YESAYA64
1Oo, alɛ fabɛ osi fasoo fawa kasɔ,alɛ abokote katũkũ di anu lɛfɔ!2Fɛ mmle di ɔtɔ nfiɛ ni kɔtɔɛniininta ntu nfuu nii,soo fawa faabata balo lɛfɔ batofo leyooto lɛfɔfaata kafɔɔ nnle ditũkũ di anu lɛfɔ!3Diekye obe wɔ faabla ni asaa ya niabla ni ɔkpɛ buta nyu ni osuku,faasoo faawa kasɔ, ni di abokote latũkũ di anu lɛfɔ nɛ.4Bia okofobee kuonwii diinu,kotoko kukuninwii diinu kasɔ,ninu kuninwii diinya Yaa bamba di afɔ kamaa,nnwɔ nimbla asaa anta ni mba ninyu nwɔ ni osuku.5Famakyakaako mba nimbla ni asaa tinini ku suoto lɛyɔɔ,mannyuma ni di sisuku lɛfɔ suoto.Kafɔɔ nse buokple mumbla sikpile di suoto lɛma,faanya ɔblɔ.Ni lɛ nfɛ buawɛ didiki?6Bamuu loo butɔbla fɛle mba ninanklekle ni,ablasaa tinini loo amuu nte fɛle sikpilakpi kpɔnɔfɔɔ;bamuu loo mun-yɔɔ fɛle lɛfata,sikpile loo kafɔɔ nfɛ wo fɛle kɔfɛɛfɔ kunsifiko.7Kuonwii ninlɛɛ leyooto lɛfɔee akpɛkpɛɛ alɛ ootikanko fɔ;diekye feewofasa anu lɛfɔ di suoto looninfɛ feediɛ wo buɔɔsɔɔ ta sikpile loo oso nɛ.8Oo Saate , kafɔɔ afɔ ninle wo Kote.Awo ninle kɔtɛ, afɔ ninle dibukiiblatɛ;bamuu loo kɔnɛɛ lɛfɔ ɔsaabla bule.9Oo Saate , tannya ɔblɔ faawaalɛsa;tannyuma sikpile loo dinaa ni kaloo.Oo, nyu wo, buotikiti lekoto,diekye bamuu loo batii lɛfɔ bule.10Okpoo klekle lɛfɔ nwu ntookple ɔfaafuu;bia Sion nle ɔfaafuu, Yerusalem nfɛ nte ofukuti.11Batoofiɛ olekatakɔ loo klekle nwu nikɔlɛ ni onyu ku ɔtɔlɛba le di bate loo latansa fɔ nii,afinsaa ya amuu ninkpe wo ni ntɔɔlalaa.12Oo Saate , di n-ya mmle amuu sɛmaa, fabakyisa kamaa fanta wo?Fabalo kanana fannanfi wo kootoko kafɔɔ fanwaalɛsa?
The Seed Company