Mark3
11 แล้วพระองค์กะได้เข้าไปในธรรมศาลาอีกเถี่ยหนึ่ง บ้งฮั่นมีผู้หนึ่งมือข้างหนึ่งลีบ22 หมู่คนเหล่านั้นคอยเบิ่งหว่า พระองค์อิรักษาโรคให้ผู้ฮั่นในวันสะบาโตบ่ เผื่อเขาอิหาเหตุฟ้องพระองค์ได้33 พระองค์เว้ากับคนมือลีบหว่า “มาทางหน้าเถี๊ยะ”44 พระองค์ได้เว้ากับคนทั้งหลายหว่า “มื้อวันสะบาโตควรอิเฮ็ดสิ่งดี หรือสิ่งร้าย อิซ่อยซีวิตดีหรือหว่าอิทำลายดี” ฝ่ายคนทั้งหลายกะเงียบ55 พระองค์กะทุกข์ใจ เพราะหว่าใจเขาแข็งกระด้างหลาย แล้วพระองค์เบิ่งไปรอบๆ ด้วยความโกรธ แล้วเว้ากับคนมือลีบฮฺั่นหว่า “จงเหยียดมือออกมา” เขากะเหยียดออก แล้วมือของเขากะหายเป็นปกติ66 พวกฟาริสีจึงได้ออกไป แล้วทั่นใดฮั่นได้ปรึกษากับพรรคพวกของเฮโรดหว่า อิเฮ็ดเซี๊ยะใดถึงอิฆ่าพระเยซูได้77 ฝ่ายพระเยซูกับพวกศิษย์ของพระองค์ ได้ออกจากบ้งฮั่นไปทะเลสาบ แล้วหมู่คนเป็นจำนวนหลายจากแคว้นกาลิลีได้ตามไป ทั้งจากแคว้นยูเดีย88 จากกรุงเยรูซาเล็มแล้วกะจากเอโดม แล้วกะจากแม่น้ำจอร์แดนฟากตะเวนออก แล้วกะจากแคว้นเมียงไทระแล้วกะไซดอน หมู่คนเป็นอันมากได้ฮู้สิ่งที่พระองค์เฮ็ดเซี๊ยะนั้นกะได้มาหาพระองค์99 พระองค์เลยสั่งพวกศิษย์ให้เอาเรียมาคอยฮับพระองค์ เผื่ออิบ่ให้ประซาซนเบียดเสียดพระองค์1010 ด้วยหว่าพระองค์ได้รักษาคนเป็นอันมากให้หายจากโรค จนบรรดาหมู่ผู้ที่เป็นโรคต่างๆ เบียดเสียดกันเข้ามา เผื่ออิได้ถืกต้องพระองค์1111 แล้วผีโสโครกที่เข้าสิงอยู่ในหลายคน พอได้เห็นพระองค์กะได้หมอบลงกราบพระองค์แล้วฮ้องหว่า “พระองค์เป็นลูกของพระเจ้า”1212 ฝ่ายพระองค์กะได้กำซับห้ามมันบ่ให้บอกผู้ใดหว่า พระองค์คือผู้ใด1313 แล้วพระองค์กะได้ขึ้นไปภูเขา แล้วถ้าพอใจอิเอิ้นผู้ใดพระองค์กะเอิ้นผู้นั้น แล้วเขากะได้มาหาพระองค์1414 พระองค์ได้แต่งตั้งศิษย์สิบสองคนไว้ให้อยู่นำพระองค์ เผื่อใซ้ให้เขาไปประกาศ1515 แล้วให้มีอำนาจขับผีออกได้1616 ซีโมนฮั่นพระองค์ได้ตั้งซื่อให้ใหม่อีกซื่อหนึ่งหว่าเปโตร1717 แล้วยากอบลูกเศเบดีกับยอห์นน้องของยากอบ ทั้งสองคนนี้พระองค์ตั้งซื่อให้ใหม่อีกซื่อหว่า โบอาเนอเย แปลหว่า