SINU149
Katansa Onu
1Bitansa Saate nwu.Bisa onu fɔle bita Saate nwu,katansa nɔɔ onu di baklekletɛ kasiisakɔ.2Bita Israel anya suoto lɛyɔɔ di Blatɛ lɛma suoto;bita Sion batii bapɔ di Ɔka lɛma suoto.3Bita ma batansa nwɔ leyooto ku katũbaasa sinu batɔɔ ku lɛkasa ku kyitaa.4Diekye Saate nwu nnya suoto lɛyɔɔ di batii nɔɔ suoto;antũkunsa suoto kasɔ bawakosatɛ ku didiki lɛkakoto.5Bita baklekletɛ banya suoto lɛyɔɔ di dibu le mmle kamɛbaasa suoto lɛyɔɔ sinu di atensaa lɛma suoto.6Bita Yaa katansa kasiɛ di nnya lɛma kamɛku kapamii nfũ abe nfũ abe ninnɛɛ lɛma kamɛ,7alɛ ɔɔta nnle nwu letota ankyisaku letoko nanfi di batii suoto,8ankpee baka lɛma ku sɛkpɛnkyɛ,batii finle lɛma kafɔɔ ku abɔɔsaa sɛkpɛnkyɛ,9alɛ baananfi ma kootoko fɛ mmle bɛɛkpana ni di suoto lɛma bɛɛtɛ ni.Nle mmle ninle baklekletɛ bamuu dibu nɛ.Bitansa Saate nwu.The Seed Company