SINU147
Yaa Wɔ Ninlenke Ni Katansa
1Bitansa Saate nwu.Nyu mmle dilɛ ni alɛ baasa ni katansa sinu manta ni Yaa loo,mmle dikpeni ɔmɛnɛfɛ, diesiɛko ni kafɔɔ alɛ baatansa nwɔ ni!2Saate nwu kose Yerusalem letofo;ansiisa Israel batii ba ninsi ni di sɛlanle kamɛ.3Anyɔɔsa mba situ niɛkpá niannii kafɔɔ nkɔ lɛma.4Nnwɔɔ nin-ye awɛntrɛbi nwu lɛpɔanlɛɛ kafɔɔ dibiala ku leyooto nini.5Saate loo nwu lɛmuɔ, osie nɔɔ kafɔɔ nkpe onutũ;lɛsɔnu nɔɔ nnaa kase.6Saate nwu mmufũ suoto kasɔ bawakosatɛ anklee,kafɔɔ anfuki bakpiletɛ antɛ kaasɔ.7Bisa sɛfa ɔpɛ sinu bita Saate nwu;bifɛ sanku bita Yaa loo.8Antĩi kolo ku alokonkyɛ;anta kanto nnɔɔ kaasɔ,anta kafɔɔ sɛfa n-yie di akpenkpe suoto.9Anta banankyueku bakwakwalobi abi alesaa nse bɛɛlɛɛ nwɔ.10Suoto lɛyɔɔ nɔɔ diesi di bapɔnkɔ osie kamɛ,ee atika otii nkpaa osie disi;11Saate nwu nnya suoto lɛyɔɔ di mba nin-yɛkɛ nwu ni suoto,man-yɔ osuku onyu lɛma mantika ni di lɛbɔmbɔ nɔɔ le ninaa ni kaloo suoto.12O Yerusalem tansa Saate nwu;O Sion, tansa Yaa lɛfɔ,13diekye ansiensa n-yoko lɛfɔ abɔsaa sewosoanwii kafɔɔ batii lɛfɔ lɛyɔɔ kaamɛ lɛfɔ.14Anta atoko ɔkyɛ ole di amɛ lɛfɔ suotoanta fɔ fammiɛ ku alesaa biene biene.15Eekyesee kufiofa nɔɔ kaasɔ suoto;ɔlaa nɔɔ kafɔɔ kotoso ku nkye.16Amblɛfɛsa atubakani fɛle foso sinwinianwiwii kafɔɔ oblokyi fɛle ntɔ̀.17Anta atubakani nkpakpaa kaasɔ fɛle ofuɔwɛkyɛ.Owe nikafuo oyila di lɛnyɛnɛnɛ nɔɔ nwu kanya?18Ankyesee ɔlaa nɔɔ kumanyinakĩisa nya;anta afɛɛfɔ nɔɔ nfɛ, ni di ntu mbiɛ ninfe nɛ.19Atoodiki sɛlaa nɔɔ kamɛ ɛɛta Yakob,afiofa nɔɔ ku ablasaa nɔɔ kafɔɔ ɛɛta Israel.20Atabla nle mmle aata kale bamba kukanwii;baaye afiofa nɔɔ nwu.Bitansa Saate nwu.The Seed Company