SINU50
Onukwale Kasumu
Asaf Onu.
1Yaa, Saate nwu, Nnwɔ Ninlenke ni,kɔkakatɛ anlɛɛ batii bamuu kaasɔankyeko kufĩ katunkɔ diɛlaase ni di nfũ kunmɛɛ nii.2Yaa kɔkpa nwaa ku sɛlɛ,ankye Sion.3Yaa loo kɔwa ɔlɔbalo kanana kafɔɔ;ɔtɔ kofiɛ di anu nɔɔ,ɔblɔ yakayaka kafɔɔ lɛmana nwɔ kuokyi.4Ɛɛlɛɛ osi fanfa,ku kasɔ alɛ ɔɔkanko batii nɔɔ:5"Siisa baklekletɛ nii fatɛɛ,mba nienii ni kanya ku ami di oleɔta kamɛ.”6Osi koyie ɔsaabla tinini nɔɔ lɛkya,diekye Yaa omu ninle kantɛ.Yila kɛɛkɛ7"O batii nii, binu, kamakakatɛ,O Israel, mabuɛ ɔlaa ntika fɔ di suoto:Ami ninle Yaa, Yaa lɛfɔ nɛ.8Ninsĩ ɔlaa nta fɔ di oleɔta lɛfɔ suotoee ofiɛ asaaɔta lɛfɔ ya ninte ni di anu nii obe lele.9Nankyue di nankyue kɔba lɛfɔ diefĩ miee batie di atieyo lɛfɔ kamɛ,10diekye bɔkɛɛ biala di lepoo kamɛ nle mi ole,ku banankyue ba di akpenkpe kakpe osi.11N-ye kansiɛ biala di abokote nwu suoto,babɔkɛɛ ba kafɔɔ di lepoo nle mi bale.12Nse fɛ kɔka nklee mi nse ntabatɔkɔ fɔ,diekye kayi nwu kale mi kale, ku asaa ya amuu ninsi ka ni kaamɛ.13Nwee banankyue sinaee nnyi batie ntɔ?14Ta sɛfa ɔpɛ asaaɔta oleɔta fata Yaa,faabla di ntam be faaka faata ni Nnwɔ Niɛtaka Kotoo Alenke ni,15faalɛɛ mi kafɔɔ di nimiinayi;kamadiki fɔ, fan-yɔ dibu kafɔɔ fantɛɛ.”16Kafɔɔ bakpiletɛ mma, Yaa alɛ:"Ɔmɛnsuku fakpe fanka afiofa niiee fan-yɔ anyasibi lɛfɔ fambuɛ kanya ninii nii?17Feekyidi kɔkà niini fɛɛyɔ sɛlaa nii feeyu sɛɛmaa lɛfɔ nɛ.18Nse fɛɛnya yu, fantikanko nwɔ;fanaabla onwii ku asɔnɔ bakpeetɛ.19Fan-yɔ kanya lɛfɔ fambla okpilefeesiisa sɛlaa ku afunu kafɔɔ di ɔkplalomii lɛfɔ.20Obe lele fɔɔkakatɛ di obilee suotofanlalaasa kafɔɔ yaafɔ omu obisuɔtɔbi.21Asaa ya mmle fatɔɔbla nɛ, lelokanana;feenyu falɛ nkpo late fɛle afɔ nɛ.Kafɔɔ masĩ ɔlaa nta fɔnin-yɔ sɛlaa nwu kafɔɔ ntɛ di anu lɛfɔ.22"Nyu nle mmle, afɔ wɔ nieyee ni Yaa,ee mabɛbɛɛ fɔ kɔkyɛɛkɔkyɛɛ, di kuonwii nnaa abafũ fɔ nii:23Otii wɔ ninta ni sɛfa ɔpɛ asaaɔta oleɔta ntɛɛ dibu,anlolaa kafɔɔ osuku nwudi mmle katuo nwɔ ni Yaa didiki nwu.”The Seed Company