SINU75
Yaa Kantɛ Nwu
Asaf onu. Kuɔta ni sinutuotɛ. Di "Tanwɔɔsa.” Sɛlɔ kanya.
1O Yaa, buɔpɛ fɔ sɛfa,buɔpɛ sɛfa, diekye Leyooto lɛfɔ ntɔɔtɛɛtɛɛ;batii kobuɛ ablasaa lɛfɔ ya niɛbla ni ɔkpɛ.2Fambuɛ falɛ, "Ami nintɛ obe wɔ niɛsiɛko ni;ami ninle nwɔ ninka ni lɛka biene.3Nse kasɔ ku batii nika bamuu letũkũ,ami ninle nnwɔ nimufũ ni akpaka nini anklee ni kpinkpĩ nɛ. Yila kɛɛkɛ4Kɔtɔkɔ mba nintakatɛsa ni suoto katoo nlɛ, 'Bitansinkanta,'bakpiletɛ kafɔɔ, 'Bitasintakatɛsa akya lee katoo.5Bitasintakatɛsa akya lee di osi suoto;bitankakatɛ ku simu lɛnaanfi.' "6Kuonwii niekye ni kufĩ katunkɔ ee kufĩ kamɛɛkɔee niekye ni ɔfaafuu kafuo otii katoo ɔtakatɛsa.7Kafɔɔ Yaa ninle nnwɔ ninka nii:Anwakosa onwii kasɔ, antakatɛsa ɔbamba katoo.8Opũ nsi di Saate nwu kɔnɛɛ,nta fuule bɛɛkpɔtɔɔsa ni ku akɔnɔkɔnɔsaa leyii nwu kamɛ pɔ;annyɛɛnɛ mi, ni di bakpiletɛ bamuu kaasɔnnyi mi mansooko ninaadu akpiti ni mi.9Ami fɛ ami, madiki nle mmle mbuɛ dinaa ni kaloo;kamasa katansa sinu nta Yakob Yaa.10Kamabudi bakpiletɛ akya amuu n-yu,kafɔɔ batinitɛ akya nnya babatakatɛsa nya katoo.The Seed Company