YESAYA66
SAATE Nwu Makanko Nnle
1Nnya ɔlaa wɔ di SAATE nwu kobuɛ ni:“Osi ninle lɛkakpomii nii,kasɔ kafɔɔ ninle mi nkpaa ditikasaa.Nnya leyo le bibatofo mintɛɛ ni?Ɔfɛ nimale ɔnyɛɛ katɛkɔ nii?2Diele kɔnɛɛ nii niɛbla asaa ya mmle amuuoso akpe?”SAATE nwu niebuɛ.“Nnya otii wɔ ninta ni dibu:nnwɔ niɛwakosa ni suoto kasɔ di ninuwuna kamɛ,di lɛyɛkɛ mpɛ nwɔ ni di ɔlaa nii suoto.3Kafɔɔ olele niɛyɔ nankyue suɔtɔ ɛɛta oleɔtante fɛle otii wɔ ninlo ni otii,olele kafɔɔ niɛyɔ lefosobi ɛɛta,nte fɛle otii wɔ ninfee ni weewee simu;nnwɔ ninta ni alɛsaa asaaɔtante fɛle nnwɔ ninta ni lɛplakuo ntɔ,olele kafɔɔ ninfiɛ ninyuma olufui,nte fɛle nnwɔ nintɔ ni afiɔ.Batoodiki sisuku lɛma simu,sɛkla lɛma kafɔɔ nnya suoto lɛyɔɔ di ayududusaa lɛma suoto;4nkpo di ami kafɔɔ madiki nimiina siene nta ma nɛmayɔ kafɔɔ lɛsaa le bɔɔyɛkɛ ni nwako ma di suoto.Diekye obe wɔ lalɛɛ ni, kuonwii ditatuna,obe wɔ lakakatɛ nii, kuonwii ditanu.Baabla dikpilesaa di anu niini baabla lɛsaa le ninanlɛ mi ni nɛ.”5Binu SAATE nwu ɔlaa,aye ba ninyɛkɛ ni SAATE nwu ɔlaa:“Babilee ba niekyidi ye nibeesĩ ye ni ta leyooto nii oso beebuɛ alɛ,‘Bita buta SAATE nwu dibu,alɛ buanya suoto lɛyɔɔ lɛfɔ nwu!’Kafɔɔ babakpee ma sinunsɔ.6Binu kudu nwu niekye ni okpoo,bienu kudu nwu niekye ni olekatakɔ!SAATE nwu sɛlɔ sileɔɔta balo nɔɔ koto ko kumuu niesiko ma nii.7“Fiɛ abasiɛ ni kaalofokɔ,atoolofo;fiɛ di lɛmɛ manu nwɔ nii,atoolofo obisuɔtɔbi.8Owe nintodinu ɔlaa wɔ mmle okle?Owe nintodinya lɛsaa le mmle okle?Baafuo kale olofo di dii ninwii kamɛee manlofo kale di obe kakuu kamɛ?Kafɔɔ di lɛmɛ lanuonu Sionninfɛ aalofo babi nɔɔ nɛ.9SAATE nwu alɛ, Nta kolofo nnu otiialɛ aalofo?”Yaa alɛ, “Nsɛɛ olofofɔtɔalɛ ninta balofo?”10“Binya suoto lɛyɔɔ ku Yerusalem, biɛpɔ ku nnwɔɔ,aye ba bamuu nimbɔmbɔ nwɔ ni;binya suoto lɛyɔɔ nwaa ku nnwɔɔ,aye ba bamuu niawiko nwɔ ni.11Diekye bibanyɛɛfu mimmiɛ kafɔɔdi kɔnɛɛ okpee kaafutu anyɛɛ nɔɔ suoto;bibamɛ nimbuo ye akpoominnya suoto lɛyɔɔ di lɛpɔ nɔɔ le nikobiɛ ninfe nii.”12Diekye nnya ɔlaa wɔ di SAATE nwu kobuɛ ni alɛ, “Mata atoko ɔkyɛ ole nii ndu nwɔ fɛle okle,ku nnle nwu lɛsaawɛ fɛle kaklenyii yiile;babaklee ye di nnɛɛ nɔɔ minnyɛɛfumantũtũkunsa