SINU10
Ɔlaa Ɔpɛ Diɛta Ni Lɛka Tinini
1O Saate, obe oso fayɛ kaakyonkɔ?Obe oso feewofasa suoto di ɔlaa otũ obe kamɛ?2Otii kpile ntikanko batii ba ninaa ni osie ku suoto katoo ɔtakatɛsa,mma bamu sikũ se bɛɛkyɔɔ ni di lewofa kamɛ simufũ ma.3Diekye otii kpile nkanta di nle ɛɛtɛ ni di otu nɔɔ kamɛ;antansa sepokyoa baletɛ, ankyidi kafɔɔ Saate nwu.4Otii kpile nwu nkanta, ansinwolaa nwɔ;disibu nɔɔ nimuu ninle alɛ, Yaa nnaa.5Sɛsaabla nɔɔ nlɛ ɔkyɛ sintɔɔ obe lele;ɛɛtakatɛ suoto katoo, afiofa lɛfɔ kafɔɔ lekyo di ɔkyɛ nɔɔ;annyu balo nɔɔ bamuu nyakatãa.6Ambuɛ antɔkɔ suoto alɛ, "Lɛsalɛsaa dilaafuo mi otũkunsa;manya suoto lɛyɔɔ obe lele, diidii kafɔɔ namawɛ ɔlaa.”7Lɛkpaani ku sɛlaa ku afunu ku afunaa leyii nwɔ kanya;kubuɛ ku sikpile nsi di ɔkplalomii nɔɔ kalɔ.8Ammaa ansiɛ di nkpayotũ ɔlɔɔkɔ ansoko;antɛ kala anlo batii ba ninambla ni okpile kuonwii,antoonyunyu batii ba abakpɛ ni di lewofa kamɛ.9Ammaa ante ansoko fɛle kyata;ante ansoko alɛ oomufũ mba ninaa ni lɛkyakaako;amufũ mba ninaa ni lɛkyakaako anwududusa ma anaakpee di okũ nɔɔ kamɛ.10Ambibiɛ batii ba ɛɛkpɛko nii, manloo ɔnyɛɛ;an-yɔ osie nɔɔ anyinka ma antɛ kaasɔ.11Ambuɛ antɔkɔ suoto alɛ, "Yaa ntooyee;antĩi anu nɔɔ, annya kafɔɔ diidii.”12Saate, taka! O Yaa takatɛ kɔnɛɛ lɛfɔ katoo.Tan-yee mba ninaa ni lɛkyakaako.13Lɛ oso di otii kpile nsĩ Yaa?Lɛ oso ambuɛ antɔkɔ suoto alɛ,"Ɔlɔbalɛɛ mi lɛka"?14O Yaa, kafɔɔ afɔ, fɔɔnya mba bookpee ni kubuɛ beebuo ni sɛnyaami;foonyu falɛ fookpee nwu nnɛɛ.Mba boonyika ni lɛyɔ suoto lɛma beekpee fɔ ninnɛɛ;afɔ ninle bakuɛbi kyakaakotɛ.15Fee kpiletɛ ku kpileblatɛ nwu nnɛɛ;wolaa sikpile se ɔɔbla nidilaase di obe wɔ abadiɛ ni simuu ɔbla.16Saate nwu ninle Ɔka dinaa ni kaloo;nnle kamawɔɔ di kasɔ nɔɔ suoto.17O Saate, nu, batii ba bɛɛwakosa ni kasɔ;nu kaku lɛma, faakpee ma osie,18kpɛ fata bakuɛbi ku batii ba bɔɔtafaa ni,alɛ otii kuonwii di kasɔ ka mmle suoto dilasinle ni lɛyɛkɛ diidii.The Seed Company