SINU41
Ɔlaa Ɔpɛ Di Ɔfiɛ Kamɛ
Dawid onu. Kuɔta ni sinutuotɛ
1Suoto siyɔɔ otii wɔ niɛyɔ nwu ni ole di bapiitɛ suoto;Saate nwu ndiki nwɔ di dibuo obe kamɛ.2Saate nwu makpee kɔba ankyisa nwɔ annyu nkpa nɔɔ disi.abawii nwɔ lɛyɔɔ di kasɔ nwu suotoɔlɔbadiɛ nwɔ ata bakyiditɛ nɔɔ dibiesaa.3Saate nwu makpee nwɔ osie di ofiɛ atensaa nɔɔ suoto,anyɔɔsa nwɔ ofiɛ di ofiɛ ɔkla nɔɔ suoto.4Labuɛ nlɛ, "O Saate, nyɛɛ nyaami;yɔɔsɛɛ ofiɛ, diekye lɛbla okpile di suoto lɛfɔ.”5Balo nii kubuɛ sɛlaa kpile di suoto nii alɛ,"Ɔmɛmbe abakpi di leyooto nɔɔ n-wɔɔ?"6Nse otii owo lɛwa ɛɛbanyɛɛ,ankakatɛ di sɛlaa ku afunu kanya, ansiisa kafɔɔ sɛlaa kpile di otu nɔɔ kamɛ;nse atoodie eesifi, ɛɛkyɛ oobuɛ nwu ankyakasa.7Balo nii bamuu n-si manwununuu di suoto nii;boomiɛ dikpile mantɛɛ, mambuɛ alɛ,8"Ofiɛ kpile ntoomufũ nwɔ;ɔlɔbasintaka diidii di lɛbale ate nii.”9Bia siɛwo nii nwaa, nnwɔ letika ni disi,munko nnwɔ nikole munta ni baawo,ntɔɔtaka ayɛ mi di suoto.10O Saate, kafɔɔ afɔ nyɛɛ nyaami;takatɛsa mi, alɛ kata ma koto.11N-ye nlɛ kobuo fɔ anu,diekye lo nii dielenkee mi.12Di ɔsaabla nii di osuku kanya fɛɛkyakaako mini fɛɛyɔ mi feese di anu lɛfɔ dinaa ni kaloo nɛ.13Katansa ninle Saate nwu, Israel batii Yaa lele,diɛyɔ ni di nua diesifi ni dinaa ni kaloo.Diwa kaanya diekple diwa kaanya.The Seed Company