YESAYA65
Yaa Letoko Naanfi Di Batokopĩtɛ Suoto
1“Ladiki suoto nii lata mba ninankaalɛ mi ni disi;mba ninoowalaa mi ni lanyɛɛ.Latɔkɔ kale ka nintalɛɛ mi ni leyootonlɛ, ‘Nnyɛɛ, nnyɛɛ.’2Lafukuti nnɛɛ nii dii kufĩ kumulata batokopĩtɛ,ba ninkyɛ ni di sisuku se ninanlɛ nii,bɔɔbla ni di mma bamu nle niesiɛko ma nii-3batii ba ninkpee mi ni ɔblɔdi anu nii amu,bɛɛta oleɔta di afiɔ-poo kamɛmanfiɛ kafɔɔ olufui di atɛnkudi oleɔta akyikye suoto;4mansiɛ di sɛkya kamɛmansiɛ ni di nwofakɔ ku kakyɛ;manwee ni aplakuo sina,di sina se ninanklekle ni nsi ni di kutu abukii lɛma kamɛ;5mambuɛ alɛ, ‘Bla fasifi; tantɛɛtɛɛ mi,diekye lesii klekle ɔbla ɔta fɔ!’Batii nwu okle nle kɔyɔ di anwunfie nii,ɔtɔ wɔ ninfiɛ ni dii kufĩ kumu.6“Nyu, bɛɛkpana bɛɛtɛ di anu nii:namalo kanana kafɔɔ mata ma koto niimu nkyisa;mata ni koto nkyisa di atĩ lɛma suoto-7sikpile lee ku bate lee sele,”SAATE nwu niebuɛ.“Diekye baafiɛ oleɔta asaa di abokote nii suotobaakpɔnɔfɔsa mi di akpenkpe suoto,maklapoosa nya di atĩ lɛma suotoletota nimuu di ablasaa lɛma kofole suoto.”8Nnya ɔlaa wɔ di SAATE nwu kobuɛ ni:“Fɛ mmle nse bɛɛka dikutu ntu nimbu ninsiɛ nidi batii mbuɛ ni alɛ, ‘Tanlalaasa ni nii,lɛsaa biene lebu disi ni kaamɛ ni ni,’ yinkpo kamabla di bakpɛmblatɛ nii disi nɛ;namawɔɔsa bamuu lɛma.9Mata banantii nkye Yakobmankye kafɔɔ Yuda mba nimasiɛ ni di abokote nii;batii nii ba lediki ni male atesaa nwunfa kafɔɔ di bakpɛmblatɛ nii masiɛ nɛ.10Saron makple sɛfa kaweekɔ ninta babɔkɛɛ,Akor Ɔtaata kafɔɔ male ɔnyɛɛ katɛkɔ ninta babɔkɛɛ,diekye batii nii mawolaa mi.11“Kafɔɔ aye ba niesĩ ni SAATE nwubieyee ni kafɔɔ kobokote klekle nii,biotũ ni opunu minta ni Kayi Kamaa afiɔmin-yiisa sɛkɛkɛ se bɛɛkpɔkpɔtɔsa ni nta minta ni Nkpa Siitũ afiɔ,12mata ye minka di kapamii kanya,bamuu lee bibawakasɔ minta olo kafɔɔ,diekye lalɛɛ kafɔɔ bitatuna,lakakatɛ kafɔɔ batakyɔɔ mi atoko.Biabla dikpilesaa di anu niilɛsaa le ninanlɛ mi ni biadiki.”13Nioso nnya ɔlaa wɔ di SAATE Kplɛ nwu kobuɛ ni:“Bakpɛmblatɛ nii male,kafɔɔ kɔka maklee ye;bakpɛmblatɛ nii manyi,kafɔɔ otukɔnsɔ maklee ye;bakpɛmblatɛ nii manya suoto lɛyɔɔkafɔɔ babakpee ye sinunsɔ.14Bakpɛmblatɛ nii masa sinumampɔ di situ lɛma kamɛ,kafɔɔ bibawiminnu otu dibuominwi kaku di ninwuna nyaami obuo kamɛ.15Bibadiɛ ayooto lee mintɛbatii nii ba lediki nii fɛ lɛkpaani;SAATE Kplɛ nwu malo ye,kafɔɔ abata bakpɛmblatɛ nɔɔ leyooto bamba.16Otii lele niɛkaalɛ lɛtɔtɔrɔ di kasɔ nwu suotomabla nkpo di Yaa onukwaletɛ nwu kamɛ;olele niɛka ntam di kasɔ nwu suotomaka di Yaa onukwaletɛ nwu kamɛ.Diekye babayee dibuo le nintɔbafe niditoowofa ni kafɔɔ di anu nii.Osi Fɔle Ku Kasɔ Fɔle
17“Nyu lo, mablaosi fɔle ku kasɔ fɔle.Blɔbasinnyuma asaa kofole nwu,ee aakple asiɛ ma di asi kamɛ.18Kafɔɔ binya suoto lɛyɔɔ, biɛpɔ́ kafɔɔ dinaa ni kaloodi lesaa le mabla ni suoto,diekye mabla Yerusalem ambla suoto lɛyɔɔbatii nɔɔ kafɔɔ kamabla lɛpɔ́.19Manya suoto lɛyɔɔ di Yerusalem suotosuoto nnyɔɔ mi kafɔɔ di batii nii suoto;blɔbasinnukaku owi ku owi diisi ninwu kamɛ.20“Obi fɔɔle wɔ niesiɛ ni nkpa ayi asɛɛdilɔbasinwɛ ninwu diidii,ee ɔnɔɔfo wɔ ninanloo ni kayi nɔɔ osiɛ;babanya nnwɔ nimakpi eefũ ni alɛɛ kɔlafafɛle okosopo ko ale;man-yɔ nnwɔ ninanfũ ni alɛɛ kɔlafa,eekpi ni fɛle lɛkpaani.21Babatofo ayo mansiɛ ninnya kamɛ;babasɔ awoso, manle abi lɛnya kafɔɔ.22Blɔbasintofo ayo bata batii bamba babasiɛ,ee bapɛ asaa babamba babale.Diekye fɛ mmle di kowoso mbe ni,nkpo di batii nii mabe nɛ;batii nii ba lediki ni malennɛɛ lɛma kamɛ sɛkpɛ alɛsaa ninklɛ.23Blɔbabla ɔkpɛ kasakasaee balofo babi alɛ blɔbakyɛ sitũ;diekye babale batii ba di SAATE nwu mawii ni lɛyɔɔbanantii lɛma kafɔɔ masiɛ ku mma.24Matuna fiɛ babalɛɛ;manu di obe wɔ bɔɔkakatɛ ni.25Kaketeku ku lɛfosobi masi manwee sɛfa,kyata kafɔɔ kamawee lɛnwaakɛ fɛle nankyue suɔtɔ.kafɔɔ kudu nimale kɔsaanwu alesaa.Blɔbabla bawo dikpilesaa ee bawɔɔsa lɛsalɛsaadi kobokote klekle nii kumuu suoto,”SAATE nwu niebuɛ.The Seed Company