SINU144
Ɔka Onwii Lapɛ Yaa Sɛfa Di Lelenkee Suoto
Dawid onu.
1Baatansa Saate nwu, Difuɔnkpaa nii,nnwɔ nintuo ni nnɛɛ nii kakpɛ ɔkpɛ,annɛɛbi nii diɛta ni kakpɛ.2Ale Yaa nii bɔmbɔtɛ ku kɔba nii,kamaa kakpɛkɔ nii ku dikitɛ nii,kubidifunsaa nii, nnwɔ nintaniko ni,nnwɔ ninwakosa ni batii kasɔ ankpee ni kaalɔ nii.3O Saate, be di otii nle fiɛ fɛɛyɔ nwu ole di suoto nɔɔ,otii obi nwu alɛ foobu nwɔ disi nkpo?4Otii nte fɛle owiidi;ayi nɔɔ nte fɛle kunyii nimbudi kunfe ni.5O Saate, sɛkɛtɛ osi lɛfɔ nwu, faawa kasɔ;kpanko abokote nwu alɛ kɔyɔ kadie.6Kyesee ɔplalaa amunaa aabasamiisa balo nwu;taa ataa lɛfɔ faakpɔkpɔtɔsa ma.7Kyɔɔ kɔnɛɛ lɛfɔ kuokye osi kuwa kasɔ;diki mi faafũ mifakyeko ntu kplɛ nwu,fakyeko bafɔɔ nnɛɛ8mba nnya nieyii ni pɔ ku sɛlaa ku afunu,mba nletanɛɛ ninle ni kakyɔnkyɔ.9O Yaa, kamasa onu fɔle nta fɔ;kamapɛ sinu ku ekũ lefosi kyitaa nta fɔ,10nta Nnwɔ ninta ni baka lelenkee,nnwɔ nindiki ni kpɛmblatɛ nɔɔ Dawid ankyeko ni kapamii blɛblɛ kanya.11Diki mi faafũ mifakyeko bafɔɔ nnɛɛmba nnya nieyii ni pɔ ku sɛlaa ku afunu,mba nletanɛɛ ninle ni kakyɔnkyɔ.12Ni babisuɔtɔbi loo di sekosopo lɛma kamɛkamate fɛle awoso ya niebe ni nwaa,babisankobi loo kafɔɔ kamate fɛle akpakaya beewola bɛɛta ni ɔka ayo otofo.13Siwu loo kamayiiku alesaa biala ateate.Bafoso loo kamakpɛ di nkpe, nkpe kanya,di nkpe afosi, afosi kanya di afe loo;14banankyue loo malofo kpinwu.Difutudie dilɔbawɛ,blɔbasifi sɛlanle kamɛ,nimiina kaku dilɔbawɛ di akpaka loo.15Suoto siyɔɔ batii ba suoto di nle mmle kamawa ni;suoto siyɔɔ batii ba Yaa ninle ni Saate nwu.The Seed Company