YOB32
Elihu Lɛkakatɛ
1Nioso batii batiɛ ba mmle ladiɛ Yob sɛlaa kanya odiki, diekye aate tinini di anu nɔɔ amu.2Kafɔɔ Barakel obisuɔtɔbi Elihu, Busi otii nwu niakye ni Ram leyo kamɛ lanya ɔblɔ osie kanya di Yob suoto ta aabla ni suoto nɔɔ otii tinini aalenkee ni Yaa oso.3Aanya ɔblɔ kafɔɔ di basiɛwo batiɛ nɔɔ nwu suoto. Diekye batawɛ osuku kuonwii baafe badiki ni ɔlaa kanya bata Yob, kafɔɔ baalo nwɔ lɛpɔɔ.4Elihu lasoko fiɛ aakakatɛ aata Yob, diekye baale nwɔ ɔnɔɔfo.5Kafɔɔ obe wɔ di Elihu lanya alɛ basiɛwo batiɛ nwu nsinnaa ɔlaa kuonwii bababuɛ nii yi, ni di ɔblɔ nɔɔ lataka nɛ.6Nioso Barakel obisuɔtɔbi Elihu, Busi otii nwu labuɛ alɛ:“Ami obisɔ nle di alɛɛ kamɛ,kafɔɔ aye bitoobe:nkpo oso layɛkɛ,nintatɔkɔ ye lɛsaa le n-ye ni nɛ.7Labuɛ latɔkɔ suoto nlɛ, ‘Banɔɔfo bakakatɛ;mba nintɔɔkpa ni anu batuo ninumbe.’8Kafɔɔ ninwuna le ninsi ni di otii kamɛ,Nnwɔ Ninlenke ni owiidi nintɔɔ lɛsɔnu.9Diele banɔɔfo lete niebe anu,diele mba nitɔɔkpa ni anu lete ninnu nle ninlɛ ni kasɔ.10“Nkpo oso kobuɛ nlɛ: Bikyɔɔ mi atoko nɛ;ami kafɔɔ kamatɔkɔ ye nle n-ye nii.11Lasoko di obe wɔ biakakatɛ nii,lanu asibu lee;di obe wɔ biatoomiɛ ni sɛlaa,12latɛ lakyɔɔ ye atoko nwaa.Kafɔɔ kuonwii lee ditalo Yob lɛpɔɔ;kuonwii lee ditadiki sɛlaa nɔɔ kanya.13Bitambuɛ bilɛ, ‘Butɔɔwɛ ninumbe;bita Yaa adiki nwɔ kanya, diele otii.’14Kafɔɔ Yob diɛyɔ sɛlaa nɔɔ di suoto nii,namadiki kanya ntɔɔ kafɔɔ ku lɛkakatɛ lee.15“Nnɛɛ ntoofee ma, basinnaa ɔlaa kunowii baabuɛ nii;sɛlaa ntooloo ma.16Ni dikaatɛ alɛ lesoko ma, nunua batɔɔmaasa ni kanya,nunua bayɛ ni ninfa monoosindiki ni kanya?17Ami kafɔɔ kamawɛ obuɛle nii;ami kafɔɔ kamabuɛ nnwɔ n-ye nii.18Diekye sɛlaa leyii mi kamɛ,ninwuna le di kamɛ nii kafɔɔ konyinka mi;19di kamɛ nii, nte fɛle nta beekpete di lebo,fɛle nta dikuuku fɔle nfɛ nimabiɛ nii.20Dikpe ni lɛkakatɛ lɛwɛ onwu lenwuna;dikpeni lɛbɛ anyasibi nii lediki kanya kafɔɔ.21Namanyu kuonwii di anu,ee n-yɔ ɔnyamɛnɛfɛ nta otii kuonwii;22diekye nse fɛ oye n-ye ɔnyamɛnɛfɛ kamɛ yi,nse Blatɛ nii ntabakpaa mi kanunua ansifiko.The Seed Company