ƆLAABUƐTƐ11
Lɛsaa Le Di Numbentɛ Mbla Nii
2Yɔ akyuu akuɛnsĩ, ee bia di anɛ fata,diekye faaye ɔlaa kpile wɔ nimawa ni di kasɔ nwu suoto.3Nse alokonkyɛ leyii ku ntu pɔ yi,kanto nnɔɔ ankpete di kasɔ suoto.Kuntɛ kowoso lɛnɔɔ kuofe kalakasɔ ee katookasɔ,lɛba lele kuɔnɔɔ kuote ni yi, nfa nwu kubate nɛ.4Otii lele nintɛ anu annyu kɔfɛɛfɔ dilɔbapɛ asaa;otii lele kafɔɔ ninnyunyu alokonkyɛ dilɔbayɔ alesaa.5Fɛ mmle fanan-ye ni kɔfɛɛfɔ osuku yi,ee mmle di otii mbla ambuo ni di ɔya olofofɔtɔ kamɛ yi,nkpo okle fɔnɔmafuo Yaa,asaa amuu Blatɛ ɔkpɛ kasɔ onu nɛ.6Pɛ asaa lɛfɔ di olesɛ,kɔtɔɔfɔ kafɔɔ tanta nnɛɛ lɛfɔ late kloklo,diekye faaye lɛmɛnle nimalɛ,olesɛ lele ee kɔtɔɔfɔ leleee akyuu nwu anyɔ kamakyɛkyɛ anlɛ.7Lɛkpa nkpe ɔmɛnɛfɛ,suoto n-yɔɔ anumbi kafɔɔ alɛ ɛɛnya kufĩ.8Kafɔɔ alɛɛ kpinwu lele di otii kamafuo nkpa osiɛ yi,anya suoto lɛyɔɔ di obe nwu omuu kamɛ.Kafɔɔ anyuma ditunu obe nwu kamɛ,diekye abapɔ kpinwu.Lɛsaa biala nimawa ni nle kasakasa.Nyuma Blatɛ Lɛfɔ Di Sekosopo Lɛfɔ Obe Kamɛ
9Okosopo, nya suoto lɛyɔɔ, di obe wɔ kamɛ fale ni okosopo,faata otu lɛfɔ kafɔɔ kuta fɔ suoto lɛyɔɔ di sekosopo lɛfɔ obe kamɛ.Tikanko otu lɛfɔ dibiesaaku lɛsaa lele di anumbi lɛfɔ lɛnya.Kafɔɔ tofo falɛ Yaa kamakanko fɔdi asaa ya mmle amuu suoto.10Nioso, diki dibuɛkpee di otu lɛfɔ kamɛfaatekete kafɔɔ dibuo nwu di suoto lɛfɔ,diekye sekosopo kamɛ osiɛ ku suoto osie nle kasakasa.The Seed Company