di atĩ nɔɔ.13Fɛ mmle di obi ɔya nkpee ni obi nɔɔ kɔnɛɛ kaafutu yi,nkpo kamakpee ye kɔnɛɛ kaafutu nɛ;babakpee ye kɔnɛɛ kaafutu kafɔɔ di Yerusalem suoto.”14Nse biɛnya nle mmle, situ lee manya suoto lɛyɔɔbibalɛ bokoboko kafɔɔ fɛle sɛfa;babata bakpɛmblatɛ nɔɔ ntofo SAATE nwu kɔnɛɛ,kafɔɔ babadiki lɛblɔfiɛ nɔɔ mantuo bakyiditɛ nɔɔ.15Binyu lo, SAATE nwu kɔwa ku ɔtɔ,bakeke nɔɔ ba di bapɔnkɔ nnanfi ni nte fɛle kakitikɔ;abadiki ɔblɔ antuo ku lɛblɔfiɛ,ɔlaa osĩ ɔta nɔɔ kafɔɔ ku ɔtɔ bɛmbe.16Diekye ku ɔtɔ ku kapamii nɔɔdi SAATE nwu maka lɛka di batii bamuu suoto,batii kpinwu kafɔɔ nimale mba di SAATE nwu malo nii.17“Mba niekleklesa ni suoto lɛma, bɛɛbla ni klekle alɛ boobuo ni kɔba nwu kamɛ, batikanko ni nnwɔ ninta manwee ni aplakuo ku nfusu sina ku ayududusaa bamba- babakyakako kalookɔ lɛma,” SAATE nwu niebuɛ.18“Ami, ta ablasaa ku asibu lɛma oso, nfɛ kɔwa nimasiisa nnle ku sele, bamuu mawa mamanya leklekle nii.19“Kamatɛ dituosaa di kamɛ lɛma, nkyesee kafɔɔ mba ninkpe ni nkpa bawo di nnle nwu- Tarsis, Put ku Lud (mantaa ni akplɔ), Tubal ku Yawan, ku nsɔ be fanfa di ntu lɛmana diekyi ni manadi nu ni leyooto nii ee banya ni leklekle nii. Babayie dibu nii lakya di nnle nwu kamɛ.20Babakyeko babilee-suɔtɔbi bamuu di nnle mmuu manwako kobokote klekle nii di Yerusalem fɛ asaaɔta bɛɛta ni SAATE nwu- di bapɔnkɔ ku bakeke ba di bapɔnkɔ nnaanfi ni ku apaka ku babɔkɛɛ ba nintuka ni atoo ku kapupɔnkɔ suoto,” SAATE nwu niebuɛ. “Babawako nya fɛ mmle di Israel batii nwako ni alesaa asaaɔta di SAATE nwu olekatakɔ, di akleklesaa akpɛnsaa klekle kamɛ.21Kamadiki bawo kafɔɔ manle olebatɛtɛ ku Lewi batii,” SAATE nwu niebuɛ.22“Fɛ mmle di osi fɔle ku kasɔ fɔle ka lɛbla ni mate ni di anu nii dinaa ni kaloo. Nkpo di leyooto lee ku banantii lee mate dinaa ni kaloo nɛ.” SAATE nwu niebuɛ alɛ,23“Diɛyɔ ni di Kɔwɛntɛ Fɔle diɛladu ni kɔbamba diɛyɔ ni di Lɛnyɛɛtɛyi ninwii diesifi ni lɛbamba, batii bamuu kamawa mamawakasɔ di anu nii,” SAATE nwu alɛ.24“Babadie mankyɛ mananyu mba niabla ni otokopĩ di suoto nii bakpi; akudukudi lɛma nwu dilɔbakpi, ee ɔtɔ lɛma kunii, dibabla di diyududusaa ninta batii bamuu.”The Seed Company