YOB31
1“Lɛbla kanya ninii ku anu nii nlɛnamanyu ɔsankobi di, ɔkɔnsɔ oklee kanya.2Diekye obe ninle otii kalekɔ di Yaa nfũ kaatoo,obe ninle atesaa di Nnwɔ Ninlenke ni nfũ di osi?3Diele kawɔɔ kale kata otii kpile,ɔlaa kpile kule kuta mba ninanlolaa baabla ni?4Yaa dilɔɔnya sisuku nii,aka kafɔɔ nnafukpaa nii biala?5“Nse lakyɛ di sɛlaa ku afunu kanya,ee nkpaa nii lapɛsɛwa di kakyɔnkyɔ kamaa-6ni bita Yaa akadi mi di lɛklaposaa nwaa suoto,ni nnwɔɔ abatofo alɛ ole kuonwii nnaa di suoto nii-7nse nnafukpaa nii lamunikĩi di nkpaa osuku nii,nse anu nii laleko otu nii katũ,ee nse baata nnɛɛ nii lakpɔnɔfɔ yi,8ni batii bamba bale lɛsaa le lapɛ ni,baasisifi kafɔɔ alesaa ya lakpee ni bawii.9“Nse ɔsanko lakyɔnkyɔ otu nii,ee nse lakaa di lewofa kamɛ di owo nii kokloo suoto yi,10ni ɔsɔfɔ nii akuɔ osuɔtɔ bamba atitabi,di basuɔtɔ bamba batenko nwɔ.11Nsè nninkpo ntabale sinunsɔokpile wɔ baakanko nii.12Ɔtɔ wɔ ninfiɛ Kunwɔɔsa ni kule;kutabasisifi alesaa nii kun-wii.13“Nse lasĩ kɔkpaa biene odiki ɔta kpɛmblatɛ-suɔtɔ ku kpɛmblatɛ-sanko niidi obe wɔ baayɔ ni ɔlaa di suoto nii yi,14obe nfɛ kamabla nse Yaa ledieko mi?Obe kamabuɛ, nse ɛɛlɛɛ alɛ madiki kanya?15Diele nnwɔ niabla mi ni di olofofɔtɔ kamɛ niabla ma?Diele otii nwu onwii nieloso banyɔ loo di baya loo nfutu kamɛ?16“Nse lasĩ bapiitɛ abiesaa lɛma ɔta,ee lata nnɛɛ lafee kpisɔfɔ,17nse layɔ alesaa nii latɛ lata lete nii,ntasɛ nya ku bakuɛbi-18kafɔɔ diayɔ ni di sibisɔ nii laklee nwɔ ni fɛ mmle di kote mbla nii,diayɔ ni kafɔɔ di kalofokɔ nii lanyu ni kpisɔfɔ-19nse lanya otii owo kokpi ta anaa ni akleesaa oso,ee piitɛ wɔ ninaa ni dibula,20di otu nɔɔ diɛtɛɛ lɛtɔtrɔta latɔɔ diafila nwɔ ni ku bafoso nii sinwini dibula oso,21nse latakatɛ kɔnɛɛ nii di kuɛbi suoton-ye nlɛ lakpee kadu di kakankɔ yi,22ni ta kɔnɛɛ nii kukpa di nimuusi,faata kũ kufee di nkyakɔ.23Diekye kɔyɛkɛ letoko nanfi le niekye ni Yaa nfũ,ku sɛka nɔɔ ole difu nwu oso yi, naafuo asaa nwu nkpo ɔbla.24“Nse ntika disi nii di koto sɛɛle suotoee ntɔkɔ koto sɛɛle nwaa nlɛ, ‘Afɔ ninle mi anu ditikasaa,’25nse lanya suoto lɛyɔɔ di lɛsaawɛ kplɛ nii suoto,nnɛɛ nii asaa ya lawɛ nii,26nse nnyu kufĩ di lɛkpa ninkũ kamɛee di kɔwɛntɛ lɛkyɛmbi di sɛlɛ kanya,27alɛ diakyɔnkɔ otu nii di lewofa kamɛalɛ nnɛɛ nii laminiko nya aata nya dibu yi,28ni n-ya mmle kafɔɔ kamale sikpile se baakanko nii,diekye ntabale onukwale nta Yaa di osi.29“Nse lanya suoto lɛyɔɔ mi di lo nii suoto di disi ditalɛ nwɔ ni suotoee lapɔ di obe wɔ di ɔlaa latũ nwɔ nii-30nta ta kanya nii labla okpilealɛ kakpaani nkpa nɔɔ-31nse leyo nii batii diibuɛ diidii alɛ,‘Owe ninadiwee Yob sina nwu amiɛ?’-32kafɔɔ ɔfɔɔ kuonwii diite di lɛkpaka ku kakyɛ,diekye lasɛkɛtɛ kayoko nii latɛ osuku-kyɛntɛ obe lele-33nse latĩi sikpile nii fɛ mmle di batii mbla nii,alɛ lakookaa okpile owo di otu nii kamɛ34diekye difu lapɛ mi osie kanya di batii dikudi nwu anunioso layɛkɛ kafɔɔ nfaabi nwu atufa,diata alɛ lalokanana ntadie kayi.35(“Oo, nse alɛ nwɛ otii owo anu ɔlaa nii!Ntɔɔyɔ ɔlaa lɛtɛ- bita Nnwɔ Ninlenke ni adiki ɔlaa nii kanya;bita otii wɔ niebudi mi ni kanya akpana ɔlaa nɔɔ awako.36Nwaako kamayɔ nwu nsaka di nimuusi nii,kamatũkũ nwu fɛle lɛkakoto.37Ntabadiki kɔkpaa nii didiki biala kamɛ ntɔɔ;ninkyɛ ɔkyɛ nɔɔ fɛle ɔnɔɔfotii.)-38“Nse kasɔ nii lewi keeyila di suoto nii,di sekplo ninka simuu lebuu ku nnumɛɛ,39nse lale kasɔ nwu alesaa nitata kotoee lata mba nikɔkpɛ ni kasɔ nwu kooto kanya, ɔnnyɛɛ laloo ma yi,40ni ta siwuu siyie di kamɔɔ disi,di sɛfa siyie di akpaa disi.”Yob sɛlaa ntooloo.
The Seed Company