SINU139
Yaa Lɛsaatofo Niewo Ni Nimu Ku Kanyu
Dawid onu. Kuɔta ni sinutuotɛ.
1O Saate, fatoowolaa mi kamɛfeetofo mi kafɔɔ.2Faye obe wɔ ninsiɛ ni, ku obe wɔ nintaka nii;faye disibu nii di kakyonkɔ.3Fantofo odiebee nii ku otembee nii;faye sisuku nii simuu.4Fiɛ di ɔlaa kamatika ni di ɔkplalomii nii suoto yi,O Saate, faye nwu omuu.5Fɛɛmana mi feekyi- sitũ ku sɛmaa;feetika kɔnɛɛ lɛfɔ di suoto nii.6Lɛsaatofo le mmle lɛtɛ diɛbla mi ɔkpɛ,diɛtɛ diɛtaka katoo dilenke lɛsɔnu nii.7Ɔfɛ kakyɛ nfe di Ninwuna lɛfɔ katũ?Ɔfɛ katoso nfe di anu lɛfɔ?8Nse lɛkata lesifi osi, fakpe ninfa;nse lɛtɛ atensaa nii di nkyofokɔ, fakpe ninfa.9Nse lɛtaka lɛflɛlɛtɛ ku kolesɛtũ afoko,nse lesiɛ di lekpo ɔlɔɔkɔ fanfa,10bia nfa kɔnɛɛ lɛfɔ kamatuo mi osuku,koletanɛɛ lɛfɔ kamamufũ mi kpinkpĩ.11Nse lebuɛ nlɛ, "Nwaako ditunu kamawofasa midi lɛkpa kafɔɔ lekple kakyɛ diɛmana mi diekyi,”12bia ditunu dilɔbawɔfɔ dita fɔ;kakyɛ kamakpa fɛle kakũ,diekye ditunu nte fɛ lɛkpa diɛta fɔ.13Diekye afɔ niabla suoto nii kamɛ asaa;afɔ nialoso mi faasiisa di yaami olofofɔtɔ kamɛ.14Kɔtansa fɔ diekye fɛɛbla mi di lɛyɛkɛ le niɛbla ni ɔkpɛ kamɛ;sɛkpɛ lɛfɔ lɛbla ɔkpɛ,n-ye nya amuu nwaa.15Akufi nii ditale fɔ lewofasaadi obe wɔ baabla mi ni di kawofakɔ.Obe wɔ baaloso mi baakyasa ni di kasɔ nwu kakyofokɔ,16anu lɛfɔ lanya suoto nii se manadibla nii.Ayi amuu fɛɛtɛɛ niifaakpana nya faakpee di kukũ lɛfɔ kamɛdi obe wɔ di kuonwii lɛma ditawɛ nii.17O Yaa, mmle di disibu lɛfɔ lefũ mi ni kɔya!Mmle di lɛpɔ lɛma nte ni!18Nse alɛ nka ma,babalenkee ɔtɛnsia.Nse lɛsɛnkɛ,ɔkyɛ lɛfɔ lekple nkpe.19O Yaa, nse fabalo bakpiletɛ nwu!Bikpukuti di ɔlɔɔkɔ nii, aye batii ba nin-wii ni ntɔ!20Mankakatɛ di suoto lɛfɔ ku asibu kpile;bakyiditɛ lɛfɔ kɔlalaasa leyooto lɛfɔ.21O Saate, ninkyidi mba niekyidi fɔ ni,nkyidi mba kafɔɔ niɛtaka bayɛ fɔ ni di suoto?22Okyidi dikpeni lekyidi ma;nnya ma fɛ balo nii.23O Yaa, wolaa mi kamɛ, faatofo otu nii;sɔ mi fanyu, faatofo disibu nii.24Nyu nse osuku kpile owo nsi mi kaamɛ,faaleko mi katũ di osuku wɔ ninaa ni kaloo suoto.The Seed Company