SINU4
Kɔtɔɔfɔ Ɔlaa Ɔpɛ Diɛta Ni Lɛkyakaako
Dawid onu. Kuɔta ni sinutuotɛ. Basa nwu ku sikũ sanku.
1O Yaa nii tininitɛ,tuna fatɛɛ, nse lɛlɛɛ fɔ.Tɛɛ lɛkyakaako di nimiina nii kamɛ;nyɛɛ nyaami, faanu mi ɔlaa ɔpɛ.2O batii, ɔmɛmbe bibakpee dibu nii sinunsɔ minaase?Ɔmɛmbe bibabɔmbɔ sɛlaakuu, mintikanko sɛlaa ku afunu kafɔɔ minaase? Yila kɛɛkɛ3Kafɔɔ bitofo bilɛ Saate nwu lediki Yaa batii ɛɛta suoto nɔɔ;Saate nwu kamanu, nse lɛlɛɛ nwɔ.4Di ɔblɔ lee ɔnya kamɛ, bitambla okpile;nse bite di atensaa lee suoto,bibuo di situ lee kamɛ bielo kanana. Yila kɛɛkɛ5Bita oleɔta wɔ niesiɛko ni,bietika disi kafɔɔ di Saate nwu suoto.6Batii kpinwu kɔkaalɛ alɛ, "Owe nimafuo wo dibiene lewo otuo?"O Saate, ta lɛkpa nwu di anu lɛfɔ dikpa dikpete wo.7Afɔ niɛyɔ suoto lɛyɔɔ kplɛ feekpee di otu nii kamɛdilenke obe wɔ di atitabi ku nta fɔle lɛma lapɔ nii.8Atoko ɔkyɛ ole kamɛ kamaklɛnte nkyɔsĩi,O Saate, diekye lete lɛfɔnintɛɛ nsiɛ di kanyu nwaa kamɛ.The Seed Company