SINU73
Yaa Lɛka Tinini
Asaf onu.
1Nwaako Yaa nlɛ ata Israel,alɛ ata mba niɛkpa ni di situ kamɛ.2Kafɔɔ ami yi, nkpaa nii leloo ɔfɛntɛ;leloo kɔkpaa nii kasekɔ oyu.3Diekye nkpɛko mba ninkanta ni sɛsɔfɔwonse lɛnya bakpiletɛ lɛsaawɛ nwu.4Banaa dibuo kuninwii;suoto lɛma nlɛ, bakpe osie kafɔɔ.5Mma blɔɔnya dibuo le okle di otii kɔnya nii;sifiɛ kplɛ se nimpɛ ni otii nimpɛ ma.6Nioso lɛkanta ninle kɔnyɛnɛ lɛma;akpeele lɛma ninle kudú okpee.7Situ kyofole lɛma nwu kamɛ di sikpile nkye;okpile wɔ bakle ni di asibu lɛma nnaa kase.8Maama, mambuɛ sɛlaakuu kafɔɔ;di suoto katoo lɛma ɔtakatɛsa kamɛ manfunaa amumu ɔbla.9Mambuɛ sɛlaa kpile di osi suoto ku nnya lɛma,sɛkplalomii lɛma kafɔɔ nfũ kasɔ nwu simpɛ sɛɛkambi.10Nioso batii lɛma nkyi mannyu mamannyi ntu kafɔɔ kpinwu.11Mambuɛ alɛ, "Lɛ di Yaa matofo?Nnwɔ Ninlenke ni nkpe lɛsaatofo?"12Nya mmle di bakpiletɛ nte ni-obe lele baayɔ nwu ole, lɛsaawɛ lɛma kɔpɔ.13Nwaako kasakasa di otu nii lɛkpa;kasakasa lefoto nnɛɛ nii di okpile ɔtambla kamɛ.14Ofiɛ kplɛ lɛpɛ mi dii kufĩ kumu;bɔɔnanfi mi kootoko olesɛ biala.15Nse labuɛ nlɛ, "Kamabuɛ nsĩ nkpo,”see ntabadiki babi lɛfɔ nta.16Nse lakpee kɔnyaabe nlɛ konu n-se mmle simuu kasɔ yi,diawɛ osie diatɛɛ17diediki labuo di Yaa lɛkpaayo klekle nwu kamɛ;fiɛ lanu kalookɔ lɛma kasɔ nɛ.18Nwaako fɛɛyɔ ma fɛɛtɛ di kasɔ kplɔkplɔ suoto;fɛɛtɛ ma kaasɔ alɛ bawɔɔ.19Lɛ babawɔɔsa ma nfanfanwu,lɛyɛkɛ mafiɛ ma klekle ninsifiko!20Fɛ mmle di kɔlaafɔ nte ni, nse otii lɛsɛnkɛ,O Saate, nioso nse fɛɛtaka,fabanya ma fɛle kɔlaafɔ ɔsɛ.21Obe wɔ di otu nii lawi niininwuna nii kafɔɔ labuo ni nyaami,22ntawɛ disibu, ntatofo lɛsalɛsaa kafɔɔ;lale bɔkɛɛ yakayaka di anu lɛfɔ.23Kafɔɔ obe lele nkpe di ɔkyɛ lɛfɔ;famufũ mi di koletanɛɛ nii.24Fanleko mi katũ ku kɔ̀ka lɛfɔ,sɛmaa kafɔɔ fankpaa mi fankpee di dibu kamɛ.25Owe ninkpe mi di osi fɛ afɔ?Lɛsalɛsaa kafɔɔ nnaa kaasɔ nimbɔmbɔ nkyakaa ni di afɔ.26Suoto nii ku otu nii mawakasɔ,kafɔɔ Yaa ninle otu nii nwu osieku kalekɔ nii dinaa ni kaloo.27Mba niekyo ni di suoto lɛfɔ makpi;fanwɔɔsa mba bamuu ninaa ni onukwale bɛɛta fɔ ni.28Kafɔɔ ami, dilɛ alɛ lɛtɛɛtɛɛ Yaa.Ntɔɔbla Saate Kplɛ nwu katanikokɔ nii;kamabuɛ ɔsaabla lɛfɔ omuu.The Seed Company