SINU45
Ɔka Leyo Kamɛ Ɔsanko Ɔyɔ Onu
Ɔsanko ɔyɔ onu. Kuɔta ni sinutuotɛ. Basa nwu di "Lilie" sɛlɔ kanya. maskil Kuɔta ni Kora Babisuɔtɔbi.
1Otu nii leyii ku sɛlaa bienedi mmle kobuɛ sĩ nta ni ɔka;ɔkplalomii nii ninle kpanatɛ nwaa kakpanawesee.2Afɔ niɛtɛ fale ɔnwaa di batii kamɛ,bɛɛpɛ anyasibi lɛfɔ kafɔɔ ɔfɔɔ ku sibualɛ,diekye Yaa ntoowii fɔ lɛyɔɔ dinaa ni kaloo.3O afɔ wɔ nilenke ni, minisa kapamii lɛfɔ;faakpee akasaa lɛfɔ ku leklekle di sɛka kanya.4Di sɛka lɛfɔ kanya die fabafe di lelenkee kanyadi onukwale ku suoto kasɔ ɔwakosa ku ɔsaabla tinini kamɛ;ta koletanɛɛ lɛfɔ kudiki ablasaa ya niɛbla ni ɔkpɛ kutuo.5Ta kɔtaa lɛfɔ blɛblɛ nwu atofo ɔka balo siitu;ta nnle nwu dinɔɔ di nkpaatũ lɛfɔ.6O Yaa, lɛkakpomii lɛfɔ mate dinaa ni kaloo;lɛkanko biene kayofo nimale sɛka kalekɔ lɛfɔ kayofo.7Fambɔmbɔ ɔsaabla tinini, feekyidi amumu;nioso Yaa, Yaa lɛfɔ ntɔɔtakatɛsa fɔ katoo falenke baklopo lɛfɔɛɛpɛ fɔ ɔfɔɔ ku suoto lɛyɔɔ nnɔnyi.8Awukyɔ lɛfɔ amuu kɔpɛɔkɔnɔ ku olufuii ku pɛplɛ ku kloboo;diɛ baka ayo bɛɛyɔ bato anyɛɛ beelolaa niidi basanku sinu nta fɔ ni suoto lɛyɔɔ.9Baka babisankobi nsi di dibu basanko lɛfɔ kamɛ;ɔka ɔsɔfɔ lenyukũ Ofir koto sɛɛle asaa asi di oletanɛɛkyɛ lɛfɔ.10O obisankobi, kyɔɔ kotoko faanu, faabu nwu disi:Diɛ batii lɛfɔ ku teefɔ leyo fatɛ.11Sekpeele lɛfɔ labuo ɔka nwu anu;yɔ dibu fatɔɔ, diekye saate lɛfɔ ale.12Tiro Babisankobi kamawa ku akyɛsaa,basaawɛntɛ kamamiɛ sibualɛ lɛfɔ nwu.13Dibu nimuu ninle ɔka obisankobi di leyo nɔɔ kamɛ;koto sɛɛle bɛɛyɔ beeloso akpeele nɔɔ.14Eekpee akpeele ya bɛɛkaa asaa bɛɛkakaasa ni bɔɔkpaa nwɔ mankyɛnko ɔka;kubitɛ wo nɔɔ ko ninan-ye ni basuɔtɔ ntikanko nwɔbɔɔkpaa nwɔ manwako fɔ.15Baayɔ suoto lɛyɔɔ ku lɛpɔ;baabuo ɔka leyo.16Babisuɔtɔbi lɛfɔ kamasiɛ di bate lɛfɔ kasiɛkɔ;fababla ma banɔɔfotii di kasɔ kamuu suoto.17Kamata leyooto lɛfɔ nte ninta ana amuu;nioso nnle nwu kamatansa fɔ dinaa ni kaloo.The Seed Company