SINU5
Ɔlaa Ɔpɛ Diɛta Ni Kanyu
Dawid onu. Kuɔta ni sinutuotɛ. Bayɔ kakyukyoe bafɛ.
1O Saate, kyɔɔ sɛlaa nii kotoko,nu atunni nii.2Ɔka nii ku Yaa nii,nu kaku nii faakyakaakoe,diekye afɔ kɔpɛ ɔlaa nta.3O Saate, fannu mi sɛlɔ ku olesɛ;olesɛ nin-yɔ sɛlaa nii ntɛ fɔ di anunsiɛ kafɔɔ ntoonyu fɔ osuku.4Faale Yaa wɔ nintuna ni di okpile suoto;bakpiletɛ dilɔbafuo osiɛ di ɔkyɛ lɛfɔ.5Batii ba ninkanta ni dilɔbafuo oyila di anu lɛfɔ;feekyidi batii ba bamuu nimbla ni asaa kpile.6Fanwɔɔsa batii ba ninlaa nii;Saate lekyidibatii ba nin-wii ni ntɔ ku balaatɛ.7Kafɔɔ ami, di sibualɛ lɛpɔ lɛfɔ oso,kamawa leyo lɛfɔ;di dibu kamɛ mawakasɔnkyɔɔ anu Olekatakɔ klekle lɛfɔ.8O Saate, kpaa mi di ɔsaabla tinini lɛfɔ nwu kamɛta balo nii oso-bla osuku lɛfɔ kuoyila di anu nii.9Nwaako ɔlaa diesi ma kaanya;kawɔɔsa leyii situ lɛma kamɛ.Owolonwo lɛma nle ɔkya wɔ nietikiti nii;bɔɔkyɔnkyɔ batii ku ɔkplalomii lɛma.10O Yaa, lo ma lɛpɔɔ!Ta asibu lɛma nwu awa di mma bamu suoto.Diɛ ma nnɛɛ ta sikpile lɛma kpinwu oso,diekye bɛɛtaka beeyila fɔ di suoto.11Kafɔɔ ta batii ba bamuu niɛtaniko fɔ ni banya suoto lɛyɔɔ;ta ma basa lɛpɔ sinu obe lele.Yɔ kanyu lɛfɔ nwu fafukuti fatĩi ma,alɛ mba nimbɔmbɔ fɔ ni leyooto kanya suoto lɛyɔɔ kaamɛ lɛfɔ.12O Saate, diekye nwaako, fan-wii batininitɛ lɛyɔɔ;fankpee sibualɛ kɔba fankyisa ma fɛ kubidifunsaa.The Seed Company