SINU74
Ɔlaa Ɔpɛ Diɛta Ni Kale Didiki
maskil kuɔta ni Asaf.
1O Yaa, obe oso fatoosĩ wo nkpo dinaa ni kaloo?Obe oso di ɔblɔ lɛfɔ kɔfiɛ di bafoso sɛfa kaweekɔ lɛfɔ nkpo?2Nyuma batii nwu faaya ni saa,kɔna lɛfɔ nwu atesaa ya faadiki ni-Sion Kobokote ko faasiɛ ni.3Munikĩisa akpaakyala lɛfɔ fakyɔɔ kawɔɔ ka mmle ninaa ni kaloo,kawɔɔ ka mmle kamuu di balo nwu ntɔɔwako ni di lɛkpaayo klekle nwu suoto.4Bakyiditɛ lɛfɔ kokumii di lɛba le faakyakako wo nii;bɛɛtɛ nyilakɔ lɛma nwu fɛ nsũ atɛsaa.5Bɔɔbla fɛle batii nikɔnwanyi nfɛ̀alɛ boobudi lɛpooku awoso.6Bɛɛlalaasa ewoso wolale nwu emuuku nfɛ̀ ku nfɛ̀mii lɛma.7Bɛɛfiɛ lɛkpaayo klekle lɛfɔ nwu bɛɛtɛ kaasɔ;bɛɛkpɔnɔfɔsa kasiɛkɔ lɛfɔ nwu Leyooto.8Baabuɛ di situ lɛma alɛ, "Bubawɔɔsa ma fɛɛ!"Beefiɛ lɛba biala baatoosumu ni Yaa di kasɔ nwu suoto.9Batata wo asaa ya niɛbla ni ɔkpɛ nsũ atɛsaa;Yaa ɔlaa buɛtɛtɛ kuonwii diesimbu,kuonwii loo kafɔɔ dieye lɛ di nle mmle mate ninaadu nii.10O Yaa, ɔmɛmbe di balo mama fɔ manaase?Bakyiditɛ lɛfɔ makyidi leyooto lɛfɔ dinaa ni kaloo?11Obe oso fookplesa kɔnɛɛ lɛfɔ, koletanɛɛ lɛfɔ?Diki kũ di akpeele lɛfɔ kamɛ faawɔɔsa ma.12O Yaa, kafɔɔ diayɔ ni di saa, afɔ ninle ɔka nii;fɛɛwako didiki kaasɔ nwu suoto.13Afɔ niasɛ lekpo kamɛ di osie lɛfɔ kanya;afɔ niabibiɛ asaanwu yɛkɛle nwu asi di ntu nwu kamɛ.14Afɔ niabibiɛ Lefiatan nwu asini faayɔ nwɔ faata ɔfaafuu babɔkɛɛ fɛ alesaa nɛ.15Afɔ niata sekle ku ntu ntaakɔ lataa ntu;afɔ niasɔɔsa ekle be nimbiɛ sinfe ni obe lele.16Dii nwu lele fɔ dile, kakyɛ nwu kafɔɔ kale fɔ kale;fɛɛbla kufĩ ku kɔwɛntɛ.17Afɔ ninle nnwɔ niasɛ ni kasɔ nwu amɛ amuu;afɔ niabla kɔkyɛɛ ku kabiene akyuu nwu anyɔ.18O Saate, nyuma mmle di lo nwu lama fɔ ni,mmle di babuutɛ nwu lekyidi ni leyooto lɛfɔ.19Tan-yɔ ablonuma lɛfɔ nkpa faakpee di lepoo kamɛ babɔkɛɛ nnɛɛ;tan-yee batii lɛfɔ ba nikonu ni dibuo nkpa dinaa ni kaloo.20Wɛ dibu fata kanya ninii lɛfɔ,diekye amumu ɔbla leyii ditunu aba di kasɔ nwu suoto.21Tanta mba bɔɔtafaa ni lakple ku sinunsɔ;ta bapiitɛ ku mba diefĩ ni batansa leyooto lɛfɔ.22O Yaa, taka faata suoto;nyuma mmle di babuutɛ mma fɔ ni dii kufĩ kumu.23Tansĩ balo lɛfɔ nwu ɔblɔ afafaa,balo lɛfɔ nwu kudu ko nikodie ni obe lele.The Seed Company