SINU46
Yaa Nsiko Wo
Onu. Kuɔta ni sinutuotɛ. Basa nwu di alamot sɛlɔ kanya. Kuɔta ni Kora Babisuɔtɔbi.
1Yaa ninle katanikokɔ ku osie loo,akpe ankyakaako ni di dibuo obe kamɛ.2Nioso bulɔbayɛkɛ, kuntɛ kasɔ letũkũdi abokote kafɔɔ lewisi eebuo di lɛkpo ntɛɛntɛɛ,3kuntɛ ntu nimi kɔpɛ ku afuutadi abokote kafɔɔ letũkũ ku osie lɛnya. Yila kɛɛkɛ4Okle onwii nkpe di koklenyii nɔɔ nta ni Yaa okpoo kplɛ nwu suoto lɛyɔɔ,kakleklekɔ nwu nfũ di Nnwɔ Niɛtaka Katoo Alenke ni nsi ni.5Yaa nsi nwɔ kaamɛ, ɔlɔbatũkũ;Yaa makyakaako nwɔ ku kolɛsɛtũ.6Nnle nsi di difu kamɛ, sɛka nlekɔ kobiɛ;antakatɛsa sɛlɔ nɔɔ katoo, kasɔ nnyanakĩi.7Saate wɔ Ninlenke ni nsiko wo;Yakob Yaa nwu ninle wo kɔba. Yila kɛɛkɛ8Biwa biɛbanyu Saate nwu sɛsaabla,kawɔɔ ka atɔɔwako ni kaasɔ nwu suoto.9Anta mandiɛ nkpɛ ninaadu kasɔ nwu nyɛntɛlekɔ;anfefee ataa, anlalaasa kafɔɔ akplɔ nwu,anfiɛ kafɔɔ kubiafunsaa nwu ku ɔtɔ.10"Bisiɛ kloklo, bietofo kafɔɔ bilɛ ami ninle Yaa;babatakatɛsa mi katoo di nnle nwu kamɛ,babatakatɛsa mi katoo di kasɔ nwu suoto.”11Saate wɔ Ninlenke ni nsiko wo;Yakob Yaa nwu ninle wo kɔba. Yila kɛɛkɛThe Seed Company