YOB30
1“Kafɔɔ bamantɛ nii kɔma mi,batii ba nle sɛnɔɔfomba bate ninamatunanlɛ bate ni ku baweewee ba ninyu ni bafoso nii.2Lɛmɛnsaa nwaa lawɛ lakyeko nnɛɛ lɛma osie nwu,di ɔnyɛɛ lɛma laloo ni?3Dipii ku kɔka osobaakyɛ baakyi kasɔ kosole nwudi ɔfaafuu kasɔ ka ninte ni kafukuti ku kakyɛ.4Mansiisa afatasi di lepoo kamɛni di alɛsaa lɛma niale olomblo sidu nɛ.5Baatososa ma di batii-wo lɛma kamɛku kudu fɛle bayu baale.6Baanyinka ma baasiɛ di kakleenyii atokodi afuɔnkpaa kamɛ ku atuɛ kaasɔ.7Manfaa fɛle bɔkɛɛ wɔ nintuka ni atoo di lepoo kamɛ,mankakaa baawo di siwuu dibuu kalɔ.8Batii ba ninaa ni dibu, banaa ni basaate babi,beetososa ni di kasɔ nwu suoto.9“Nunua babi lɛma kɔma mi ku sinu di suoto nii;ntookple owoso di kamɛ lɛma.10Kɔkpɛ ma oyududu, bɛɛblasa suoto lɛma;mandiɛ sita otufa okpete di anu nii.11Nunua di Yaa ntoobudi ni kɔtaa nii sikũ, eetika ni nkɔ di suoto nii oso yi,nfɛ bootuo suoto mankpee mi.12Batokopĩtɛ nwu ndieko mi di oletanɛɛkyɛ nii;mankyɔɔ sikũ alɛ simufũ nkpaa nii,bɛɛtɛ kala di suoto nii.13Bɛɛsɛɛ mi osuku;beefuo mi ɔwɔɔsa-di kuonwii diɛkyakaako ma nii.14Bɛɛwɛ lɛba beebuo beefe;ni beebuo mi di suoto bɛɛnwɔtɔ nɛ.15Lɛyɛkɛ lapɛ mi;dibu nii lasifi fɛ kɔfɛɛfɔ,atoko ɔkyɛ ole nii kafɔɔ layɛ fɛle lelokonkyɛ.16“Kanunua nkpa nii nfɛ kofe;dibuo ayi ntoomufũ mi.17Kakyɛ nnunuusɛɛ akufi;dibuo nii kafɔɔ nintɛ ɔnyɛɛ diidii.18Yaa nte fɛle dibula antɛɛ di osie kplɛ nɔɔ kamɛ;amiinasa mi fɛle akpeele nii simu.19Yaa nfuki mi ankpee di apatampata kamɛ,antɛɛ mbla kudù ku ntɔ̀.20“Oo Yaa, nfaa nlɛɛ fɔ, kafɔɔ fantuna faatɛɛ;ntaka n-yila, kafɔɔ fankpee mi kanya.21Famunikĩi di suoto nii amumu kanya;ku kɔnɛɛ lɛfɔ osie fadieko mi.22Fantakatɛsa mi katoo, fananfi mi fanse di kɔfɛɛfɔ anu;fanwanwanyisa mi di afɛɛfɔ kamɛ.23N-ye nlɛ fabawakosa mi kasɔ fanta kukpi,di lɛba le fɛɛbla fɛɛta ni nkpa basiɛtɛ bamuu.24“Nwaako kuonwii nintika kɔnɛɛ di nnwɔ ninkokpi suoto,nse oowi ammiɛ lɛkyakaako di nimiina nɔɔ kamɛ.25Ntawi lata mba nikonu ni dibuo?Ɔkla nii diiwi sɛnyaami ata bapiitɛ?26Kafɔɔ nse konyu dibiene osuku, dikpile nin-wa;nse komiɛ lɛkpa, ninfɛ di ditunu n-wa nɛ.27Kafutu nindiɛ ɔbɔkaa di kamɛ nii;dibuo ayi ntootũ mi.28Nkyɛ kokyi ditunu kamɛ, kafɔɔ diele kufĩ niɛbla;lɛtaka leyila di batii dikudi kamɛ lewi lɛkaalɛ lɛkyakaako.29Ntookple lepoo kamɛ baweewee obilɛma-suɔtɔbi,asukusuku oklopo.30Suoto nii kukũ ntɔɔwɔfɔ, kuofifiɛ apoo;suoto nii lefila ku kɔbɔ̀.31Sanku nii ntookple kaku,kakyukyoe nii kafɔɔ di owi sɛlɔ kanya.
The Seed Company