SINU40
Katansa Onu
Dawid onu. Kuɔta ni sinutuotɛ.
1Latɛ suoto lasoko Saate nwu;aakyi aanyu mi, ni aanu kaku nii kafɔɔ nɛ.2Aadiki mi aakyeko dibiɔ kplɔkplɔ kamɛ,aakyeko apatapata ku dibuo kamɛ;aayɔ nkpaa nii aase di difuɔnkpaa suotoaatɛɛ kafɔɔ lɛba nwaa layila.3Aayɔ onu fɔle aakpee di kanya nii,Yaa loo katansa onu.Batii kpinwu kamanya manyɛkɛman-yɔ anu lɛma mantika di Saate nwu suoto.4Suoto siyɔɔ otiiwɔ niɛyɔ Saate nwu ɛɛbla ni anu ditikasaa nɔɔ,anantikanko ni mba nintakatɛsa ni suoto katoo,mamunikĩi mansifi ni balaatɛ afiɔ nfũ.5O Saate, Yaa nii, asaa kpinwuninle n-ya niɛbla ni ɔkpɛ fɛɛbla nii.Asaa ya fɛɛbla fɛɛta wo niikuonwii dilaafuo nya ɔka ɔta fɔ;nse nlɛ kɔkakatɛ ndiki nya mbuɛ kafɔɔ,abasii ɔpɔ kabuɛ nii.6Fammbɔmbɔ oleɔta ku asaaɔta,kafɔɔ feetikiti mi atoko;floomiɛofiɛ asaaɔta ku sikpile asaaɔta.7Ninfɛ labuɛ nlɛ, "Nyɛɛ, ntɔɔwa-bɛɛkpana beekyeko suoto nii di kukũ nwu kamɛ alɛ,8O Yaa nii, komiɛ nlɛ mbla dibiesaa lɛfɔ;kufiofa lɛfɔ nsi di otu nii kamɛ.”9N-yie ɔsaabla tinini lɛkya di kasiisakɔ kplɛ nwu kamɛ;nimmaasa anyasibi nii,O Saate, fɛ mmle faye nii.10Ninwofasa ɔsaabla tinini lɛfɔ di otu nii kamɛ;nkakatɛ di onukwale ku didiki lɛfɔ suoto.Nin-yɔ lɛbɔmbɔ ku onukwale lɛfɔ nkookaakasiisakɔ kplɛ nwu.11O Saate, tansĩ mi nyaami lɛfɔ ɔnya;ta lɛbɔmbɔ lɛfɔ ku onukwale lɛfɔ anyu mi obe lele.12Diekye sɛlaa se ninɔmafuo ni ɔka lɛmana mi siekyi;sikpile nii ntoolenkee mi nnɛɛ, nioso noosinya.Sipɔ silenke disi nii sinwini,otu nii kafɔɔ kɔkpa kaamɛ nii.13O Saate, lekoto diki mi;O Saate, wa wla fabakyakako mi.14Ta bakpee batii ba bamuu nikomiɛ alɛ boolo mi nisinunsɔ, baakpɔkpɔtɔ kafɔɔ;ta mba bamuu nikomiɛ mi ni kawɔɔbakple nkpaamaa ku sinunsɔ.15Ta mba nimbuɛ matɔkɔ mi ni alɛ, "Ɛhɛ̃ɛ! Ɛhɛ̃ɛ!"nnɛɛ difee ma ta sinunsɔ lɛma simu oso.16Kafɔɔ ta mba ninwolaa fɔ ni bamuubanya suoto lɛyɔɔ, baapɔ di kamɛ lɛfɔ;ta mba nimbɔmbɔ ni didiki lɛfɔ babuɛ obe lele alɛ,"Batakatɛsa Saate nwu katoo!"17Kafɔɔ ami diefĩ mi, dipii kafɔɔ nkle mi;ta Saate nwu abu disi di suoto nii.Afɔ ninle kyakaakotɛ nii ku dikitɛ nii;O Yaa nii, tankyɛkyɛlɛ.The Seed Company