SINU143
Ɔlaa Ɔpɛ Diɛta Ni Lɛkyakaako
Dawid onu.
1O Saate, nu ɔlaa ɔpɛ nii,kyɔɔ atoko di kaku nii owi diɛta ni lɛkyakaako;di onukwale ku ɔsaabla tinini lɛfɔ kamɛwa faabadiki mi.2Tankpaa kpɛmblatɛ lɛfɔ kakankɔ,diekye kuonwii nnaa asi ni nkpa ate ni tinini di anu lɛfɔ.3Lo nwu ntikanko mi,ambibiɛ mi antɛ kaasɔ;antɛɛ nsiɛ di ditunu kamɛfɛle mba nintookpi ni kofokofoko.4Nioso ɔnyɛɛ nloo mi kaamɛ nii;otu nii kaamɛ nii kɔyɛkɛ.5Ntoonyuma saa ayi nwu;mbu disi di sɛkpɛ lɛfɔ simuu suotonnyu kafɔɔ nle di nnɛɛ lɛfɔ lɛbla nii.6Nfukuti nnɛɛ nii nkyɔɔ fɔ;otukɔnsɔ nkle ɔkla nii fɛle kasɔ kosole. Yila kɛɛkɛ7O Saate, tuna fatɛɛ wla;ɔnyɛɛ koloo mi.Tanwofasa anu lɛfɔ di suoto niise diele nkpo kamate fɛle mba ninsifi ni dibiɔ kamɛ.8Tɛɛ nnu lɛbɔmbɔ lɛfɔ le ninaa ni kaloo ɔlaa ku olesɛ,diekye afɔ letika disi nii.9O Saate, diki mi fakyeko balo nii nnɛɛ,diekye lewofasa suoto nii di kamɛ lɛfɔ.10Tuo mi nimbla dibiesaa lɛfɔ,diekye afɔ ninle Yaa nii;ta Ninwuna biene lɛfɔ nwuakpaa mi di ɔtaata kasɔ suoto.11O Saate, ta leyooto lɛfɔ oso, lolaa nkpa nii disi fanyu;di ɔsaabla tinini lɛfɔ kanya, diki mi di dibuo kamɛ.12Di lɛbɔmbɔ lɛfɔ le ninaa ni kaloo kamɛ, maasa balo nii kanya;wɔɔsa bakyiditɛ nii bamuu,diekye kpɛmblatɛ lɛfɔ nle.The Seed Company