SINU52
Yaa Lɛkanko Ku Sibualɛ
Dawidmaskil . Kuɔta ni sinutuotɛ. Di obe wɔ di Doeg, Edom otii nwu lakyɛ aalaatɔkɔ ni Saulo alɛ: "Dawid lakyɛ ni Ahimelek leyo.”
1Afɔ sientɛ, be oso fankanta di dikpilesaa suoto?Be oso fankanta dii kufĩ kumu,afɔ wɔ ninle ni sinunsɔ di Yaa anu?2Ɔkplalomii lɛfɔ mbuɛ kawɔɔsa sɛlaa;kute fɛle disi kakpaasupamii blɛblɛ,afɔ wɔ nimblako ni kakyɔnkyɔ ɔkpɛ.3Fambɔmbɔ dikpile fanlenkee dibiene,sɛlaa ku afunu fanlenkee onukwale obuɛ. Yila kɛɛkɛ4Fambɔmbɔ ɔlaa biala ninlalasa ni asaa,O afɔ kakyɔnkyɔ ɔkplalomii!5Nwaako Yaa mawakosa fɔ kasɔ di kawɔɔ ka ninaa ni kaloo:Abakpafɛ fɔ ambɛbɛɛ fɔ kafɔɔ di akpanta lɛfɔ;abasifi fɔ di nkpa basiɛtɛ kasɔ suoto. Yila kɛɛkɛ6Batinintɛ manya manyɛkɛ;babama nwɔ, mambuɛ alɛ,7"Nnya otii nwu nfɛ,nnwɔ ninan-yɔ Yaa abla ni katanikokɔ nɔɔkafɔɔ aatika disi di lɛsaawɛ kplɛ nɔɔ suotoaawɛ ni osie aatɔɔwɔɔsa ni bawo nɔɔ!"8Kafɔɔ nte fɛle nnɔnyi kowosokuɔlɛ ni di Yaa leyo kamɛ;letika disi di Yaa lɛbɔmbɔ le ninaa ni kaloo suotodinaa ni kaloo diidii.9Kamatansa fɔ dinaa ni kaloo di nle fɛɛbla nii;di leyooto lɛfɔ kamɛ kamanyu osuku, diekye leyooto lɛfɔ nlɛ.Kamatansa fɔ di baklekletɛ lɛfɔ anu.The Seed Company