต้นไม้นั้น20พระเยซูเว้าอีกว่า " เฮาอีเปรียบแผ่นดินของพระเจ้ากับมะหยัง?21ก่าเป็นคือเชื้อ ซึ่งผู้หญิงคนหนึ่งเอามาใส่ลงในแป้งสามถังจนแป้งนั้นฟูขึ้นมาทั้งเบิ่ด22พระเยซูไปตามบ้านเมืองต่างๆสั่งสอนระหว่างทางที่มุ่งไปสู่กรุงเยรูซาเล็ม23มีคนหนึ่งมาถามพระเยซูว่า "พระองค์เจ้าข้า คนที่รอดนั้นน้อยฮั่นหนึอ? " พระเยซูตอบเขาว่า24"เจ้าทั้งหลายจงพยายามเข้าไปทางประตูแคบเพราะเฮาบอกเจ้าทั้งหลายว่าคนเป็นอันมากอีพยายามเข้าไปแต่อิเข้าไปบ่ได๋25เมื่อเจ้าของเฮือนลุกขึ้นปิดประตูแล้วและพวกเจ้ายืนอยู่ข้างนอกเคาะที่ประตูว่า เจ้านายขอเปิดประตูให้ข่อยแด่ แต่เจ้าของบ้านนั้นอีตอบเจ้าว่า เฮาบ่ฮู้ว่าพวกเจ้ามาจากไส่26แล้วเจ้าอีเว้าว่าเฮาเคยกินดื่มกับนายและายก่าเคยสั่งสอนี่ถนนของเฮา27เเต่เจ้าของบ้านนั้นอีเว้าว่า เฮาบ่ฮู้ว่าพวกเจ้าที่เฮ็ดความชั่วมาจากไส่จงไปให้พ้นหน้าเฮา28แล้วอิมีการฮ้องไห้ขบเขี้ยวเคี้ยวฟันในเวลาที่พวกเจ้าเห็นอับราฮัม อิสอัค ยาโคบ และบรรดาผู้เผยพระวจนะในแผ่นดินของพระเจ้า แต่โตพวกเจ้าอีถืกขับไล่ออกไปอยู่ทางนอก29และอีมีคนจากทิศตะวันออก ตะวันตก ทิศเหนือ ทิศใต้ มานั่งร่วมโต๊ะในแผ่นดินของพระเจ้า30และแน่นอนว่าผู้ที่เป็นคนสุดท้ายอีกลายเป็นคนแรกและผู้ที่เป็นคนแรกอีกลับกลายเป็นคนสุดท้าย"31ในเวลานั้นเองมีพวกฟาริสีบางคนมาเว้ากับพระเยซูว่า " เจ้าจงไปจากบ่งนี้เถอะ เพราะว่าเฮโรดต้องการอิฆ่าเจ้า"32พระเยซูตอบเขาว่า "จงไปบอกหมาจิ้งจอกโตนั้นว่า จงฟังให้ดี เฮาขับไล่ผีและรักษาโรคในมื้อนี้และมื้ออื่น แล้วในวันที่สามเฮาก่าอีเสร็จงาน33แต่ว่าเฮาจำเป็นอีต้องเดินต่อไปในมื้อนี้ มื้ออื่น และมื้อฮือ เพราะว่าเป็นไปบ่ได๋ที่ผู้เผยพระวจนะอีถืกฆ่านอกกรุงเยรูซาเล็ม34โอ เยรูซาเล็มๆ เมืองที่ฆ่าบรรดาผู็เผยพระวจนะและเอาหินขว้างพวกที่รับใช้มาหาถึงตาย เฮาต้องการอีรวบรวมลูกของเจ้าไว้ตลอด คือแม่ไก่กลูกลูกอยู่ใต้ปีกของมัน แต่เจ้าบ่ยอมเลย35ดูเถิด นิเวศของเจ้าอีถืกทอดทิ้งเฮาบอกพวกเจ้าว่า เจ้าอีบ่เห็นเฮาจนกว่าพวกเจ้าอีเว้าว่า ขอให้ผู้นั้นเสด็จมาในพระนามขององค์พระผู็เป็นเจ้าทรงพระเจริญ"
Son Light Foundation