SINU42
Otii Onwii Di Sɛlanle Kamɛ Ɔlaa Ɔpɛ
Kuɔta ni sinutuotɛ. maskil Kuɔta ni Kora Babisuɔtɔbi.
1Fɛ mmle di kafɛ mmiɛ ni seklenyii ntu yi,O Yaa, nkpo di ɔkla nii komiɛ fɔ nɛ.2Yaa otukɔnsɔ nkle ɔkla nii, di Yaa wɔ ninkpe ni nkpa suoto.Ɔmɛmbe kamakyɛ naakyaka ku Yaa?3Nnumɛɛ nii ninle mi alesaakakũ ku kakyɛ,obe wɔ di batii kɔkaalɛ mi dii kufĩ kumu alɛ,"Ɔfɛ di Yaa lɛfɔ nkpe?"4Nnyuma asaa ya mmlense lebuo di suoto nii kamɛ:mmle ninkyɛ ni ku dikudi nwu,nleko ma ni katũ munkyɛ ni Yaa leyo,ku suoto lɛyɔɔ afafa ku sɛfa ɔpɛdi dikudi nwu dii ole kamɛ.5O ɔkla nii, be oso feebuo sɛnyaami nkpo?Be oso fɛɛkpɔkpɔtɔ kaamɛ nii nkpo?Yɔ osuku onyu lɛfɔ fatika di Yaa suoto,diekye kamakple ntansa nwɔ,Dikitɛ nii ku6Yaa nii.Ɔkla nii lebuo sɛnyaami kaamɛ nii;nioso kamanyuma fɔdi Yordan kasɔ nwu,Hermon katakalekɔ nwu- di Misa Kobokote.7Kakyofo di nkyofokɔ nwufanta ntu lɛfɔ ndie ku sɛlɔ di n-yefekɔ;ntu ɔpɛ lɛfɔ ku afuuta amuuntɔɔfɛ eetĩi mi.8Saate nwu ntuo lɛbɔmbɔ nɔɔ ku kakũ,nsa onu nɔɔ ku kakyɛ-ɔlaa ɔpɛ ɔta Yaa wɔ ninle mi ni nkpa.9Nkaalɛ Yaa, Difuɔnkpaa nii nlɛ,"Be oso fatooyee mi?Be oso kakyɛ nkyi ntoowi,lo nwu ntoonyinka mi?"10Akufi nii konu suoto dibuota mmle di bakyiditɛ nii kɔma mi ni,mankaalɛ mi ni dii kufĩ kumu alɛ,"Ɔfɛ di Yaa lɛfɔ nwu nkpe?"11O ɔkla nii, be oso feebuo sɛnyaami nkpo?Be oso fɛɛkpɔkpɔtɔ kaamɛ nii nkpo?Yɔ osuku onyu lɛfɔ fatika di Yaa suoto,diekye kamakple ntansa nwɔ,Dikitɛ nii ku Yaa nii.
The Seed Company