YOB28
Yaa Katansa Di Ninumbe Suoto
1“Dibiɔ nkpe mankutu ni koto fututu,lɛba le kafɔɔ mannyinakĩisa ni koto sɛɛle nkpe.2Kasɔ kamɛ mandiki abɔsaa,akpetefuɔ kafɔɔ mannyinakĩisa kupa mankyeko.3Otii nta ditunu nsé;anwolaa anaadu nkyofokɔ fanfaanaamiɛ akpetefuɔ di ditunu tunutunu kamɛ.4Mankutu abiɔ kyofole fanfa di batii nsiɛkɔ,di aba ya di otii kɔkpaa ntooyee nii;ankpukuti di batii suoto fanfa anaatɔɔsaka poe.5Kasɔ ka suoto di alesaa nkye nii,beemunikĩisa ka kaalɔ bɛɛbla fɛ ɔtɔ;6mankutu difuɔnkpaa mandiki lɛsaa le manlɛɛ ni safir,ku kudù nimi be di koto sɛɛle mpu nsi ni kaamɛ.7Kansiɛ wɔ ninkyɔkyɔfɛ ni sina, kuonwii dieye osuku wofale nwu,kɔɔlɛ kukanwii ninu diinya nwu.8Babɔkɛɛ ba ninkpe ni kobe yakayaka kuonwii diise kɔkpaa di kasɔ nwu,kyata kuonwii kafɔɔ niinaayu ninfa.9Otii n-yɔ kɔnɛɛ ambibiɛ difuɔ siene nwuandiki kafɔɔ abokote nkpaa antɛ kaayi.10Andiki nfenkɔ di afuɔ nwu kamɛ;anu nɔɔ kafɔɔ nnya asaa ninya ya niefũ ni kɔya amuu.11Ankpɛnkpɛ sekle ntaakɔandiki awofasaa antɛ kaayi.12“Kafɔɔ ɔfɛ babawɛ ninumbe?Ɔfɛ ninle lɛsɔnu kasiɛkɔ?13Otii dilaafuo ni lɛsɔnu otofo;blɔbawɛ ni di nkpa basiɛtɛ kasɔ suoto.14Nkyofokɔ mbuɛ alɛ, ‘Diesi di kamɛ nii’;lekpo mbuɛ alɛ, ‘Dinaa di ɔkyɛ nii.’15Blaafuo ninumbe ɔya ku koto sɛɛle biene, biene,ee bakadi ni kɔya di koto fututu kamɛ.16Blɔbafuo ni ɔya ku Ofir koto sɛɛle,ku oniks wɔ niefũ ni kɔya ee safir.17Blaafuo koto sɛɛle ee awɛwɛ ɔyɔ ɔkaatɛsa ku nni,ee bafuo ni ɔkyɛlɛnsa ku koto sɛɛle anyɛnɛ.18Lɛsaa le bɔɔlɛɛ ni koral ku afuɔ ya bɔɔlɛɛ ni yaspa ayooto diɛkaatɛ ku ninumbe;ninumbe kɔya lɛwaalɛ anii kole.19Etopia afuɔ ya niefũ ni kɔya bɔɔlɛɛ ni topas dilaafuo ɔkaatɛɛ ku nni;blaafuo ni ɔya ku koto sɛɛle nwaa.20“Ɔfɛ nfɛ di ninumbe lekye mɔ?Ɔfɛ ninle lɛsɔnu kasiɛkɔ?21Bɛɛyɔ ni beewofasa lɛsaa biala ninkpe ni nkpa anu,bɛɛyɔ beekookaa bia bakansiɛ ba di kɔfɛɛfɔ.22Kawɔɔ ku Kukpi alɛ,‘Kɔfɛɛfɔ nini lete niedu atoko loo.’23Yaa nnu osuku wɔ mankyɛ ni ninumbe ɔkyɛ kasɔ,lete nɔɔ kafɔɔ nin-ye ni kasiɛkɔ,24diekye annyu kasɔ nyɛntɛkɔ,annya kafɔɔ lɛsaa biala di kolo kalɔ.25Obe wɔ aata ni kɔfɛɛfɔ bakpɛtɛ,aaklapoosa ni ntu aatɛ nii,26obe wɔ aakpee ni kufiofa aata ni kanto,ku nfenkɔ aata ni kanto amunaa,27ninfɛ aanyu ninumbe, ni aanya alɛ dilɛ nɛ;ni aafũ ni aakpee, aasɔ ni aanyu nɛ.28Ni aatɔkɔ otii alɛ,‘SAATE nwu ɔyɛkɛ- nni ninle ninumbe,ku okpile okyidi ninle lɛsɔnu nɛ.’”The Seed Company