YESAYA31
Ɔlaa Osĩ Ɔta Mba Nietika Ni Egipte Batii Disi
1Bayɔɔsa aye ba niesoo bɛɛkyɛ ni Egipte boomiɛ ni lɛkyakaako,beetika ni disi di bapɔnkɔ suoto,beetika ni disi di bakeke lɛma ba di bapɔnkɔ nnanfi ni lɛpɔ suotoku bapɔnkɔ lɛma basiɛtɛ osie kplɛ nwu,kafɔɔ manamunikĩi baanyu ni Israel Klekletɛ nwu,ee bamiɛ ni lɛkyakaako bakyeko ni SAATE nwu nfũ.2Di nnwɔɔ kafɔɔ eebe ni anu aafuo ni kɔkpaa kpile ɔwako;anankyi ni sɛlaa nɔɔ kamaa.Abataka anyila di kpiletɛ leyo,ku mba ninkyakaako ni sikpile bablatɛ.3Diekye Egipte batii diele Yaa, batii bale;bapɔnkɔ lɛma nle suoto sina, diele ninwuna.Nse SAATE nwu lɛnanfi kɔnɛɛ nɔɔ yi,nnwɔ niɛkyakaako ni kamatuula,nnwɔ batɔɔkyakaako ni kamanɔɔ;akyuu lɛma anyɔ kamawɔɔ.4Nnya ɔlaa wɔ di SAATE nwu lɛtɔkɔ mi ni alɛ:“Fɛ mmle di kyata ntookumii ni,kyata kplɛ wɔ ninklee ni lɛsaa le eemufũ ni-kuntɛ bafosobakpatɛ bamuukoyiisa kudu di suoto nɔɔ,di afafaa lɛma nwu ninyɛkɛsa nwɔ niee kudu kplɛ lɛma nwu nimmbla nwɔ ni lɛsalɛsa yi-nkpo di SAATE wɔ Ninlenke ni kamasoo anwaamakpɛ kakpɛ di Sion Kobokote ku ntakalekɔ nɔɔ nɛ.5Fɛle mmle di bakansiɛ nkpee ɔkaa mantookyi ni osi,nkpo di SAATE wɔ Ninlenke ni kamatĩi Yerusalem nɛ;abatĩi nwu andiki nwu kafɔɔ,‘abafe nwu di osi’ andiki nwu.”6O Israel batii, bikple bisifi nnwɔ suoto bitooyila ni osie kanya.7Diekye di dii nwu nkpo yi, obiala lee kamasĩ koto fututu ku koto sɛɛle afiɔ ya biɛyɔ sikpile nnɛɛ lee biɛbla nii.8“Asiria kamanɔɔ di kapamii ka kanya ninankye ni otii nfũ;kapamii ka ninankye ni batii nfũ kamabɛbɛɛ ma.Babatoso di kapamii kanyababakpaa bakosopo lɛma kafɔɔ mankpee di ɔkpɛ siene ɔbla kamɛ.9Kamaa kakpɛkɔ lɛma kamanɔɔ ta lɛyɛkɛ oso;kakpɛ baflankaa ɔnya kamata kakpɛ kanyabayilatɛ lɛma difu mpɛ ma,”SAATE nwu niebuɛ alɛ,nnwɔ di ɔtɔ nɔɔ nkpe ni di Sion,nnwɔ di ɔtɔ nɔɔ ofiɛ nkpe ni di Yerusalem.The Seed Company