SINU9
Sɛfa Ɔpɛ Ɔta Yaa Di Lɛka Tinini Nɔɔ Suoto
Dawid onu. Kuɔta ni sinutuotɛ. Basa nwu di "Obisuɔtɔbi nwu Kukpi" sɛlɔ kanya.
1O Saate, kamatansa fɔ, ku otu nii omuu;kamabuɛ sɛkpɛ lɛfɔ se simuu niɛbla ni ɔkpɛ.2Kamanya suoto lɛyɔɔ mpɔ di kamɛ lɛfɔ;O Afɔ wɔ Ninlenke ni; kamanya suoto lɛyɔɔ mpɔ di kamɛ lɛfɔ, kamasa sinu ntansa fɔ leyooto.3Balo nii lakple nkpaamaa;baanɔɔ ni baawɔɔ di anu lɛfɔ nɛ.4Diekye fatoodiki ɔsaabla biene nii ku lɛkyɛ nii feetuo,fatoosiɛ di lɛkakpomii lɛfɔ fɔɔka lɛka tinini.5Fatoosĩ ɔlaa fɛɛta nnle nwu, fɛɛwɔɔsa bakpiletɛ;fatɔɔyɛɛsa ayooto lɛma dinaa ni kaloo.6Kawɔɔ ka ninaa ni kase ntɔɔwa di balo nwu suoto,fatoobiɛ sekpoo lɛma nwu;bia diidii blɔbasinyuma ma.7Saate nwu kole sɛka dinaa ni kaloo;atoose lɛkakpomii nɔɔ ɛɛta lɛkanko.8Abakanko kayi di ɔsaabla tinini kamɛ;abaklee batii nwu ku lɛka tinini.9Saate nwu ninle katanikokɔ ɛɛta batii ba beenyinka ni,kamaa kakpɛkɔ siene di dibuo obe kamɛ.10Batii ba nin-ye ni leyooto lɛfɔ matika fɔ disi,diekye afɔ, Saate, diidii fadiyee batii ba ninwolaa fɔ nii.11Bisa katansa sinu bita Saate nwu ninsi ni di Sion,bibuɛ asaa ya ɛɛbla ni di nnle kamɛ.12Diekye otii wɔ nin-wii ni ntɔ ankyisa ni nnyuma;an-yee kafɔɔ mba diobuo ni kaku.13O Saate, nyu mmle di balo nii ntikanko mi ni!Nyɛɛ nyaami, faatakatɛsa mi fakyeko kukpi n-yoko,14alɛ kabuɛ katansa lɛfɔdi Sion Obisankobi n-yokonfa kafɔɔ kamanya suoto lɛyɔɔ di didiki lɛfɔ kamɛ nɛ.15Nnle nwu ntɔɔkpa beebuo di dibiɔ le beekutu bɛɛtɛ ni kamɛ;asawu ya bɛɛkyɔɔ ni di lewofa kamɛ ntoomufũ nkpaa lɛma.16Baye Saate nwu di lɛka nɔɔ tinini kanya;batii kpile nnɛɛ lɛma ɔkpɛ ntɔɔbla dikyĩ di mma bamu suoto. Higgaion. Yila kɛɛkɛ17Batii kpile kamakple mansifi ɔkya kamɛ,nnle be mmuu nieyee ni Yaa.18Kafɔɔ diele obe lele babayee bapiitɛ,ee mba diobuo ni osuku onyu dilɔbayu diidii.19O Saate, taka, tanta kuonwii lalenkee.ta bakanko nnle nwu di anu lɛfɔ.20O Saate, kpee ma difu;ta nnle batofo alɛ batii ko bale. Yila kɛɛkɛThe Seed Company