SINU141
Kɔtɔɔfɔ Ɔlaa Ɔpɛ
Dawid onu.
1O Saate, kɔlɛɛ fɔ; pɛsɛwa fawa ɔkyɛ nii.Nu mi sɛlɔ nse lɛlɛɛ fɔ.2Ta ɔlaa ɔpɛ nii kute di anu lɛfɔ fɛle olufui;ta nnɛɛ nii katoo ɔtakatɛsa dite fɛle kɔtɔɔfɔ oleɔta.3O Saate, sè nyuntɛ fata kanya nii,toonyu anyasibi nii kayoko.4Tanta otu nii labuo di nle ninle ni okpile kamɛ,alɛ kasiɛ di sikpile sɛsaabla kamɛku batii ba ninle ni sikpilebablatɛ;tantɛɛ lale alesaa mɛnɛmɛnɛ lɛma.5Ta tininitɛ apɛ mi- sifutulɛ sile;tɔɔ asĩ ɔlaa atɛɛ- nnɔnyi dile di disi nii.Disi nii dilɔbasĩ mi.Kafɔɔ obe lele mpɛ ɔlaa nyila di sikpile bablatɛ sɛsaabla suoto;6babakpakatɛ batunletɛ lɛma di nkyokyookɔ nwu,ni di bakpiletɛ kafɔɔ kamatofo alɛ baaloolaa Saate nwu sɛlaa baabuɛ nɛ.7Bababuɛ alɛ, "Fɛ mmle di otii nsasafɔ kasɔ ampukupukusa ni yi,nkpo batɔɔsamiisa akufi loo di ɔkya kotoko nɛ.”8O Saate Kplɛ, kafɔɔ anu nii ntika di suoto lɛfɔ;afɔ lɛtaniko-tan-yɔ mi faata kukpi.9Blasa mi di akyĩ ya bɛɛkyɔɔ mi ni,di sikũ se di sikpilebablatɛ lɛtɛ ni.10Ta bakpiletɛ babuo di asawu lɛma amu kamɛ,alɛ ami kafe ninfa di ole kuonwii nnaa nii.The Seed Company