SINU44
Ɔlaa Ɔpɛ Diɛta Ni Otii Suoto Onyu
Kuɔta ni sinutuotɛ. Maskil Kuɔta ni Kora Babisuɔtɔbi.
1O Yaa, butoonu ku atoko loo;bate loo ntɔɔtɔkɔ wonle faabla ni di obe lɛma kamɛ,di obe wɔ nitɔbafe ni kamɛ.2Ku nnɛɛ lɛfɔ faatososa nnle nwuni faata bate loo lasiɛ nɛ;faata diabuo batii nwuni faata bate loo lɛlɛ nɛ.3Ditale kapamii lɛma baayɔ baafũ kasɔ nwu,ee kɔnɛɛ lɛma niata ma lelenkee;koletanɛɛ lɛfɔ nwu, kɔnɛɛ lɛfɔ,ku anu lɛfɔ lɛkpa nwu, diekye faabɔmbɔ ma.4Afɔ ninle Ɔka nii ku Yaa nii,nnwɔ ninta ni Yakob lelenkee nɛ.5Diefe ni di suoto lɛfɔ muntukusa balo loo munsifiko sɛmaa;diefe ni di leyooto lɛfɔ kamɛ munanafu bakyiditɛ loo.6Nintika disi nii di kɔtaa nii suoto,kapamii nii nintɛɛ lelenkee;7kafɔɔ afɔ nieta wo lelenkee di balo loo suoto,fɛɛta sinunsɔ lɛkpɛ bakyiditɛ loo.8Di Yaa kamɛ munkanta dii kufĩ kumu,nioso bubatansa leyooto lɛfɔ dinaa ni kaloo. Yila kɛɛkɛ9Kafɔɔ kanunua fatoosĩ wo fɛɛtɛ wo kaasɔ kafɔɔ;flosindie ku bakpɛtɛ loo.10Faata wo buakple nkpaamaa di lo nwu anu,ni di bakyiditɛ loo labayɔ wo asaa nɛ.11Faayɔ wo faata falɛ bawee fɛle bafosofaasamisa wo kafɔɔ faakpee di nnle nwu kamɛ.12Faasunsũ batii lɛfɔ faafũ koto kafui,fatawɛ ni lɛsalɛsaa di osunsũ lɛma nwu kamɛ.13Fatɔɔta wo buokple ninunsɔsaa buɔta bawo loo,lɛmansaa ku ditufa buɔta batii ba niɛmana wo beekyi nii.14Fatɔɔta wo buɔbla okyonsanu di nnle nwu kamɛ,batii nwu ntũkunsa asi lɛma mankpee wo.15Sinunsɔ nii nte di anu nii dii kufĩ kumu,anu nii kafɔɔ letĩi ku sinunsɔ16di mba niekyidi mi ni atufa ku ditiikpɔnɔfɔsa suoto,ta lo nwu di ninu lɛsɛɛ alɛ ɔɔbla ankyisa ni oso.17N-ya mmle amuu lawa wo di suoto,nu butayee fɔee busĩ kanya ninii lɛfɔ nwu.18Situ loo diikple nkpaamaa;nkpaa loo diidiɛ ɔkyɛ di osuku lɛfɔ suoto.19Kafɔɔ faananfi wo kootoko ni faata wo buabla sina buata lepoo kamɛ baweewee,faayɔ kafɔɔ ditunu tunutunu faatĩi wo.20Nse fɛ mun-yee Yaa loo leyootoee munse nnɛɛ loo munta bafɔɔ afiɔ,21sɛɛ Yaa ditaatofo nwu ole,diekye aaye otu kamɛ awofasaa?22Kafɔɔ ta afɔ oso kukpi kɔkyɔɔ wo anu dii kufĩ kumu;bɔɔnya wo fɛ bafoso babalo nii.23O Saate, sɛnkɛ! Obe oso fɔɔkyɔsĩi?Taka! Tansĩ wo diidii.24Obe oso foowofasa anu lɛfɔfan-yee kafɔɔ dibuo loo ku amumu ya bɔɔbla wo ni?25Batɔɔtɛ wo kaasɔ di kudu kamɛ;suoto loo ntɔɔka kaasɔ.26Taka faakyakaako wo;diki wo ta lɛbɔmbɔ lɛfɔ le ninaa ni kaloo oso.The Seed Company