SINU140
Ɔlaa Ɔpɛ Diɛta Ni Katĩtĩi
Dawid onu. Kuɔta ni sinutuotɛ.
1O Saate, diki mi fakyeko batii kpile nnɛɛ;fũ mi di amumu batii nnɛɛ;2mambu ni asi kpile di situ lɛma kamɛmanwako ni kakpɛ kafɔɔ dii biala.3Bɛɛbla sɛkplalomii lɛma blɛblɛ fɛ kɔsanwu ole,kɔwɛɛfɛɛko adii ntika di anyasibi lɛma. Yila kɛɛkɛ4O Saate, fũ mi fakyeko bakpiletɛ nnɛɛ;diki mi fakyeko amumu bablatɛ nnɛɛbookũ ni kanwumbe alɛ bɔɔkyɔɔ ni nkpaa nii okũ.5Batii ba ninkanta ni lɛkyɔɔ mi dikyĩ di lewofa kamɛ;beefukuti asawu lɛma sikũbɛɛkyɔɔ mi dikyĩ kafɔɔ di nkpaa nii osuku. Yila kɛɛkɛ6O Saate, kobuɛ ntɔkɔ fɔ nlɛ, "Yaa nii fale.”O Saate, nu kaku nii diɛta ni nyaami ɔnya.7O Saate Kplɛ, dikitɛ nii siene,afɔ wɔ nintĩi ni disi nii di kakpɛ dii suoto-8O Saate, tanta bakpiletɛ abiɛsaa lɛma lawa kaanyatanta asibu lɛma labla ɔkpɛ,se diele nkpo babakanta. Yila kɛɛkɛ9Ta mba niɛmana mi beekyi ni asiatuka dibuo le di anyasibi lɛma lɛta ɛɛwa ni.10Ta atɔkɔnii akpa atika ma di suoto;ta bafuki ma bakpee di ɔtɔ kamɛ,di apatapata dibiɔ kamɛ manamasintaka ni diidii.11Tanta asaa balalaasatɛ lasiɛ di kasɔ nwu suoto;ta ɔlaa kutũ batii ba nimbla ni amumu.12N-ye nlɛ Saate nwu nta bapiitɛ lɛbɛammufũ mba diefĩ ni kafɔɔ anklee.13Nwaako batininitɛ kamatansa leyooto lɛfɔmba situ niɛkpa ni kafɔɔ kamasiɛ nkpa di anu lɛfɔ.The Seed Company