ƆLAABUƐTƐ12
1Nyuma Blatɛ lɛfɔdi sekosopo lɛfɔ obe kamɛ,fiɛ di dibuo obe nwu diwa,di alɛɛ kafɔɔ atɛɛtɛɛ faababuɛ ni falɛ,“Noosinnya suoto lɛyɔɔ ninnya kamɛ”-2fiɛ di kufĩ ku lɛkpaku kɔwɛntɛ ku awɛntrɛbi kamawɔfɔ ni,di alokonkyɛ kafɔɔ mpɛankple ni di kanto ɔnɔɔ sɛmaa.3Di ayo banyuntɛ ntũtũkũ nii,di basuɔtɔ basientɛ n-wa ni kasɔ,di asaabakuɔtɛ kamadiɛ ni asaa okuɔ ta baasimpɔ ni oso,di mba kafɔɔ ninnyu ni asaa manfenko ni di basɛfle kamanya ni asaa tutufuu;4di nyoko be manfe mankyɛ ni di akpaka kamasɛɛ ni,di asaa okuɔ sɛlɔ kamawa ni kasɔ;di obe wɔ di batii kamataka ni di bakansiɛ owi sɛlɔ kanya,kafɔɔ sinu lɛma simuu kamanii ni;5di obe wɔ di batii kamayɛkɛ ni aba ya niɛtaka niku difu le nimawɛ ni di sisuku suoto;di obe wɔ di bablɔfɔ akotoa kowoso kokpee ni atotodi letroee kowududusa ni suoto nɔɔ kaasɔdi lɛsaa ɔkɔnsɔ kafɔɔ dilɔbasinklee ni otii.Nfa nfɛ di otii kamasifi yaakafa ka ninaa ni kaloodi nkufa basiɛtɛ kafɔɔ nkyɛ mantoofenfe ni di akpaka suoto.6Nyuma nwɔ- fiɛ di kotofututu okũ nwu kubudi,ee kotosɛɛle lɛbɛɛsibi nwu dibiɛ;fiɛ di ntu didusaa nwu disiɛtɛɛ di ditubiɔ nwu kotoko,ee keke kɔkpaa kukpakpaa di ditubiɔ nwu kotoko,7di kɔtɛ kamapɛkunkple kunsifi ni kasɔ ka kuokyi ni kamɛ,di ninwuna kafɔɔ kamapɛninkple ninsifi ni Yaa wɔ niɛta nini nfũ.8Asaatuotɛ nwu lebuɛ alɛ, “Kasakasa! Kasakasa!Lɛsaa biala nle kasakasa!”
Kase nnaa di akũ kpinwu ɔkpana kamɛ, asaa kpinwu otekete kafɔɔ nta suoto dibuo.13Nunua yi, butoonu sɛlaa nwu simuu;sɛlaa nwu simuu kayɛntɛkɔ ninle nse mmle nɛ:Yɛkɛ Yaa, faamufũ afuofa nɔɔ faklee,diekye nle mmle ninle otii biala ɔkpɛ omu nɛ.14Diekye Yaa kamakanko ɔsaabla biala,diɛkyakaa ni di lɛsaa biala niewofa nii,dibiene dile oo, dikpile dile.
Ɔlaa Kayɛntɛkɔ
9Asaatuotɛ nwu ditale numbentɛ lete, kafɔɔ aayɔ lɛsaatofo kafɔɔ aakpee di batii nwu kamɛ. Aabu disi di sɛlaa suoto, aawolaa sĩ kamɛ kafɔɔ, ni aasiisa akpa sɛlaa kpinwu kanya aatɛ nɛ.10Asaatuotɛ nwu lawolaa alɛ ɔɔnya sɛlaa se ninte ni nkpo lete, n-se kafɔɔ aakpana ni lawo, siale ni kafɔɔ onukwale.11Numbentɛ nwu sɛlaa nte fɛle kowesee piɔmpiɔ, sɛlaa lɛma se baasiisa ni nte fɛle sibuɛ se bɛɛpɛ bɛɛmɛɛsa ni osie kanya- di bafosokpatɛ onwii lasiisa nii.12Obisuɔtɔbi nii, lolaafanyu, di lɛsaa lele niɛkyakaa ni di n-ya mmle suoto.Kase nnaa di akũ kpinwu ɔkpana kamɛ, asaa kpinwu otekete kafɔɔ nta suoto dibuo.13Nunua yi, butoonu sɛlaa nwu simuu;sɛlaa nwu simuu kayɛntɛkɔ ninle nse mmle nɛ:Yɛkɛ Yaa, faamufũ afuofa nɔɔ faklee,diekye nle mmle ninle otii biala ɔkpɛ omu nɛ.14Diekye Yaa kamakanko ɔsaabla biala,diɛkyakaa ni di lɛsaa biala niewofa nii,dibiene dile oo, dikpile dile.
The Seed Company