YESAYA63
SAATE Nwu Lelenkee Di Nnle Nwu Suoto
1Owe ninle nnwɔ mmle, di akpeele nɔɔ lɛsɛɛ ni bɔmbɔ,eekye ni Bosra di Edom ɔɔwa nɛ?Owe ninle nnwɔ niekpee ni asaa ku sɛlɛoodiki akpaakyɛlɛ anwa di osie nɔɔ kanya?“Ami dile, kɔkakatɛ di ɔsaabla tinini kamɛosie nlɛ kofũ ma nkpa.”2Obe oso di akpeele lɛfɔ lɛsɛɛ nkpo,fɛle nnwɔ nikɔwa ni nta ale nwu okle?3“Lete nii nianwɔtɔ nta awosobi nwu laka;kuonwii ditakye nnle nwu aabakyakaako mi.Ɔblɔ nii kamɛ lananafu malɛblɔfiɔ nii kamɛ kafɔɔ lanwɔtɔ ma;ntɔ lɛma lakpekpete di akpeele nii suotodiata akpeele nii amuu labla ku ntɔ.4Diekye ɔbla okyisa dii nwu lasiɛ mi di otu,lɛlɛɛ nii le kafɔɔ kadiki ni batii ntoowo.5Lanyunyu, kafɔɔ kuonwii ditawɛ aakyakaako nii,diabla mi ɔkpɛ alɛ kuonwii ditatɛɛ lɛkyakaako nii;nioso kɔnɛɛ nii kumu niabla didiki ɔkpɛ kuatɛɛ,ɔblɔ nii omu kafɔɔ niakyakako mi.6Lananafu nnle nwu di ɔblɔ nii kanya;di lɛblɔfiɛ nii kamɛ lata nta baanyi baasiɛlawii ntɔ lɛma kafɔɔ kaasɔ.”SAATE Nwu Sifutulɛ Ɛɛta Ni Israel
7Kamadiki SAATE nwu sifutulɛ mbuɛ,ablasaa nɔɔ ya oso dikaatɛ baatansa nwɔ nii,di asaa ya amuu di SAATE nwu lɛbla ɛɛta wo ni kanya-nwaako asaa kpinwu ɛɛblaɛɛta Israel leyo,di nyaami nɔɔ ɔnya ku sifutulɛ nɔɔ kpinwu kanya.8Aabuɛ alɛ, “Nwaako batii nii bale,babisuɔtɔbi ba ninamalaa baatɛɛ ni bale”;nioso aabakple Dikitɛ lɛma.9Di nimiina lɛma nimuu kamɛ, nnwɔɔ kafɔɔ diamiina nwɔ,ni di tɔkyɛntɛ wɔ niawɛ ni di anu nɔɔ ladiki ma nɛ.Lɛbɔmbɔ nɔɔ ku nyaami nɔɔ ɔnya kamɛ aadiki ma;aatakatɛsa ma katoo ni aakunu madi saa ayi nwu amuu kamɛ nɛ.10Kafɔɔ baataka baayila nwɔ di suotobaata kafɔɔ Ninwuna Klekle nɔɔ labuo sɛnyaami.Nioso aabakple lo lɛmani di nnwɔɔ omu aakpɛko ma nɛ.11Ninfɛ di batii nɔɔ lanyuma saa ayi nwu nɛ,Mose ku batii nɔɔ ayi nwu-ɔfɛ di nnwɔ niakpaa ma aafenko ni di lekpo kamɛ,ku bafosokpatɛ nɔɔ bafoso nwu nkpe?Ɔfɛ di nnwɔ niata niNinwuna Klekle nɔɔ lasiɛ ni kaamɛ lɛma12aata ni dibu nɔɔ kɔnɛɛ osielawɛ ni di Mose koletanɛɛkyɛ,nnwɔ niasɛ ni ntu nwu di anu lɛma,alɛ aafũ ni leyooto le ninaa ni kaloo anta ni suoto nɔɔ,13aakpaa ma aafenko ni di nkyofokɔ nwu nkpe?Fɛle pɔnkɔ di kasɔ foo suoto yi,batatuula;14SAATE nwu Ninwuna lata ma ɔnyɛɛ ɔtɛfɛle banankyue ba niɛkyɛ ni sɛfa kaweekɔ di ɔtaata.Nkpo okle faakpaa batii lɛfɔalɛ faayɔ dibu leyooto fanta suoto lɛfɔ nɛ.Ɔlaa Ɔpɛ Diɛta Ni Nyaami Ɔnya Ku Lɛkyakaako
15Nyu fakyeko osi faanyufakyeko kasiɛkɔ takale, klekle ku dibu lɛfɔ nwu.Ɔfɛ di okyiini ku osie lɛfɔ nwu nkpe?kafutu ninyinyi ku nyaami ɔnya lɛfɔ nsinnaa di suoto loo.16Kafɔɔ afɔ ninle wo Kote,kuntɛ Abraham dieye woee Israel atofo wo yi;Oo Saate , afɔ ninle Kote loo,diayɔ ni di saa, leyooto lɛfɔ ninle Dikitɛ loo.17Oo Saate , be oso fɛɛta wo buomunikĩi di osuku lɛfɔ suotofɛɛta situ loo nkpe osie alɛ bulɔɔyɛkɛ fɔ?Ta bakpɛmblatɛ lɛfɔ oso kple fawa,ana ya ninle ni asaa baletɛ lɛfɔ.18Batii lɛfɔ lafũ kakleklekɔ lɛfɔ nwu di obe kakuu kamɛ,kafɔɔ nunua balo loo ntɔɔnanafu olekatakɔ lɛfɔ nwu bɛɛtɛ kaasɔ.19Bale fɔ bule diayɔ ni di saa;kafɔɔ fatale sɛka di suoto lɛma,batalɛɛ ma di leyooto lɛfɔ kanya.The Seed Company