SINU148
Kayi Kamuu Lɛlɛɛ Diɛta Ni Yaa Katansa
1Bitansa Saate nwu.Bitansa Saate nwu di osi,bitansa nwɔ di osi fanfa.2Batɔkyɛntɛ nɔɔ bamuu, bitansa nwɔ,osi bakpɛtɛ nɔɔ bamuu, bitansa nwɔ.3Kufĩ ku kɔwɛntɛ, bitansa nwɔ,awɛntrɛbi ya nikɔkpa ni amuu, bitansa nwɔ.4Aye osi katakalekɔ, bitansa nwɔku aye ntu be ninkpe ni di alokonkyɛ osi.5Bita ma batansa Saate nwu leyooto,diekye aadiki kanya ni baabla nya nɛ.6Ɛɛtɛ nya di aba nwu dinaa ni kaloo;aata kufiofa ko ninɔmafe ni diidii.7Bitansa Saate nwu bikyeko kasɔ,aye lekpo kplɛ bakɔkɛɛ ku sekle nkyofokɔ mmuu,8ɔplalaa amunaa ku atubakani ku alokonkyɛ,afɛɛfɔ siene ya ninnu nwɔ ni ɔlaa,9aye abokote ku akpenkpe amuu,awosobi awoso ku basida bamuu,10lepoo kamɛ babɔkɛɛ ku banankyue bamuu,bakɔkɛɛ biibii ku bakansiɛ ba ninflɛlɛtɛ ni11baka di kasɔ suoto ku nnle mmuu,aye banɔɔfotii ku batunletɛ bamuu kaasɔ suoto,12bakosopo ku bakpeele,banɔɔfo ku babisɔ.13Bita ma batansa Saate nwu leyooto;diekye leyooto nɔɔ lete niɛtaka katoo;sɛka nɔɔ ole lɛtaka katoo silenke osi ku kasɔ.14Ɛɛtakatɛsa lɛkya katoo ɛɛta batii nɔɔ,baklekletɛ nɔɔ bamuu katansa,Israel, batii ba ninsi nwɔ ni di otu.Bitansa Saate nwu.The Seed Company