SINU145
Katansa Onu
Dawid onu.
1Yaa, Ɔka nii nwu, kamatakatɛsa fɔ katoo;kamatansa leyooto lɛfɔ dinaa ni kaloo.2Dii biala mapɛ fɔ sɛfantansa kafɔɔ leyooto lɛfɔ dinaa ni kaloo.3Saate nwu lemuɔ, ɛɛtɛ eesiɛko katansa kafɔɔ;kuonwii dilaafuo nimuɔ nɔɔ kasɔ onu.4Kɔna kunwii mabuɛ sɛkpɛ lɛfɔ nwu antɔkɔ kɔna bamba;babadiki sɛsaabla kplɛ lɛfɔ nwu mambuɛ.5Babakakatɛ di dibu ku sɛka lɛfɔ sɛlɛ suoto,mabu disi kafɔɔ di sɛkpɛ lɛfɔ se niɛbla ni ɔkpɛ suoto.6Bababuɛ kafɔɔ osie lɛfɔ sɛkpɛ yɛkɛle nwu,kamayie lɛkya kafɔɔ di sɛsaabla kplɛ lɛfɔ suoto.7Babapɔ̀ di dibiene kpinwu lɛfɔ nwu suotoman-yɔ suoto lɛyɔɔ kafɔɔ mansa sinu di ɔsaabla tinini lɛfɔ nwu suoto.8Saate nwu nle sibualɛ, anya nyaami kafɔɔ,ɔblɔ nɔɔ nte buɛɛ, lɛbɔmbɔ nɔɔ kafɔɔ mpɔ.9Saate nwu nlɛ ata bamuu;annya asaa ya amuu ɛɛbla ni nyaami.10O Saate, asaa ya amuu fɛɛbla ni kamatansa fɔ;baklekletɛ lɛfɔ bamuu matansa fɔ.11Bababuɛ sɛka kalekɔ lɛfɔ nwu dibumankakatɛ kafɔɔ di osie lɛfɔ suoto,12alɛ batii bamuu katofo sɛsaabla kplɛ lɛfɔ nwuku dibu akasaa di sɛka kalekɔ lɛfɔ nwu.13Sɛka kalekɔ lɛfɔ nle sɛka kalekɔ ka ninaa ni kaloo,sɛka ole lɛfɔ kafɔɔ nte diefe ni di ana amuu suoto.14Saate nwu mmufũ mba bamuu ninnɔɔ niantakatɛsa mba bamuu bɛɛwakosa ni kasɔ.15Bamuu anu ntika di suoto lɛfɔ,fanta ma alesaa lɛma kafɔɔ di obe nwaa kamɛ.16Fanfukuti kɔnɛɛ lɛfɔfanta asaa ya ninkpe ni nkpa biala mmiɛ di abiesaa lɛma kanya.17Saate nwu nte tinini di sisuku nɔɔ simuu suotoakpe lɛbɔmbɔ kafɔɔ ɛɛta asaa ya amuu ɛɛbla ni.18Saate nwu lɛtɛɛtɛɛ mba bamuu ninlɛɛ nwɔ nii,ku mba bamuu ninlɛɛ nwɔ ni di onukwale kamɛ.19Ambla mba nin-yɛkɛ nwɔ ni abiesaa anta ma di ntam nɔɔ kanya;annu kaku lɛma andiki ma.20Saate nwu nnyu mba bamuu nimbɔmbɔ nwɔ nii,kafɔɔ abawɔɔsa bakpiletɛ bamuu.21Kanya nii makakatɛ di Saate nwu katansa suoto.Ta lɛsaa biala ɛɛbla ni atansa leyooto klekle nɔɔdinaa ni kaloo.The Seed Company