YESAYA32
Ɔka Wɔ Nimbla Ni Asaa Di Osuku Kanya
1Nyu, ɔka onwii kamale sɛka di ɔsaabla tinini kamɛbatunletɛ kafɔɔ kamale katũ ku lɛkanko biene.2Obiala lɛma kamate fɛle kawofakɔ di kɔfɛɛfɔ kamɛku katanikokɔ di afɛɛfɔ siene kamɛ,fɛle seklenyii ntu di ɔfaafuu kamɛku difuɔnkpaa kplɛ kunyii di koleele kasɔ suoto.3Nse mba anu nikɔnya ni dilɔbasintĩi,mba kafɔɔ atoko nikonu ni kamanu.4Asibu ya nimpɛ ni sɛwa kamatofo, mannu kasɔ kafɔɔ,mba kafɔɔ di lɛtɔkɔwelee nsi ni kamakakatɛ kamɛ nkpa.5Blɔbasinlɛɛ buutɛ alɛ otii finleee bayɔ dibu kplɛ bata batafaatɛ.6Diekye buutɛ, sibuulaa ambuɛ,disibu nɔɔ leyii ku okpile:Asaakuu amblaambuɛ sɛlaa se ninante ni nkpo di SAATE nwu suoto;anta nnwɔ di kɔka nkle ni nte kɔkannwɔ di otukɔnsɔ nkle ni kafɔɔ ɔlɔbatɔɔ ntu aanyi.7Tafaatɛ ɔsaabla nle amumu,disibu kpile amblaalɛ ɔɔyɔ sɛlaa ku afunu anlalaasa piitɛ,kuntɛ piitɛ nwu ɔlaa nkpe.8Kafɔɔ otii finle mbla asibu finle,di sɛsaabla finle kamɛ kafɔɔ anyila.Lɛkanko Ku Asaa Lese Ololaa Ɔbla
9Aye basanko ba ninsi ni kayaa kanya,bitaka biyila, biɛkyɔɔ mi atoko kafɔɔ;aye babisankobi ba ninkonyu alɛ kunutoko nkpe ye ni,binu ɔlaa wɔ ninkpe mi ni!10Di lɛlɛɛ ku ayi asɛɛ kamɛaye ba ninkonyu bilɛ bikpe ni kunutoko kamatũtũkũ;nta awosobi ɔtɛsɛ dilɔbawɛ,lewosobi ɔtɛsɛ kafɔɔ dilabawɛ.11Aye basanko ba ninkpe ni kayaa, ditũtũkũ mapɛ ye;aye babisankobi ba ninkonyu bilɛ kunutoko nkpe ye ni, lɛwɔɔfɔ kamakpete ye!Bifiɛ abula lee bitɛ,bienyukũ aboko di sɛtɔ lee.12Bipɛ anyɛɛ lee di afe biene nwu suoto,dile ni nta awosobi otika nwu suoto13ku batii nii kasɔ nwu suoto,kasɔ ka nieyii ni ku akuna ku siwuu-nwaako, biwi bita suoto lɛyɔɔ ayo nwu amuuku okpoo kplɛ wɔ mmle lɛpɔ.14Babadiɛ ntanikokɔ nwu mantɛ,mandie di okpoo kplɛ nwu ku kudu ninwu;kawofakɔ ku lɛba takale nwu kamakple kasɔ fukuti dinaa ni kaloo,ninta babɔkɛɛ ba nintuka ni atoo kasiɛkɔ ku babɔkɛɛ sɛfa kaweekɔ,15diɛlaase di obe wɔ bɛɛnyɛɛnɛ Ninwuna le niekye ni osi beekpete wo,di ɔfaafuu nwu kamakple ni kasɔ biene,di kasɔ biene nwu kafɔɔ kamabate ni fɛle lepoo.16Lɛkanko biene kamawɛ di ɔfaafuu nwuɔsaabla tinini kafɔɔ kamawɛ di kasɔ biene nwu suoto.17Ɔsaabla tinini abi nimale atoko ɔkyɛ ole;ɔsaabla tinini kamale kunutoko ku ninuntika dinaa ni kaloo.18Batii nii kamasiɛ di atoko ɔkyɛ ole aba,di ayo ya di kunutoko nkpe nii,di aba ya di kubuɛ okpee nnaa ni. mantɛ ni ɔnyɛɛ.19Kuntɛ atubakanii lɛkpa eete di lepoo nwu kasɔdi okpoo kplɛ nwu kafɔɔ lebiɛ kuɔkyɛkyɛ ku kasɔ yi,20aye ba nimapɛ ni asaa di seklenyii sɛlɔɔkɔ.suoto kamayɔɔ ye,abata kafɔɔ banankyue lee ku babɔkɛɛ ba nintuka ni atoo nkyɛ mantookyi.The Seed Company