ลูกฟ้าฮ้อง1818 อันดรูว์ ฟีลิป บาร์โธโลมิว มัทธิว โธมัส ยากอบลูกอัลเฟอัส ธัดเดอัส ซีโมน พรรคชาตินิยม1919 แล้วกะยูดาสอิสคาริโอท ที่ได้ทรยศพระองค์ฮั้นพระองค์จึงได้เข้าไปในเฮียน2020 แล้วประซาชนกะมาประซุมกันอีก จนพระเยซูกับสาวกอิกินอาหารบ่ได้2121 เมื่้อญาติพี่น้องของพระเยซูได้ยินเซี๊ยะนั้น เขากะออกไปเพราะว่าต้องการอิกันพระองค์เอาไว้ เพราะเขาคิดว่าพระองค์เป็นบ้าไปแล้ว2222 พวกธรรมจารย์ได้ลงมาจากกรุงเยรูซาเล็มเว้าหว่า “ผู้นี้มีผีเบเอลเซบูลเข้าสิง แล้วที่เขาขับผีออกได้กะเพราะหว่าเขาใซ้อำนาจนายผีฮั้น”2323 ฝ่ายพระองค์ได้เอิ้นคนหมู่ฮั้นมาเว้าเป็นคำเปรียบเปรยหว่า “ซาตานอิขับโตเองให้ออกได้เซี๊ยะใด2424 ถ้าอาณาจักรใดๆ แตกแยกกันแล้ว อาณาจักรฮั่นกะอิตั้งอยู่บ่ได้2525 ถ้าครัวเฮียนใดๆ แตกแยกกัน ครัวเฮียนฮั่นกะอิตั้งอยู่บ่ได้2626 แล้วถ้าซาตานอิต่อสู้กับโตเอง แล้วมันแตกแยกกันกะอิตั้งอยู่บ่ได้มีแต่อิสลายไป2727 บ่มีผู้ใดที่อิเข้าไปในเฮียนของคนที่แข็งแฮงแล้วไปปล้นทรัพย์ได้ เว้นแต่อิจับคนที่แข็งแฮงฮั่นมัดไว้ก่อน แล้วถึงอิปล้นทรัพย์ในเฮียนฮั่นได้2828 เฮาบอกความจริงแก่หมู่เจ้าทั้งหลายหว่า ความผิดบาปทุกอย่างแล้วกะคำหมิ่นประมาท ที่เขาหว่าฮั่น กะอิยกโทษให้มนุษย์ได้2929 แต่ผู้ใดเว้าคำหมิ่นประมาทต่อพระวิญญาณบริสุทธิ์ อิยกโทษให้ผู้ฮั้นบ่ได้เลย แต่ผู้ฮั่นมีกรรมซั่วแห่งบาปตลอดไป”3030 ที่พระองค์เว้าเซี๊ยะนั้นกะเพราะว่าหมู่เขาทั้งหลายเว้าหว่า พระองค์มีผีโสโครกเข้าสิง3131 เวลาฮั่นแหม่กับพวกน้องซายของพระองค์มายืนอยู่ทางนอก แล้วใซ้ให้คนไปเอิ้นพระองค์3232 แล้วกะประซาซนกะได้หนั่งอ้อมพระองค์ เขากะได้บอกพระองค์หว่า “เนี่ยะท่าน แหม่กับพวกน้องซายของท่านมาหาท่านคอยอยู่ทางนอกพู้น”3333 พระองค์ตอบเขาไปหว่า “ไผเป็นแหม่ของเฮา แล้วไผเป็นพี่น้องของเฮา”3434 พระองค์เบิ่งคนที่หนั่งอ้อมโตฮั่นแล้วเหว้าหว่า “นี่เป็นแหม่กับพี่น้องของเฮา3535 ผู้ใดอิเฮ็ดตามใจของพระเจ้า ผู้ฮั้นแน้วเป็นพี่น้องซายหญิงแล้วกะแหม่ของเฮา”
Empower Asia Bible Translation Movement