ƆLAABUƐTƐ10
1Fɛ mmle di basunsũ ba nintookpi ni nta ni akɔnɔnkɔnɔsaa nkpete ni kpitikpiti yi,nkpo di dibuu kɛkɛɛ n-wɛ onutũ di ninumbe ku dibu suoto nɛ.2Numbentɛ otu nkyɛ di osuku wɔ ninlɛ ni suoto,kafɔɔ buutɛ otu nkyɛ di osuku wɔ ninanlɛ ni suoto.3Bia nse akyɛ di osuku yi,disibu nin-wɛ buutɛandiki kafɔɔ antuo otii biala mmle eebuu nii.4Nse tunlentɛ lɛfɔ lɛnya ɔblɔ di suoto lɛfɔ yi,tankyɛ di kayilakɔ lɛfɔ;diekye suoto omufũ oklee kloklo kamafuo ɔtanlolaa ɔbla kplɛ kanya onĩisa.5Dikpilesaa ninwii nkpe ntɔɔnya ni di kufĩ kalɔ,ɔtanlolaa ɔbla wɔ nintaka kunkye ni tunlentɛ nfũ:6Man-yɔ babuutɛ manse di n-yilakɔ kplɛ kpinwu kanya,asaa bawɛntɛ kafɔɔ n-yila di n-yilakɔ biibii.7Ntɔɔnya balanle nsi di bapɔnkɔ suoto,di obe wɔ di baka babi nkyɛ ni ninkpaa fɛle balanle.8Otii lele niekutu dibiɔ kafuo ɔkpa obuo nini kamɛ;otii lele kafɔɔ nimbie oyoyiɛ ambuo yi, kɔsanwu kafuo nwɔ onu.9Otii lele nimbiɛ afuɔ yi, afuɔ nwu kafuo nwɔ ɔkyankya;otii lele nimbɛ ntɔɔni yi, diafuo nwɔ nkɔ otika.10Nse kafɛ lekpi abemananlɔɔfɔ ka kanya yi,dikpeni bɛɛyɔ osie kpinwu,kafɔɔ lɛsaa otofo kamata disi ofũ.11Nse kɔsanwu lenu otii kuoloo fiɛ nfɛ bɛɛfaa kũ yi,lɛsalɛsaa nindie diakye ɔfaa nwu kamɛ.12Numbentɛ kanya sɛlaa n-le sibualɛ ole,kafɔɔ buutɛ nnwɔɔ anyasibi nɔɔ amu ntɔɔ an-wɔɔ.13Sɛlaa nɔɔ nle sibuulaa di kasɔkakyekɔ;sile kafɔɔ difiibuo kpile di kayɛntɛkɔ-14buutɛ nkakatɛ kafɔɔ ampɔɔsa.Otii kuonwii dieye lɛsaa le nikɔwa nii-owe nimafuo nwɔ lɛsaa le nimawa ni sɛɛmaa nɔɔ ɔtɔkɔ?15Buutɛ ɔkpɛ ɔbla nta nimbuo nwɔ;diekye ansintofo osuku aasifi okpoo.16Ao, kasɔ ka ɔka niale ni kpɛmblatɛ ayɔɔsa,ku mba batunletɛ nintũ ni opunu ku olesɛ.17Oo, kasɔ ka ɔka beelofo ni ku dibu, bɛɛta fɔ lɛtɔtrɔ,ku mba batunletɛ nin-le ni alesaa di obe biene kamɛ-diɛta ni suoto osie, ninanle ni lɛtansiɛ.18Nse otii nkpe nkyɔkɔ yi, lɛkyà nɔɔ nsoo nintakaa;nse nnɛɛ nɔɔ nsiɛ kloklo yi, leyo nɔɔ ndu.19Ɔma oso mantũ opunu,nta kafɔɔ nkpee nkpa suoto lɛyɔɔ,kafɔɔ koto nimbla lɛsaa biala.20Tankpaani ɔka bia di disibu lɛfɔ kamɛ,ee fakpaani asaawɛntɛ di leyotenyo lɛfɔ kamɛ,diekye kansiɛ wɔ di kɔfɛɛfɔ kamɛ kamafuo sɛlaa lɛfɔ ɔyɔ osifiko,kansiɛ owo kafɔɔ kamafuo ɔlaa wɔ feebuɛ ni ɔlaabuɛ.
The Seed Company