SINU138
Sɛfa Ɔpɛ Ɔlaa Ɔpɛ
Dawid onu.
1O Saate, kamatansa fɔ ku otu nii omuu;kamasa katansa sinu di "afiɔ" anu.2Kamawakasɔ nkyɔɔ anu olekatakɔ klekle lɛfɔkamatansa leyooto lɛfɔta lɛbɔmbɔ lɛfɔ ku onukwale lɛfɔ oso,diekye fatɔɔtaka katoo falenke asaa amuuleyooto lɛfɔ ku ɔlaa lɛfɔ nwu.3Obe wɔ lalɛɛ fɔ nii, faatuna faatɛɛ;faatɛɛ sɛkambi ku otu okpee.4O Saate, ta baka bamuu kaasɔ suoto batansa fɔ,nse beenu kanya lɛfɔ sɛlaa.5Ta basa sinu di Saate nwu sisuku suoto,diekye Saate nwu dibu lemuɔ.6Nu di Saate nwu ntika di osi yi, oonyu suoto kasɔ bawokosatɛ,kafɔɔ suoto katoo batakatɛsatɛ mma aye ma fanfa.7Nu ninkyɛ di dibuo kamɛ yi,foonyu mi nkpa disi;fɛɛnanfi kɔnɛɛ lɛfɔ fɛɛkyɔɔ di bakyiditɛ nii ɔblɔ suoto,feefũ mi ku koletanɛɛ lɛfɔ.8Saate nwu mabla di nle ɛɛtɛ alɛ ababla antɛɛ ni suoto;O Saate, lɛbɔmbɔ lɛfɔ nkpe dinaa ni kaloo-tandiɛ kɔnɛɛ lɛfɔ sɛkpɛ faatɛ.The Seed Company