SINU51
Ɔlaa Ɔpɛ Diɛta Ni Ɔyɔ Ɔkyɛ
Dawid onu. Kuɔta ni sinutuotɛ. Di obe wɔ di Yaa ɔlaa buɛtɛtɛ Natan lakyɛ ni ɔkyɛ nɔɔ di Dawid lakpee ni asɔnɔ ku Batsheba aaloo ni sɛmaa.
1O Yaa, nyɛɛ nyaami,di lɛbɔmbɔ lɛfɔ le ninaa ni kaloo kanya;di sifutulɛ kplɛ lɛfɔ nwu kanyayɛɛsa ɔtanlolaa ɔbla nii.2Foto asaa kpile nii amuu fawiifaakleklesɛsa mi kafɔɔ di sikpile nii suoto.3Diekye n-ye ɔtanlolaa ɔbla nii,sikpile nii kafɔɔ nte di anu nii obe lele.4Labla okpile di suoto lɛfɔ, di lete lɛfɔ suoto,labla kafɔɔ lɛsaa le ninle ni dikpilesaa di anu lɛfɔ,alɛ ɔlaa lɛfɔ nkpe nse fɛɛkakatɛfabale lɛbɛ kafɔɔ nse fɛɛka.5Nwaako kpiletɛ lale bia kalofokɔ nii,kpiletɛ di obe wɔ di yaami lalaka ni lɛmɛ nii.6Nwaako onukwale wɔ niekye ni kamɛkamɛ fammiɛ;afɔ tuo mi ninumbe di otu nii kamɛ kaamɛ.7Kleklesa mi ku isop , ni kamabla klekle;foto mi, ni mapu nlenkee atubɔkanii.8Tɛɛ nnya suoto lɛyɔɔ, nimpɔ kafɔɔ;ta akufi nwu feebibiɛ ni anya suoto lɛyɔɔ.9Wofasa anu lɛfɔ di sikpile nii suotofaayɛɛsa kafɔɔ asaa kpile nii amuu fadiki.10O Yaa, bla otu klekle di kamɛ nii,faase ninwuna le niewo ni nimu kafɔɔ lɛbla kaamɛ nii.11Tantososa mi di anu lɛfɔee faadiki Ninwuna Klekle lɛfɔ di kamɛ nii.12Kplesa suoto lɛyɔɔ didiki lɛfɔ nwu fatɛɛ,faatɛɛ ninwuna le kafɔɔ nin-yɔ nwu ni ole, alɛ aaklee mi.13Ni kamatuo batii ba ninoololaa babla ni sisuku lɛfɔ,bakpileblatɛ kafɔɔ makple manwa ɔkyɛ lɛfɔ.14O Yaa, diki mi di ntɔ owii lɛpɔɔ okpi kamɛ,Yaa wɔ nindiki mi ni,ni ɔkplalomii nii kafɔɔ masa ɔsaabla tinini lɛfɔ onu.15O Saate, bɛ anyasibi nii,kanya nii kafɔɔ madiki katansa lɛfɔ kambuɛ.16Suoto ninn-yɔɔ fɔ di oleɔta suoto, see ntabawako nwu;fammbɔmbɔ kafɔɔ ofiɛ asaaɔta.17Yaa oleɔta nwu nle ninwuna le niɛwakosa ni suoto kasɔ;O Yaa, flɔbasĩ,otu wɔ niebiɛ, kuɔwakosa ni kafɔɔ suoto kasɔ.18Di suoto lɛyɔɔ lɛfɔ nwaa kamɛ yi, bla Sion diɛlɛ nwɔ;faatofo Yerusalem siyoyiɛ nwu.19Ni oleɔta tinini kamawɛ,ofiɛ asaaɔta omuu nta suoto n-yɔɔ fɔ;ni babata banankyue suɔtɔ di oleɔta akyikye lɛfɔ suoto.The Seed Company